|
مشكلتي كبيره مع خطيبي لاحول ولا قوه الا بالله
السلام عليكم ورحمه الله وبركاته
اسعد الله اوقاتكم بكل خير اتمني ان الجميع بخير اخواتي واخواني انا لدي مشكله مع خطيبي ولا ادري ماهي حلها اعذروني ان كنت ساطيل عليكم بالشرح لكن يعلم الله مااضفت هذا الموضوع الا لخوفي الشديد انه يطور الامر مابينا للاسواء لاني تعبت من هذه المشكله اللي بطرحها علما باتها ممتده من فتره خطوبتنا الى وقت كتابتي لهذا الموضوع اولا احب اقولكم اني انخطبت وسني صغير ببدايه العشرين وخطيبي اكبر مني بخمس سنوات هو انسان عاقل ومحب وحنون وطيب وفيه كل الصفات اللي تتمناها اي فتاه عادل وحكيم وطموح ويخاف الله والحمد لله واحنا متفاهمين جدا لدرجه انه الحمد لله طباعنا متوافقه وتفكيرنا متساوي اثق فيه وهو يثق فيني لكن عندي مشكله معاه من يوم خطوبتنا ونتفق في كل شيء الا في هذه المشكله يصير فيها خصام حتى اكاد اجزم انه ماصارت لي مشكله معه من يوم خطبتنا غير هذه المشكله اللي تغيب تغيب وتتكرر ونتخاصم عليها ونتجادل بقوه ويوصل الجدال للكلام جارح وقطيعه ليوم ويومين ومايسال عني ولا يتكلم حتى لو كان هو الغلطان ويتركني ينتظرني انا اعتذر منه واتصل (على فكره خطيبي طيب وحليم لكن اذا غضب كلامه جارح جدا جدا جدا حتى هو يقول لي انه هذا عيبه اذا غضب مايعرف مين قدامه ولا يعمل حساب لاي مشاعري ) بس مو هذه المشكله المشكله اللي بقولها وسامحوني على الاطاله مشكلتي مع (أًصــــدقاءه) اخواني انا بقولكم شيء علشان لا اظلمه هو انسان صريحه ومحترم من العمل للبيت انسان بصراحه يحب جو العائله ومايحب الخرجات كثير الا مع العائله على فكره هو ظروفه خليته يسكن لحاله ببدله مافيها غير اخوه الكبير وبعض من اقاربه ونظرا لانه العزابي فيهم استقل بسكن عزابي كان قبل استقلاله بسكن عزابي يعيش مع احد اقاربه لين ماقرر قريبه هذا يتزوج واضر لترك الشقه له وتاجير في عماره عزابيه المهم يااخواني انه من يوم سكن بشقه العزابيه ونظرا لانه انسان مايحب يخرج كثير من البيت صاروا اصدقاءه يجوا له تقريبا بالاسبوع اربع ايام المشكله انه لما يجوا عنده يجلسوا معاه من بعد فتره العشاء حتى صباح اليوم الثاني والحقيقه انه اصحابه ناس محترمين ويخافوا الله وحتى جلستهم جلسه بريئه يعني العاب الكترونيه (مثل بلاي ستيشن وغيره ) لعب ورق وجلسات شباب عاديه المهم انه عاده يكلمني كل يوم بس يعني دقيقه ربع ساعه كل يوم بس احيانا اكون متضايقه ومحتاجه اجلس معاه واسهر علشان نتناقش بامور مستقبلنا وزواجنا اجد انه بانتظار سهره مع اصدقاءه ويتركني انا واتجادل معاه بسبب هذا الشيء وهو يقولي انتي دائما تتهمني بالاهمال وانا مو عارف كيف ارضيكي صدقوني يااخواني مشكلتي معه بس هذه حتى احيانا يوصل بينا جدال حاد جدا جدا مثل ماقلت لكم صدقون انا مو طماع لكن احيانا احس اني احتاج وجوده