بقع ملونه في الجسم
 

مرحبا
عندي مشكله غريبه ... يظهر في جسمي بقع ملونه
يعني اللي يشوفها يتوقعها كدمه ..
أحياناً تظهر بلون فاتح أخضر ثم تتحول للون الاصفر وتختفي ..
أحياناً تكون غامقة لونها كحلي .. موف .. ثم تتفتح للون الاخضر وتختفي

تظهر في اليدين من بدايه الكتف الى المرفق فقط ..
وفي الأفخاذ وفي الساق ..
لكنها مؤلمة جداً عند اللمس ..

أغلب الناس يقولوا بسبب الحاله النفسيه..

حجمها إذا كانت كبيره تكون بحجم البيضة ..
وإذا ظهرت صغيرة تكون تقريباً بحجم صفار البيضة

أنا صراحة ماكشفت أقول دام أنها تروح وترجع أن شاء الله عاديه
بس كنت مرة في زيارة لطبيب جلديه ..
وأستفسرت منه قال فيك الحين قلت لا
قال لازم تجين بعد ماتظهر فيك علشان أعمل لك تحاليل وأشوف صبغات الجلد وكلام يصدع ..
بس بعدها مارحت..
هل فيه أحد منكم مرت عليه هذه المشكله؟
++++++++++++++++++++++++
شاكره لكم

مافيكي إلا العافية إن شاء الله

ماعندي علم بالموضوع ، بس عندي استفسار بسيط وهو

مامعنى كلمة " الكايد " ؟؟؟

حرم المعلم .. سلاامات ياقلبي لا شر عليك ان شاء الله

الحمدلله ما طلعت وحدي :) ... تجيني هذه البقع و تروح و يامن تلاقيني اتذكر

متى خبطت نفسي :)... بس ركزت و شفت انها تطلع قبل الدورة بشوي ...و تروح

يمكن من اعراض الدورة و يمكن مع اضطراب الهرمونات قبل الدورة او الحاله النفسية الله اعلم ...

المهم مانتي وحدك :) كلنا بالها سوا

سلامتك بيبتي من كل شر ذكرتينيي بأمي لأنها كم مره أشوفها بجسمها بس ماأذكر أنها قد راحت على المستشفى عشانها لأنها تروح وتجي واحياناً والله أنها تطول بس ماقد راحت للمستشفى