|
زوجي شارب للخمر و انا الآن في منزل اهلي
السلام عليكم روحمة الله وبركاتة
كنت قد أخبرتكم عن انتكاس زوجي يوم الخميس السابق وحينما شرب الخمر لم استطع التحمل والصبر رغم انه وعدني انها فترة قصيرة وينسى موضوع الخمر قمت ابكي وانهرت قال لازم تعلمين ابوك علشان ترتاحين انتي رفضت لاني عارفة ردة فعل ابوي لكنه اخذ الجوال واتصل وسمعني والدي وانا ابكي واجبرني على اخباره اخبرته فأمرني في الحال بالذهاب الى بيتنا الان انا بيت اهلي وقد امرني والدي باغلاق جوالي وعدم محادثة زوجي او اي احد من عائلته الا اني اعرف ان زوجي محتاج من يقف بجواره لاني لاحظت ان مااصابه بسبب العلاج النفسي وتدهور وضعه النفسي لانه قلل من الجرعة وانتكس لذلك مازلت اكلم زوجي لكن على فترات حتى لا يشعر والدي زوجي متضايق جدا ويقول انه ادخل والدي كي يحل المشكلة وهو الان يكبرها هو مو رجال ليه مايكلمني (علما اني من لحظة خروجي من المنزل وزوجي يتصل على والدي كي يحل المشكلة ووالدي يرفض محادثته )وقد اخبرني انه لو رأه عند المنزل سيتصل بالشرطة زوجي معصب جدا على والدي لانه قال ماراح اكلمه لحد ماأهدئ بعد اسبوع او اسبوعين ويظن زوجي ان والدي يبي يأدبه هالفترة ويقول زوجي ابوي ماقدر يأدبني يجي ابوك يبي يأدبني انا رجال طالع من ضلوع رجال احس اني كرهت ابوك وكلام كثير جرحني وخلاني اعيش في هم حاولت في والدي انه يكلمه لاني اخاف زوجي يتهور ويطلقني خصوصا انه قال لي علشانك بس ولا كان جبت الورقة ورميتها في وجهه والدي رافض مرررة يقول خليني ارتاح وخليه يحس بالللي سواه تم تعديل العنوان لتضح المضمون الإشراف |
مو جوزك بحكي انو رجال وطالع من ضلع رجال اذا خلي يحل مشكلتو بنفسو هو الي جاب هاذا الحكي لحالو وهو الي حكا مع والدك الله يحفظو وموقف ابوكي متل موقف اي اب بخاف على بنتو *ومع احترامي الشديد لزوجك عيب يحكي ارمي ورقتك بوجهو جوزك راح ولا اجا بضل الي بيحكي عنو ابوكي ولازم يحترمو
وبصراحة الوالد ما حكا اشي وبعدين انتي شايفة بعينك المشاكل الي بالمنتدى ولوين وصلت المتزوجات الي ما بتصارح اهلها من البداية حبيبتي شرب الخمر مو مزحة ابدا وفعلا لازمو ترباية والي عتب بسيط عليكي يا ثبات ابوكي حكا اذا بيجي على البيت بجبلو الشرطة وانتي ليش بتحكي الحكي الي بحكي ابوكي لزوجك وقفي مع زوجك ما اختلفنا بس خلي ابوكي يتصرف لانو المشكلة هاي ما لازم تتهاوني فيها واسفة كتيير اذا كنت قاسية معك |
الله يكون بعونك اختى
طيب ما دام انتي تكلمين زوجك على فترات ليش ما تنصحيه يروح المستشفى يتعالج هذه الفتره ما دام انتي في بيت اهلك والله يشافي زوجك ويترك السم |
اللوم على زوجك .. هو اللي اتصل على ابوك و فضح نفسه .. زوجك يتخبط في تصرفاته .. و بدل ما يتعالج عن حالته النفسيه عند طبيب نفسي صار لازم ايضا يتعالج عن ادمانه على الخمر .. لازم تكون مكالماتك لزوجك قويه و مؤثره جدا.. انصحي زوجك اذا كان يحبك ان يرجع يتعالج عند طبيب نفسي و يترك عنه الخمر او راح يخسرك .. لكن ترجعين تعيشين مع واحد معتل نفسيا و يشرب يخمر هذا ما تقدرين تأمين نفسك معه و ما الوم ابوك على تصرفه .. فهو تصرف طبيعي جدا لاب يخاف على ابنته .. ادخلي على زوجك من باب الحب و العشره وانك تحبيه و ما تبين تخسريه و حاولي تقنعيه بالعلاج بدل ما تضيع المكامله في التجريح في والدك .. طمنينا عن اخر اخبارك .. بالتوفيق ان شاء الله .. |
