|
كيف ستتصرف لو كنت مكاني؟
ماذا لو صادفت في حياتك يوميا اشخاص يعصون الله على علم بأنها معصية
بنات هذا حالهن الكذب السرقة الحلف الغيبة والنميمة التبرج والعري والشعر مكشوف من الأمام ويرمى غن شاهدن شابا علاقات مع الشباب وخروج معهم والأهل يعلمون ويقولون هذه مرحلة كلنا مررنا بها او نسمح لها بفعل ذلك مستويات دراسية متدنية لا علم ولا ادب ولا اخلاق ولا احترام تسب وتشتم ويصرخ في وجهها وتضرب المعلمة!!! هذه المدرسة التي اعمل بها!!! كل معلمة تطلب الرحيل عنها الكل يعاني تكره وظيفتك وتحس بانك غبي مع هذه الفئة من الناس لا يعرفن القراءة ووتضيع الحصة في تهدئة الطالبات ومحاولة خلق صف مهي للدراسة توجد فئة صالحة ولكنهن أقل من 20% كيف ستتصرف حينها؟؟ |
بدايه 20بالميه نسبه قليله فيه بنات فيهن الخير والبركه ..صح انا معاك ان فيه بنات عندهن لامبالاه بس يرجع للتربيه والبيئه اللي عايشه فيها بس المرحله هذي ماينفع معاهم النصح لان اللاحظ عندهم عناااد بس يمكن يفيد معاهم قصص العبرة والعظه يعني اذا شافوا شئ قدامهم وهو غلط وتعاقب عليه الشخص سوا من رب العالمين او من المجتمع هذا الشئ بيحد من تهورهم وهذي اصعب مراحل الانسااان الله يهديهن ويصلح بالهم
|
نقل الى قسم المشاكل الاجتماعية حيث مكانه الأنسب ان شاء الله ,,
بارك الله فيكم |
اطردها من الصف وتجي ومعها ولي امرها
و ينمسح فيهم الارض هيه وولي امرها وتكون عبره لغيرها و تفصل من المدرسه |
بالحكمه والموعضه الحسن وبالنقاط المشتركه فيما بيننا يعني اشوف وش يحبون هاؤلاء الطالبات بحيث يكون حلال ويكون مو مممنوع مثل نشاط معين
ونشترك فيه مع هاؤلاء الطالبات مع تشجيعهن ومدحهن والثناء عليهن واكون قدوه صالحه لهن وتغطية الفراغ العاطفي لهن ترى البنات حبيبات اذا استطعنا تغطيه الفراغ العاطفي لديهن وعاملاهن باللحين وبالموده |
اقتباس:
|
اقتباس:
اتفق معك انها مصيبه لانهم سكتو الى ان اصبح عددهم 300 من اول 10 طالبات كان على المدرسه اتباع هذا الاسلوب معهم لكانو عبره ولم يتجرا ال300 و ال300 نحسب لهم من اليوم اول حاله تعطى الطالبه انذار ويتم اعلام ولي الامر ثاني محاوله يستدعى ولي الامر و يتم اللازم يكتب ولي الامر تعهد على نفسه اذا تكررت مثل هذه الحاله فان الطالب او الطالبه يفصل تفصل ويذكر في ملفه سبب الفصل تحدث حاله او اثنين او 10 ال300 ينعدل حالهم على اقل تقدير في المدرسه حتى ما ياثرو على باقي المدرسه لابد من الحزم و احترام القوانين ،،، مادام ما في احترام لا لدين ولا لتقاليد ولا اعراف اعتقد في وزاره التعليم في اي بلد يوجد قوانين للجميع تنفيذ بنودها و بعد ان يتعدل حال المدرسه و المدرسات و يرجع لهم احترامهم و مكانتهم ممكن عمل برامج توجيهيه و تربويه (( دينيه و ثقافيه )) حتى يعاد توجيه الطلبه اما وهم في هذه الحاله من التسيب صعب ان يسمع لهم وينضبطو اثناء الهاء الدروس و المحاظرات وا لله المستعان سؤال خطر ببالي اين مديره المدرسه وما دورها؟؟ |
شوفي سما
المدرسة الي مثل كذا تكرهك حياتك وتسود الدنيا بعيونك الحل الأول والاساسي تكون فيه قوانين صارمه تحدد فيه حقوق الطالب وواجباته ولا يتم التساهل معها والأكثر أن يكون هناك من يكون صارم في تطبيق القانون .. ضروري الشدة في تطبيق القانون عشان تخف حالة التسيب تخيلي دولة بدون قانون ايش بيصير فيها بتكثر فيها الجريمة بجميع انواعها لأن هيبة الدول بمدى تطبيق القانون فيها .. والمدرسة نفس الشي .. طبعاً انا بالبداية ما يهمني ايش يعملون برة المدرسة بالدرجة لأولى أهم شي يكون في هدوء في الفصل عشان المعلمة تقدر تعطي أما مع الفوضة بكون كألأن أحنا في سوق مو صف ثانياً ضبط سلوكهم داخل المدرسة وعند الخروج والدخول فيها ثالثاً : الاحترام .. أن يكون للمعلم هيبته وسلطته إذا ضمنتي هذي الاشياء .. الاشياء الثانية ممكن تنحل وفي مليون طريقة لحلها أما إذا إدارة التعليم مطنشة والمديرة ساكته تبي بس تحافظ على كرسيها والواسطات قايمه قاعدة .. وهذي عشان امها كذا أو ابوها كذا نمشيها ونسكت عنها نرفعها درجات عشان تنجح .. وكلاً يقول يالله نفسي على الدنيا والتعليم السلام أنا شفت من هالبلاوي وفاهمه شعورك والي تواجهين أكره مهنة صارت مهنة التدريس مع هالاجيال المستسيبة وأولاياء الأمور المستهترة أمهات ما يعرفون طريق التربية والأباء مطنشين وتاركين مسؤلياتهم ومافي من ينفذ القوانين ولا من يحترمها ايش اقول وايش اخلي أهم شي القانون و الصرامة في تطبيق القانون إذا تقدرين تبلغين إدارة التعليم يجيبون لهم مديرة تنسيهم أسمائهم وتمشيهم على البيض ولا يكسرونه يكون حلو .. وبعد كذا نبدأ نحسن أخلاقهم وسلوكهم .. غير كذا ما ينفع .. لأن لا المديرة ولا المعلمات لهم هيبة في نفوس هالطلبات |
لو كنت مكانك لتركت المدرسة (خير شر)... حينما أريد العمل في مكان فإني أضمن الراحة والنفسية الجيدة قبل المرتب الذي سأحصل عليه...ما الفائدة من مزاولة عمل يصيبني بأنواع القهر والإحباط والتعب النفسي؟! سهل الله عليك... تحياتي.. |
مساء النور
انتي كوني لهم زي الصديقه يعني اول ماتدخلين الفصل قولي درسنا اليوم حلو ونبغئ نخلص بسرعه علشان نسولف ونلعب مع بعض مثلا مسابقات وقولي لهم ان شاء الله كلكم بتنجحون بعدين قولي لهم قصص موعظه ولا تقولينها دائم علشان مايطفشون منك وحاولي انك تاخذين رايهم مثلا في زينة الفصل وأي شي يقولونه لاتستهزين فيه قولي ماشاء الله فكره حلوه حاولي انك ماتعصبين عليهم علشان ما يكرهونك وكوني دائما مبتسمه وتقبلي أي شي يقولونه واذا ما اعجبك كلامهم انتقديه لكن بصوره غير مباشره يعني تلمحين وان شاء الله ربي يصلحهم |
| الساعة الآن 05:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©