بجانبي خصوصا انه انا امر بظروف عائليه شوي معقده يعني انا متحمله جزء من مسؤوليه اهلي رغم صغر سني فاحس اني احتاج احيانا اجلس اتكلم وافرغ اللي بصدري من هموم وغير كذا اللي يقهرني اني لما اجلس احيانا بايام الاسبوع اتكلم معاه الربع ساعه ولا النص ساعه القى فجاءه نام على الخط وانا ازعل منه واتخاصم وهو يعتذري بانه مرهق من الدوام وانا كثير اعذره لكن ماصرت اعذره من يوم بداءت اقارن ظروف اتصاله معي مع بقاءه مع زملاءه حيث انه في ايام كثيره تمر عليه يكون تعبان ومداوم ويرجع البيت يجوا له اصدقاءه ويسهروا عنده للصباح بينما انا لو جيت له بنفس هذه الظروف يقولي تعبان وبنام وان اجبرته يبقى معي ينام على الخط انا تعبانه من جدا من هذا الشيء وهو مو راضي يقدر مشاعري وهو لما يوصل بينا الخلاف حده يقولي احمدي ربك انا انسان مااروح يمين ولا شمال اصدقائي معروفين مهم اصدقاء سوء وغير كذا انتي عارفه اني انسان مااروح ولا اخرج مكان وهذه تفريغي الوحيد (وهو فعلا صادق بهذا الشيء ) لكن انا عتبي لما يهملني ولايقدر مشاعري حتى احس احيانا انه يفضل اصدقاءه علي رغم انه دائما يكرر لي انه انا بالمرتبه الاولى بحياته من الاهتمام لكن مااحس بكذا دائما احس اصدقاءه بينا بانين حاجز وهو احيانا علشان يراضيني يقولي بعد الزواج بيتغير هذا الوضع لما تكوني عندي ويصير احد يشاركني وقتي لكن الحين لانك بعيده غير عن كونك بجنبي انا ماقدر اجلس طول الوقت بدون اصدقاء المشكله انه اصدقاءه معاه بالعمل كمان اخر مره صار بنيا جدل كنت انا منتظره بنهايه الاسبوع اني اتحدث معاها هاتفيا لكن تفاجاءت انه خارج مع صديق انا زعلت بالبدايه منه بس بعدين اتصلت عليه وقلت له انبسط واخرج لكن ثاني يوم كنت جالسه اتكلم معه ونفس الحاله بداء يدخل بحاله النوم العجيبه ولما قلت له انت نايم قالي لا انا معاكي وقلت له انت اليوم بتسهر معي لانك ماجلست معي من اسبوعين قال ايوه انا فعلا بسهر بس مع اصدقائي وفعلا جاءله صديقه وانا معاه على الهاتف ولما قلت لها انا متى طيب وقتي معاك رد علي برد ساخر (انتي يوم الشتاء ) الحقيقه انا انجرحت منه مره وتضايق اتخاصمت معاه على فكره نسيت اقولكم انه باخر خصام لنا اللي قبل هذا وعدني انه يخصص لي كل اسبوع يوم نسهر فيه لنقاش امور حياتنا مع بعض المستقبليه ولكن اخلف في وعده المهم ياخواني باخر مجادله لما قلي انتي يوم الشتاء قلت له اصلا دائما انا يوم الشتاء ودائما اصدقاءك في المقدمه ليش انت اولى اهتمامي وان اخر اهتمامك ولي اخلفت بالوعد معي المهم انه هو زعل وقلي مو وقته الكلام هذا وقفل بوجهي الخط وماعاد اتصل ولا اعتذر رسلت له مسجات اعاتبه بس مارد ولا بكلمه وثاني يوم مضي نفس الشيء اتصلت عليه حتى مايطول خصامنا لقول الرسول خيركم من يبدا بالسلام لكن مارد علي ثالث يوم رسلت له عده مسجات بعدها رسلي مسج ولا كانه