الحمل و الرضاعه
 

مرحبا بنات كيفكم ان شاء الله تكونوا بخير

انا عملت تحليل حمل بالبيت و طلعت حامل الحمدلله وداخلة بالشهر الثالث و انا مو عارفة لحالي اني حامل كنت مفكرة انه الدورة متأخرة بسبب الرضاعه الطبيعية لبنتي و انه عاملين احتياطنا بالنسبة للموضوع بس سبحان الله رب العالمين راد بهاد الحمل ... يلي بدي أسأله و أعرفه منكم هل الرضاعه بتأثر عالجنين ؟؟ بنتي الشهر الجاي بتكمل السنة ان شاءالله و حابة أكملها للسنة .. شو رأيكم بالموضوع ؟؟

وطبعا لأني مو عارفة بالحمل لهلا ما أخدت حتى حمض الفوليك في أي تأثير ؟؟
بتمنى انكم تفيدوني

الله يبارك في عمرك يا نورة عقبال عندك و عند كل يلي بتمنى انا كنت بكتب الموضوع و بدعيلك تكوني حامل معنا :)
ان شاء الله بكرا بدي أروح أعمل سونار و أتأكد ...
انا كنت برضع و ما كنت متوقعه أحمل بسهولة لأنه عندي تكيس من قبل الحمل الاول و كنت أتعالج منه لحملت ببنتي و الحمدلله على نعمة رب العالمين و هلا ما شاء الله طلعت حامل ... ان شاء الله أكون أعطيت أمل لأخواتنا يلي عندهم تكيس انه ان شاء الله ربنا برزقهم و بحملوا بس الشغله بدها دكتور شاطر و فهمان ...

أدعولي بالخلقة الكاملة و الولد الصالح و أخ لبنتي ان شاءالله

ماشاء الله تبارك الله
ألف مبروك حبيبتي الله يرزقك أخ ليارا أن شاء الله
بالنسبه للرضاعه زي ماقالت نورا أذا صحتك تسمحلك مافيها شي بس أحسها صعبه لأنك حيكون أكلك المفروض يكون لثلاثه يعني أنتي والبيبي ولبنوته أحسها صهبه عليك بالذات أنك توك تعرفين أنك حامل فلازم تنتبهين للبيبي ألي ببطنك وبالنسيه ليارا ماشاء الله شهر وتكمل سنه يعني كبرت بسم الله عليها
أهتمي بنفسك ألحين وبالبيبي ألي ببطنك لأن ماشاء الله داخله على الثالث وماكنتي عارفه بحملك فيمكن تكوني قصرتي عليه من ناحية الغذاء لأنك بترضعي فاكيد ماكنتي حاسبه حسابه
شكلكم حتعيدوا التجمع مره ثانيه أنتي وحلمي ودلوعه يالله يانورا ونورا أرقام والعروسه الصغيره وسعادة زوجيه باقي أنتم أما أنا وأم عبدالله وكرستال وأم هيوفه خلاص لازم نرتاح الدور عليكم

الله يبارك بعمرك يا أم الأمورة و يخليلك أولادك يارب .. انا رحت لعند الدكتور وقلي انه انا بالأسبوع التاسع يعني صارلي شهرين و اسبوع حامل و حكالي أبطل رضاعه طبيعية و معي أسبوع أوقف لأنه لا سمح الله الرضاعه بتزيد نسبة هرمون الحليب بالجسم ولا سمح الله ممكن يعمل إجهاض الله يكفينا الشر ..

بس والله كتيييييير مدايئة لانه بحب أرضع يارا وكنت ناوية أكملها عالسنة و مو هاين عليي اوقف الله كريم ...

بالفعل انا كتير كنت مقصرة بأكلي وبس معتمدة على وجبة وحدي باليوم وكانت حركتي كتيير و لعب مع يارا و نطنطة بس الحمدلله الله ستر .. ان شاءالله الله يرزقنا أخ ليارا و أرتاح أدعيلي