بالنسبة للادمان الحمد الله هو ماوصل لمرحلة الادمان لانه كان يشرب مرتين بالاسبوع والحين خلاص تركه له كم يوم وراحت الاعراض الانسحابية
بالنسبة للعلاج النفسي راح لطبيب وكتب له علاج وراح يبدا فيه الخميس لانه بدايته يسبب ارق ويقول راح يبدا فيه الخميس المشكلة انه استشار شخص يقول انه صاحب علم وقاله ان ابوها الغلطان مفروض يساعدك مو ياخذ بنته بما انك اللي اصريت عليها تكلمه وانت اللي تبي المساعدة للتخلص من الضغوط النفسية انا الصراحة انقهرت من رد زوجي وكلامه على ابوي واكثر شي قاهرني هو انه يبي الموضوع يخلص بسرعة وكانه ماصار شي والا انه راح يطنش علشان يأدب ابوي اويمكن يتسرع بأمور لانه يرى ان ابوي مااحترمه ومفروض وقف معاه واولا واخيرا هو ماضر بنته ابدا ماضر الا نفسه ومفروض يقدر هالشي وش المفروض اقول لزوجي لما يتصل هو من النوع العجول مررررررة ويرى بما انه خلاص تاب خلصت المشكلة وأبوي رافض يكلمه الحين |
اقتباس:
انا ماقلت لزوجي ان ابوي راح يجيب الشرطة الا لانه قال راح اجي اخذك الحين وابوي قال ايضا لخوات زوجي اذا فكر يجي راح اجيب الشرطة انا ودي اقنع زوجي انه غلطانة بكلامه على ابوي وان تصرف ابوي سليم لكن مدري كيف |
والدك يا عزيزتي انسان حكيم وتصرفه كان طبيعيا جدا... زوجك انسان مريض...يجبرك على الحديث الى والدك ثم يغضب من تصرف والدك.. طيب ماذا تريد لأب - عرف أن زوج ابنته يشرب الخمر - أن يفعل؟ وأنتِ أخطأتِ حينما تحدثتِ الى زوجك دون علم والدك كان الأولى بكِ أن ترفضي محادثته وحتى العودة الى بيته حتى يعالج نفسه المريضة ويتوب عن الخمر... لو كنت مكانك لسحبني والدي من بيت زوجي سحبا ولأرغم زوجي على طلاقي... كيف ستربين أولادك مع أب كهذا؟ رأيي أن تقطعي اتصالك بزوجك الذي لا يتقن سوى العويل والبكاء عوض اتخاذ خطوة واضحة في اصلاح نفسه المريضة والإقلاع عن الخمر وأخبريه صراحة أنك لن تعودي الى بيته حتى يتعالج ويتوب أو أن الطلاق مرحب به ان ظل على حاله تحياتي.. |
مدامو رجال من ضلع رجال ليش بشرب ومش عارف يحل مشكلتو وفاقمها ووصلها للوالد
حاولي توصلي الو هالكلام وخليه بعيد عن الوالد لحتى ماتهدا النفوس بعدين يتفاهمة كلام رجال الله يفرجها |
اقتباس:
شوفي ثبات حبيبتي لا تخلي الحب يعمي الحقيقة عن عنيك جوزك مبتلى ولازم حدا يوقف بوجهو ويفرجي انو الي بيعملو غلط بعدين على ما اعتقد انو جوزك لما حكا مع ابوكي ما كان بستنجد في كان بستفزك عشان يبرهنلك انو مو خايف ولا الي بدو يصلح الموضوع ما بحكي وبسمع صوتك لابوكي وانتي بتبكي |
صراحه زوجك غلطان مليووون بالمية
انا لو بنتي سمعتها تبكي في بيت زوجها لانحر زوجها على عتبت بيتع واللي يصير يصير ممكن يضربها واعرف هالشي لكن ما وراي شي طبيعي لكن اسمها تبكي واسكت صراحه زوجك غلطان والمفروض يجي ويعتذر بس لا يجي لوحده خليه يجيب واحد وجيه من اقاربكم وتكون له كلمه اقل شي الله يجمع بينكم ولا يفرقكم ويعينك على قرف زوجك ويهديه |
| الساعة الآن 05:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©