|
اتمنى من الله تعالى ان أربي يتيما
السلام عليكم ورحمة الله وبركاته
في البدايه اريد ان اوضح بعض الامور الهامه في حياتي انا بنت في بداية العشرينات غير متزوجه احب الاطفال مع العلم بانني مرهفة وحساسه جدا جانب اخر من حياتي ربيت العديد من ابناء اخواتي واخواني حفظهم الرحمن وكل اللي حولي شهدولي بنجاحي كأم وبما انني احب الاطفال فكرت من فتره اني اربي يتيم واعطي اي وحده من خواتي ترضعه منها يونسني ويملي علي حياتي ويحسسني بالامومه ومنها أ كسب اجر هذا اليتيم باذن الله طبعا عرضت الفكره على بعض من اهلي وافقو عليها والبعض الاخر رفضوها بحجة انني فتاة في مقتبل العمر وممكن في اي وقت اتزوج طيب وان فرضنا وجاني ابن الحلال اكيد باخذه معي وبربيه مع عيالي مافي اي مشاكل طبعا من المؤيدين الاوائل كانت الوالده حفظها الله لي المهم الحين ودي استفسر اذا اقدر اربي يتيم يعني لازم اكون متزوجه وهل للمحتضنات ايتام اعمارا معينه او ماهي الشروط وكيفية الاجراءات مع العلم انني من سكان جده اتمنى ان اللي عنده خلفيه عن الموضوع يعلمني ويحتسب الاجر باذن الله ودمتم في حفظ الرحمن اختكم بنت جدهـ |
بارك الله فيك
وكثر من امثالك |
الله يوفقك يارب
طيب ليه ما تنتظري الين تتزوجي وتجيبي طفل وبعدها ترضعي اليتيم مع طفلك عشان تصيري أمه ويعيش عندك بالنسبة للطريق صراحة اللي اعرفه إن كفالة اليتيم تكون بمبلغ مالي يدفع للملجأ .. لكن ماسمعت إنه ممكن تاخذي اليتيم معاكي للبيت ويتربى عندك وحدة عندنا من العايلة ست كبيرة أخذت يتيم زمااااان من دار الرعاية وربته عندها والولد ماشاء الله صار عمره 25 سنة وزوجته ومبسوطة فيه لكن تتحجب عليه لأنها مارضعته .. وبعدها تقول ماصار فيه أحد يقدر ياخذ يتيم عنده .. ما أعرف ليش وإيش الحمكة أتمنى لك التوفيق |
اقتباس:
|
اقتباس:
اولا اشكرك على ردك ومشاركتك في موضوعي حبيبتي اما بالنسبه للانتظار فالوحده ماتدري متى ووين يجي نصيبها فصعب اني ارربط نفسي بشي ممكن يحدث الان او بعد عده سنوات او لايحدث قدر الله وماشااءفعل فلا اعتراض على حكمه وانا راضيه بنصيبي اما عن الكشف عليه ماعندي ابدا مشاكل لان ماشاء الله اخواتي اللي توهاوالد واللي حامل يعني ممكن اخلي اي وحده ترضعه يعني انا بكشف عليه بخلي خواتي وحريم اخواني بعد يرضعونه عشان يكشف على كل العيله والله مره نفسي اتمنى من الله يحقق اللي في نفسي وابلغ شرف مصاحبه رسول الله عليه افضل الصلاةوالسلام اتمنى حبيبتي لو تعرفين تعلميني بدعيلك من كل قلبي تمنياتي لكن بالتوفيق |
كثر الله من امثالك حبيبيتي ... المشكلة بعدين اذا جا نصيبك ان شاء الله