صار شيء وهذه احدى عيوبه كمان انه لما يصير بينا خلاق يقفل ولما يتصل مره ثاني ولا كانه صار شيء ومايحب يتناقش ويقولي انتي تفتحي مواضيع احنا قفلناها طيب انا من حقي اتناقش كيف تتوقع بعد الخلاف نرجع عادي واحنا ماتناقشنا مع بعض اخواني اسفه على الاطاله لكن صدقوني مالي غيركم انا مااحب اطلع مشاكلي معاها لاحدلكن ماقدر استمر معاها كذا لاني والله تعبت مره ومااحب اطلع مشاكلي معاه لاهلي ولا لاهله حتى ماتكبر المشكله صديقتي المقربه نصحتني اني لو اختلفت معاها ماعاد اتصل عليه واطنشه وانتظره يعتذر لي خصوصا انه فيه العاده هذه انه لو تخاصمنا مستحيل يرجع يتصل وينتظرني انا اراضيه ودائما يطلعني انا الغلطانه بموضوع اصدقاءه ساعدوني لله يخليكم لاني تعبت وسامحوني على الاطاله اسفه جدا بس مالي غيركم احترامي وتقديري وميض |
شوفي حبيبتي اني رايي مثل راي صاحبتك اتركيه ولو كم يوم وشوفي اذا يبادر بالاتصال او لا حاولي تستحملين ولا تتصلين عليه ابد وضروري تشوفي معزتك عنده واني واثقة انه راح يعرف كم عزيزة عليه انتي لماتقاطعيه
|
حبيبتي باختصار عامليه بالمثل ولا تدققين وايد وخليه على راحته وصدقيني بعد الزواج الوضع بيتغير وف الوقت الحالي انشغلي بامور ثانية ولا تشغلين نفسك اتصل او ما اتصل والله يهديه ويسخره لك
|
حبيبتي فتره وتعدي الين يصير الزواج
بعدين انتي كمان انشغلي مع اهلك انشغلي مع صااحبتك اخرجي معاهم روحي عندهم عيشي حياتك لمن تتزوجي ما تقدري تروح عندهم كثير وخليه لمن يتصل عليكي قولي له سوري انا لازم اقفل مشغوله عندي اهلي بنات خالتي صاحباتي اي حاجه خليه يحس بعدي عنه لا تتصلي ولا تخليه هوا كل وقتك خليه جزء من وقتك اطلعي روحي السوق انشغلي في ترتيب اغراض الزواج والامور هذه والله يوفففقك |
عزيزتي...أرجو ألا يزعجك ردي... الرجل يا عزيزتي لا يحب المرأة "اللزقة"...يبدو أنك متشبثة بخطيبك كثيرا!! خطوتك المبدئية كانت جيدة...وهي مصارحته بأنه لا يقضي معك الكثير من الوقت وأنه يسهر كثيرا مع أصدقائه... طيب أنت رأيت بأم عينيكِ أنه لم يتأثر بكلامك لذا كفاك ركضا وراءه ومحاسبة "ليش ما كلمتني؟ ليش أنا آخر اهتمامك؟ انت بطلت تحبني...الخ" يا عزيزتي "الرجال راح يطفش"!! لا تكون كالعظمة في البلعوم تحاسبينه على كل صغيرة وكبيرة...صدقيني هو يعتبرك الآن فتاة نكدية!! طيب ما هو الحل يا أختي دلوعة حسين؟ أنا أريد منه جزءا من الإهتمام ولست طامعة بأكثر من ذلك... أقول لك لا تبقي هكذا من دون "شغل ولا مشغلة"...ابحثي عن هوايات وأشياء لتفعليها... مارسي الرياضة, ادرسي, اقرأي, ارسمي, اجتمعي بصديقاتك... لا تحسسيه بأنه سيحصل عليكِ في أي وقت يريده...كوني ثقيلة قليلا (الثقل ليس بأن تطنشيه وتكوني جافة معه)... باختصار دعي قول (السهل الممتنع) ينطبق عليكِ... لا تكثري من الإتصالات والرسائل وعندما يسألك عن سبب قلة اتصالاتك قولي بأنك مشغولة بأمر ما... دلليه وأمطريه بكلمات الحب وفي نفس الوقت لا تدعي مكالمتك معه تزيد عن بضع دقائق... "حبيبي وايد مشغولة لازم أسكر عنك"... اياك ثم اياك أن تفتعلي المشاكل معه وتنكدي حياته... وسترين بأنه سيركض خلفك وستحصلين على التوازن الذي تريدينه.. تحياتي... |
