|
تعبت من زوجي و ليس لي وجود في حياته
احترت يااخواني من هذا الزووج مش كافي انه يكلم غيري من حركاته مبين عليه
لي 23 سنه من تزوجته وكان عن حب كنت العب معه وهو صغير ولما كبرنا خطبني وكنا نحب بعض احين ماني فاهمته يومحسيت انه يكلم غيري يمكن كنت تعبانه نفسبيا في فتره وصرت عصبيه معاه بعض الشئ بس اعصب وعلى طول اصلح غلطتي اصلا مايدعيني قلبي لاني احبه بس اهو حقود يااناس ماينسى اي كلمه اقولها ويخليها في قلبه اسوي له حركات رومنسيه ويستهزا بي ويقول اتي كبرتي على هذي الحركات ويرمي كلامي اللي كتبته له مثل احبك واحب الارض اللي تمشي عليها تدرون شيسوي فيها؟ يرميها في الزباله في وجهي ويتحمد علي بذمتكم شتشون لينكم في مكاني؟ مش تنقهرون؟ اهدي له هديه مجسم كاتبه مشاعري فيه ولا يقبل الهديه ويقول شالمناسبه؟ تعطيني هذه الهديه؟ البس له الملابس اللي على الموضه ماير تاح ويقول لي غيريهم شلون ياناس ارضيه كيف اخليه ينسى المشاكل انا بشر بعد اتعب من المسؤليه والعيال اعصب بعض الاحيان كل الناس يعصبون ليه ماينسى كلامي الجارح بعض الاحيان مثل ماانسى كلامه اللي يسم البدن عطوني حل لحقده وكره لي احس انه يعتبرني مثل الخدامه بس له ولعياله وطباخه مالي وجود بحياته تصرفاته تدل على هالشئ اخواني ساعدوني على هذا الزوج المريض نفسيا بيعقدني معه تم تعديل العنوان الإشراف |
ايه هي طبيعة هذا الكلام الجارح الي هو ما ينساه؟؟؟ ربي يفرج كربك
|
تم نقله لقسمه المناسب.بالتوفيق |
الله يهديه ويحنن قلبه عليك
ويسعدك هونيهاتهون والله يسامحه اصبري واحتسبي وادعي ربك ربي يحنن قلبه عليك صلي الليل وادع وان شاءالله يلين قلبه عليك ويحن عليك الله يسخرلك |
ربي يوفقك حبيبتي و يسخركم لبعض ياارب
اقتباس:
حبيبتي الموضوع يعتمد على طبيعة كلامك معه .. ماذا تقصدين بالكلام الجارح فلا يمكن ان تطعينه في كرامته و رجولته و من ثم تودينه ان ينسى !!!!! اعلمي ان الرجل غير المرأة .... نحن النساء بصراحة ننسى اهانة الرجل اذا بادر بالاعتذار وبالكلام الطيب صح .. لكن بنفس الوقت ننسى مواقفه الحلوة عند اول مشكلة او موقف سيء تلاقي بعض النساء ((عشان مايزعلو العضوات)) زوجها يدللها و يحبها و يعطيها ...ولو بيوم قال لا على شي او صرخ عليها ,,, تنسى كل شي حلو و تذكر كل موقف سيء مر عليها من يوم الشوفة :) تطلع على جتته اللي كان و اللي ماكان ... و تبدأ اسطوانه انت ما تحبني و كفاية اني مستحملة و و و ... وبمجرد تهدأ و يصالحها ترجع معاه سمن على عسل و تنسى كلامها الي جرحه وتتوقع انه هو كمان بينسى.. لا ياعمري الرجال غير النساء ... الرجل يتذكر كل شي منك .. الحلو و السيء ..وفت الرضا ووقت الشدة .. ان وقفتي معاه بشدته بيحمل جميلك .. و ان جرحتيه بكلمه ماراح ينساها ,,, ممكن يسامحك لكنه ماينسى .. ربي خلقه كدا ... ماراح ينساه لو شعلتي اصابعك بعدها ببساطة يقول بنفسه ايش الفايدة اسوي لها او احن عليها .. بكرة عند اقرب مشكله بترجع تجرح فيني .. فامثلا انتي تجرحيه بالكلام و بعدها تلبسي له و تروحي جنبه ؟؟؟ خلاص نفسه قفلت .. فا بالتالي يحاول يرجع لك شوي ويسقيك من نفس الكاس عشان كدا يعلق على لبسك و و و .... صدقيني كثرة التجريح تخلي الرجل ينفر من زوجته لو مهما كانت جميلة او ست بيت شاطرة او او الرجل ما يحي الا بحلو الكلام .. انفخيه:) وانتي تلاقيه رجع زي الطفل عشان كدا ان حبيتي انه يبطل كلامه اللي زي السم .. و يرجع احسن من اول .. اتعلمي تتحكمي باعصابك .. وقت الغضب اتعوذي من ابليس.. و روحي غرفة ثانيه اذا ماقدرتي تمسكي نفسك ... اياك و انتي غضبانه .. تدعي عليه او تسبيه او تسمعيه كلام جاارح ... ادري انك احيانا تكوني تحت ضغظ معين خاصة بسبب الاطفال ... لكن حاولي ما تخلي هذه الاشياء تدمر علاقتكم صدقيني من اليوم و طالع خلي بس الكلام الحلو على لساانك حتى وقت الغضب ... و شوفي النتيجة بس لا تستعجلي عليها.. ربي يحفظكم و يبعد عنكم كل سؤؤ |
اقتباس:
عين العقل وكلام سليم ألفين بالميه :22: :22: |
اخواني الاعضاءاشكركم على مروركم الكريم
العابر اا نا اشتكي لكم اقول يمكن القى عندكم شئ يريحني واهتدي به فلها وربيي يحلها جزاك الله على دعوتك نورا كلامك رائع ومنطقي بس كلامي الجارح بعض الاحيان قلت لك من الضغوط اللي اعاني مننها وخصوصا اني احبه واغار عليه وانا دايما احاول ارضيه بقدرالامكان بس بصراحه كنت فاقده الثقه فيه بسبب اشياء سواها من قبل ودمرت حياتي واخرتها اشوفه متغير وحركاته متغيره مش طبيعيه وهذا اللي زاد جنوني وعصبيتي عليه هذا اللي متعبني اكثر احس انه يخوني ويكلم غيري دايما المح له بالكلام بسبب شكي فيه ايضا جات فتره بيسافر في دوره وتعبت اكثر واكثر وصرت عصبيه لدرجة اني قلت له اني اكرهك الله بعين عطر الزمان .......ام روزينه شكرا لمروركم |
الله عليك يا اسيرة ذكرياتي .. وش اقول ووش اخلي .. اول شي معرفك ( اسيره لذكرياتي ) خير دليل على نوعيه حياتك .. واضح ان ذكرياتك مو حلوه ابد و انت اسيره لهذه الذكريات التعيسه .. انت امرأه بشهاتدك .. طويلة لسان .. عصبيه .. انفعاليه .. شكاكه .. غيوره .. لا تعرفين تتعاملين مع زوجك رغم مرور 23 سنه زواج .. بالله عليك اي رجل يستطيع ان يتحمل امرأه بهذه المواصفات .. بعدين 23 سنه من تزوجتي يعني عندك اولاد كبار على وجه زواج .. اذا شافوا معاملتك مع ابوهم بهذا الشكل كيف راح يتعاملون مع ازواجهم و اي انطباع صار لديهم عن الحياه الزوجيه ؟؟؟ اجلسي مع نفسك يا اختي و صلحي من عيوبك و راح تشوفي ان حياتك راح تتصلح .. غيري انت من نفسك قبل ما تغيري من زوجك .. ان الله لا يغير ما بقوم حتى يغيروا ما بأنفسهم .. تقربي الي الله اكثر و اكثري من الصلاه و الاستغفار و قراءة القرآن .. الله يعينك على نفسك .. |
من أصلح ما بينه وبين الله أصلح الله ما بينه وبين الناس
1- اتقوى والدعاء الصادق يا أختي من أكبر الأسباب اللي تخليك سعيدة ابكي يا أختي لله واشكي له وهو سبحانه على كل شي قدير لكن اصبري ولا تستعجلي 2- الصدقة 3- الصبر 4- يوجد مراكز للتنمية الأسرية تقدم استشارات أنصحك تستفيدي منهم الله يسعدكم ويصلح حالكم |
الله يعينك ويفرج لك حاولي تتحكمي في أعصابك شوي ومع الوقت ينجذب لك بالتعامل الراقي والأسلوب الهاديء
|
| الساعة الآن 09:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©