ممكن تاخذي الولد معاك على افتراض انك كفلتي ولد .. لانه لو بنت مايصح تنكشف على زوجك المهم صرتي خالة الولد بالرضاع وممكن تنكشفي عليه .. لكن ان شاء الله يوم تنجبي اطفال .. ما يصح لبناتك ينكشفو عليه لانو ولد خالتهم بالرضاع صح ؟؟ وهنا العبرة ... فالاحسن تستني لما تتزوجي و تحملي ان شاء الله و بعدين ترضعيه انتي او مارسي امومتك و عاطفتك مع اولاد اخوتك الى ان ربي يرزقك بالزوج الصالح .. ولو على الاجر العظيم .. اكفلي يتيم بدون ما تجيبيه عالبيت .. اهتمي بمصاريفه من صغره لين يتم الجامعة ان شاء الله ربي يوفقك وينولك كل ما تتمنيه |
مشكوره حبيبتي نوره لوجودك فيي موضوعي
اتمنى انكم ماتعقدونها في وجههي وبعدين اذا تقولين امارس امومتي مع عيال اخواتي عندهم امهاتهم الله يخليهم لهم انا ابي طفل يكون لي انا ربيت عيال خواتي وتعلقت فيهم اخر شيء راحو مع اهلهم واذا على قولتك ان ممكن اذا اتزوجت مايكشف على بناتي اخلي زوجة ابوي ترضعه من جد انا مصره ع الموضوع اتمنى تزيدوني اصرار موتحبطوني جزيتم الجنه |
ماشاء الله تبارك الرحمن ..
الافضل خلي زوجة والدك ترضعه عشان بإذن الله اذا تزوجتِ يكون بناتك يكشفون عنه .. وآعرف وحدة ماعندها آطفال وآخذت يتيم آمه وآبوه ماتوا بحادث لكن خلت عمانه يوقعون انهم ماايطالبون فيه اذا كبر .. لكن بالنسبة للشروط ماادري .. وربي يوفقك .. وآستخيري الله .. ودخلتِ هاالفكرة براسي .. |
الله يوفقك يااااااااااااااارب بس ماعندي خلفيه عن الموضوع
|
ياقلبي يا بنت جده والله مو قصدي احبطك بس ابيك تفكري تمام قبل ما تقدمي على هذه الخطوة
لانها خطوة كبيرة تتعلق بها حياة ناس . ما ابيك تجري وراء عاطفتك بس و بعدين لاقدر الله مثلا زوجك المستقبلي مايرضى يربيه حرررام .. او بعدين يلاقي رفض بالعائلة لانه يتيم ... لانه اذا تربى وسطكم قد بتعلق باحدى بنات خواتك او اي حد من بنات العائلة و العائلة ترفضه على اعتبار انه ماينعرف له اصل زي ما نشوف في مجتمعاتنا .. ادري انه غلط ولازم ما ناخذ الاطفال بافعال الاهل .. لكن هذا هو مجتمعنا و صعب نغيره ... اذا عندك اصرار .. وفكرتي بالموضوع من كافة النواحي .. مو عاطفيا بس و انما فكري بعقلك و حطي احتمالات .. ماذا لو اتزوجتي و زوجك رفض انه ينتقل معاك .. هل بتتركيه ؟؟؟ هل في حد قادر على تربيته .. ولا تقولي لي ما بتزوج .. خلك واقعية و لا تفكري بعاطفتك حبيبتي ... فكري و استخيري و ربي يقدم لك اللي فيه الخير ولا تزعلي مني والله موقصدي احبط بس كل الموضوع مابي الطفل بتعر لاي موقف رفض قد يتعرض له و يكون مو بصالحه ياريت كان كل الناس مثلك والله ماكان بقى معانا ملاجى ايتام .. لكن للاسف مقابل كل انسان طيب مثلا في الف قاسيين و مظهريين و مايهمهم الا حياتهم ... اذا فكرتي و استخرتي خلااص و مقرره .. ربي يوفقك و يكتب لك الخير ياارب و يجازيك و فعلا خلي مرت ابوك ترضعه .. ساعتها بتنحل حكاية الغطا:) |
| الساعة الآن 02:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©