اقتباس:
السلام عليكم ورحمه الله وبركاته اهلين حبيبتي اولا اشكرك على اهتمامك بالرد على مشكلتي ثانيا صحيح انا عارفه انه هذا هو الصح وهذا اللي لازم اعمله بس مشكلتي احبه جدا ومااحب اشوف زعلان والله العظيم مايجيني نوم لما نتخاصم حتى لو كان هو اللي مزعلني تلقيني زي الغبيه رجعت اتصل عليه واراضيه مع انه انا شخصيتي مو كذا ابدا انا جدا شخصيتي قويه وصريحه جدا بس مادري ليش ماقدر اكون معاه كذا يمكن لاني احبه عموما فعلا انا لازم اتغير واسوي كذا شكرا على النصيحه دعواتك ياعزيزتي احترامي وتقديري وميض |
اقتباس:
لكي احترامي وتقديري وميض |
اقتباس:
مشكلتي عزيزتي انه انا ببلده مااعرف فيها احد اقصد انه على كبر انتقلنا لمدينه غير مدينتنا اللي انولدنا فيها وعشنا فيها وكونت صداقات فيها الا الان ببلده جديده وماعندي معارف فيها او اقارب او صديقات ومع ذلك مااكذب عليكي انا الان موظفه وادرس واحاول اشغل وقتي زياده لكن صدقيني لما اجلس شوي اسرح وافكر بوضعنا اتضايق وتلقيني رحت اتصلت عليه نفسي اغير هذا الطبع فيني مو قادره مادري ليش انا بطبيعتي شخصيه قويه وحاسمه وقياديه بس مادري ليش معه اكون كذا حتى انا انقهر من نفسي لما اشوف نفسي كذا الف شكر على نصيحتك ودعواتك وميض |
سبحان الله
خطيبتي احاول اتصل فيها وهي طنش وطنشتها وبعد اسبوع رساله فاقدتك ؟؟؟؟ وثم اتصلت فيها وقالت عندي هدف لازم اصله!!! وفي المكالمه الأخيره تقول ودي ارتاح وانا اناقشها في تأثيث الشقه عشان يكون على ذوقها بطلت اتصل الى يوم الزواج وزواجي في نهاية سبعه المهم لا يعني الاتصال شيئاً من الحب قبل الزواج اهتمي في نفسك وأتركيه ومصيركم تجتمعون وتتفاهمون على كل شي |
اقتباس:
اهلا عزيزتي بالعكس مارح ازعل لانه كلامك كله صدق عزيزتي زي ماسبق وذكرت لاختي السابقه انا امراءه عامله وبنفس الوقت ادرس ايضا ومشكلتي انه ماعندي اقارب ولا صديقات بهذه البلده اللي نقلت لها مؤخر وغير كذا حتى اخواني مو معي بنفس البلده وصدقيني انا انقهر من نفسي مره لما القى نفسي اركض وراءه وبنفس الوقت احس اني لو كان في احد زي كذا يسوي زي ماانا اسوي اتضايق منه يعني انا اضربلك مثال وقت مااكون مثلا احتاج اتكلم معاه واتصل عليه ومايعطيني اهتمام اتضايق منه واتضارب معاه بعد مانتخاصم ونقفل يبدا التفكير اولا ابدا افكر اقول مارح اكلمه ولا راح اتصل عليه وبخليه وببتعد عنه فتره لكن ثاني يوم مادري ايش يصير لي ادخل بحاله قلق انه ممكن يتركني انه راح نفترق بعدها اجلس افكر بعقلي