|
اكتشفت اختي خيانة زوجها فقرر أن يطلقها
السلام عليكم ورحمة الله وبركاته
مشكلة أختي الصغيره أن زوجها مغازلجي ومتهاون في الصلاه وأشياء كثيره استحي اذكرها هنا هو متزوج وحده قبلها عندها عيال وأختي بعد عندها عيال زوجته الأولى كبيره وجاهله شوي وعايشه في عالم وهو في عالم ثاني يعني يغازل ويروح ويجي وماتدري عن شي اللي صار أن أختي كانت تكتشف خيانته لها وتواجهه وتزعل زعل قوي لكنه ينكر لدرجة أنه يحلف عالمصحف أنه مايسوي هالأشياء ويعصب عليها ويهاوشها وبعدها تسكت تخاف يضربها جنونه ولا أحد يخرب سمعته لأنه قدام الناس ملاك بس أختي بذكائها عرفت عنه كل شي قبل أيام كانت عندها شغالة أختي الكبيره تركتها عندها أيام عشان تساعدها وتجلس مع عيالها لأن أختي الصغيره تدرس بالجامعه جاء يوم رجعت أختي من الجامعه وجاتها بنتها عمرها 3سنوات وقالت (بابا راح غرفة ناني (اسم الشغاله) ورقص ..............)وكلام غيره مومفهوم وتكرر البنت هالكلام طول اليوم عاد أختي جن جنونها هي لاحظت أن هالشغاله تستعرض بجسمها وكلنا لاحظنا عليها هالشي قمت اتصلت بأختي الكبيره صاحبت الشغاله وعلمتها بالموضوع قالت مافي أي دليل أنه راح للشغاله أو سوى معها شي اتفقوا على أنهم ياخذونها ويرجعونها المكتب ويقفلون الموضوع ولاكأنه صار شي قام زوج أختي الصغيره وسألها ليش تودون الشغاله من بيتي إلى المكتب على طول أكيد فيه شي؟ ردت عليه مافيه شي بس ماحبينا شغلها وقامت تطلع له اعذار وماصدق ورفع صوته عليها في الآخير خافت وعلمته قالت بنتي تقول أنك رحت للشغاله في غرفتها.....قال أنا ماأنزل نفسي لشغاله وعصب وهاوش وطلع زعل منها ماعاد يكلمها ولايدخل البيت وقالها خلصي دراستك ماباقي الا هالترم وانقلعي بيت أهلك ماعاد ابي اشوفك حاولت تراضيه أكثر من مره عشان بناتها بس ولاهو شين وقوي عين لكن بدون فايده الحين لاتروح من البيت ولاتطلع الالجامعتها وهو ناوي ومعزم يطلقها وياخذ بناتها هي حاولت تتفاهم معه قالت اعتبر ماصار شي والبنت صغيره ماندري عن صحة كلامها ومو راضي يسامحها والمفروض انها هي الزعلانه موهو تكفووووووووووووون ياأهل العقول عطوني حل وربي عجزت عن التفكير ماأبيه يطلقها حرام يضيعون بناتها ولا نبي ندخل أحد في الموضوع أمي وأبوي لو دروا بتتعب نفسياتهم |
لا حول ولا قوة إلا بالله
لا اختى لازم احد من أهل الزوجه وكمان اهل الزوج يتدخلون بسرعه جدا مينفعش كده اختك تشيل هذا الموضوع لوحدها مع هذا الزوج اختك صغيره ولا تعرف شيء ومش هتعرف تتصرف ازاى فى هذه المشكله لوحده وبعدين اختك لو حدث طلاق هيكون لها حقوق ولبناتها حقوق لازم احد من العيله يدخل بسرعه ويعرف اللى بيحصل |
بالنسبة للمرأة كان المفروض ما تسمع كلام البنت إلا بعد التأكد
أنا أقترح حاليا تهدأ وتقوم بواجباتها وتتحب إلى زوجها أكثر من أول وإذا شافته يسوي حرام أو يتهاون معاه تتحاور بأسلوب هادئ وتبيبن له الخطر اللي بيشوفه يوم القيامة وخوف الموت على معصية وكذلك توصي أحد أقاربها أو أخوها يوصيه بالصلاة وطاعة الله والخوف منه تسمعه بالسيارة أشرطة وعظية تحكي عليه قصص اللي ماتوا على معصية أهم شي حاليا تهدأ وتتصرف بروية وحكمة |
اقتباس:
سالفة أن أحد يدخل من الأهل هذا آخر حل لأن الآن قلت لها طنشي وماشيه ولاكأنه صار شي وخليك واثقه من نفسك لأنك ماغلطتي أبد لكن خوفي لايطول هالزعل بعدين يتعود عليه وإن شاء الله مع الأيام تبرد المشكله ويتراجع عن قراره |
اقتباس:
وهالكلام من فين جابته هي من زمان تنصحه وتذكره أن عنده عيال ممكن الله يبلاه فيهم لكن يسمع من جهه ويطلع الكلام من جهه ثانيه |
حسبي الله عليهم شغالات نجيبهم عشان ينفعونا إلا خربوا بيوتنا
|
بس صدقيني الاطفال بها السن مايكدبون
وليه البنت يعني اختارت تلك القصة لتحكيها لوالدتها انا عن نفسي ارى انه فعلا كان يغازل الشغالة والي يحلف عالمصحف وهو كداب فتوقعي منه اي شيء انا رايي انه ضربني وبكى وسبقني واشتكى ولا تعطيه اهتمام كل مايفعله ليس اكثر من تمويه عن فضيحته |
يا جماعة صحيح البنت الصغيرة ممكن ما تكذب
لكن ما ناخذ بكلام صغار في أمور حساسة مثل هذه معليه حنا نصدقهم بس لازم أيضا نتأكد وما نبني على كلامهم مصير أسرة المهم الحين الزوجة تهدأ وتفكر تحل المشكلة بذكاء وأنصحها تستشير خبير اجتماعي في الأمور الأسرية |
[read]من الواجب تمسكه بالجرم المشووم من تلقى عليه كلام ولو ما تصرف كذا كان قالت البنت صادقه اكيد بيدافع عن نفسه على العموم كل خينه عليه من ربي بينه [/read]
|
نادر نجد الاطفال يكذبون في مثل يقول اذا تبي تعرف اسرارهم اعرف من صغارهم وفعلا الاطفال يقولوا بصدق وبالتفصيل الممل فالمفروض الأشياء الخاصه حتى لو العادي مانبين لهم او يطلعوا عليها على العموم خلي الامور بهدوء وبعد مايهدا كلمي واحد ثقه من اخوانك رشيد وحكيم يحل المشكله ولابد اهلك يعرفوا الشي والا هو يتمادى وانتم على هذا الحال او عمك يفهمه ويوضح له فإاذا مره مصر على مااحرم الله فوالله الطلاق اهون ويكون آخر حل فالله لن يضع حقك وحق ابنائك بشرط اذا اتقيت الله ومن يتق الله يجعل له مخرجا لاتنسين الدعاااااااااااااء بقيام الليل قرب الفجر خلال ساعه يوميا بإذن الله تنحل المشاكل واسغفاااااااااااااااار ولاحول ولاقوة الا بالله ردديها وفقكم الله لكل خير |
| الساعة الآن 10:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©