اقول لا لازم ابعد عنه ولا زم مااخنقه واجلس اقوله وينك وليش مااتصلت لانه كذا بنفره مني وبزيده هروب مني لاصدقاءه لكن ارجع بقلبي افكر واقول لا بتصل عليه حتى لو كان غلطان عليه وارد عليه وياليت مثل ماتفضلتي وقلتي اخذ نتيجه بالعكس لما يشوفني اتصل يطنشني يومين ثلاثه وبعدين زي ماقلت لكي يتصل ولا كانه صار شي انقهر على نفسي انه يسوي فيني كذا احسه كانه يذلني باتصاله ويخليني اركض وراه سميني قديمه او اي شيء بس انا مااحب المراه تركض وراء الرجل او تبادر باي شيء لا عندي قناعه تامه انه الرجل صياد وخلق ليطارد فريسته والمراءه لازم تكون مطارده ومراوغه وليست العكس صدقيني لما اجلس مع نفسي وافكر بعقلي اقول لا خلاص لازم ماعاد اساله عن اصدقاءه وبالعكس لما يجي يقول لي بجلس مع اصدقاءه ارحب بالموضوع ولا كانه يهمني لانه اكيد بيتفاجاء بس انقهر على نفسي حتى لما مايتصل علي واليوم الثاني يتصل اقول لنفسي قبل يتصل لازم مااقوله ليش مااتصلت علشان مااحسسه انه فرق عندي واني ميته عليه بس ارجع اقوله الكلمه :11: انا عارفه انه تصرفاتي غلط بس مشكلتي اني اتعامل مع كل المشكلات ومع كل الناس بعقلي بس معاه ماقدر اتعامل معاه الا بقلبي صدقيني قد ايش حاولت وحاولت حتى اني انضميت بالسنوات الاخيره ورجعت للدراسه وبداءت احضر مرتبه علميه جديده رغم اني موظفه وظيفه مرموقه وتشغلي 7 ساعات من وقتي بس علشان اشغل نفسي عنه واحاول لكن شعوري بالوحده بالمنزل نظرا لظروفي اللي قلتها لك احسها هي اللي علقتني فيه بزياده ولا انا ماكنت احس اني كذا ولا انا كذا مع اي احد اصلا بالعكس زي ماقلت لكي عزيزتي بس فعلا انا لازم اتغير بس المشكله والله قلبي مايطاوعني لو تخاصمنا اتركه زعلان مع انه المفروض اتركه لو كان غلطان علي فتره مو مثل ماسويت اخر مره رحت انا راضيته رغم انه فيني غلطان احس اني احيانا بتصرفي هذا افقد احترامي لنفسي بس مادري ايش اسوي يارب اتغير للاحسن لاني فعلا احيانا لما افكر بعقلي اقول شكلي بخسره من كثر مااتصرف كذا معاها وانا خايفه من هذا الشيء الله لايقوله رغم انه احس متعلق فيني مثل تعلقي فيه بس مااحس عنده الشغف الشديد مثلي فيه مع انه لما احايانا يصدف اني اتركه مثلا قبل فتره سافرت لمدينتي الام وانشغلت لانه كانت عندنا مناسبات سعيده كثيره من زواجات وغيره وماكنت اقدر اتصل عليه لانشغالي الشديد لما رجعت من السفر لقيته زعلان وتعبان يقولي انتي اهملتيني ماابغاكي تسافري بعد كذا شوفي سافرتي تعبت نفسيا ومرضت جسديا احس ماني عارفه كيف اتعامل معاها بس فعلا انا لازم اتغير واجرب مثل ماقلتي الشيء الثاني لانه جدالي معاها مافاد شيء فعلا مثل ماقلتي ماشفت شيء تغير علشان كذا لازم اتغير الف شكر على دعمي ودعواتكم لي احترامي وتقديري وميض |
| الساعة الآن 01:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©