|
زوجتي وذهابها إلى أهلها
:rolleyes:السلام عليكمـ و رحمه اللهـ وبركاتهـ إلي اعضاء المنتدى الجميل والرائع عالم الأسرة والمجتمع حابـ أعرض لكم مشكلتي البسيطة أو الشئ الي ماخذ اغلب تفكيري في زواجي يا شباب انا متزوج لي فترة يعني من 7 شهـور تزوجت من فتاة طبعا من نفس الديرة الي منها خوالي واعمامي يعني كلنا من قرية وحدهـ طبعا انا احب اروح لديرتي اسبوعيا اسلم علي خوالي وجدتي و اعمامي بس احب اروح لها يالخميس او الجمعه وبعض الاحيان انام هناك اذا رحت الخميس المشكلة البسيطة ان زوجتي تحب تروح لاهلها اسبوعيا من الاربعاء انا ما ابي اكذب علي نفسي واقول لا يعني اقدر امنعها مهوب هالاسبوع لكن مافيه فايده طبعا هذى المشكلة بدت من بداية زواجي لمحت لها بعدين خلينا نروح اسبوع لاهلك واسبوع نجلس في الرياض ونفرفش (طبعا امحق فرفشه في الرياض) اصلا مافيه شئ يقدر الواحد يروح مع زوجته يعني اشياء بسيطة بس تحوم الكبد سوق ومابيه عشان ماقعد اصرف المهم مثل ما فلت اتفقت معها اسبوع اهلها واسبوع انا ومشينا حوالي شهرين لكن هالحين رجعت لا ابي اروح لاهلي كل اسبوع ومن الاربعاء يعني لو تقول الخميس كان مايخالف اصير اقابل اخوياي الاربعاء والخميس والجمعه اهلي لكن هي لا نقاطي :rolleyes: *كيف اقدر اتحكم يعني يا شباب ترى ماعندي مانع لو نروح باالاسبوع مرتين يعني نروح يوم ونرجع واخر الاسبوع ننجلس في بيتنا * الشئ الثاني اقول بعض الاحيان ليش ما اخليها علي راحتها وان شاء الله لما يرزقنا ربي بعيال اكيد بيثقل عليها تروح لاهلها كل اسبوع يعني الدعوى صبرر .. لكن يقهرني كلمه دق الحديد وهو حامي ولا الحرمة من اول ركزه يا ناس لو اقولها لا تروحين لاهلك العب علي نفسي واحب اروح لديرتنا وفيها الاستراحه وسعة الصدر واقعد اتحسف يعني ببساطه اخاف اقولها هالاسبوع لا مافيه روحه واخرتها انا الي اقول يالله يعني بكسر كلمتي تكفون ساعدوني ودي اصقعها بوجهها اقول لا :( وودي اقول اخليها اسبوع واسبوع بس ابي الاسلوب ولما افكر لما ربي يرزقنا باولاد راح تخف الروحه ما ادري يا شباب ويا بنات :18: محتار بس عندي اشياء اعتبرها ايجابيات بسيطه اسف علي الاطاله لكن ابي مساعدتكم .. وجزاكمـ الله خير الاشراف عفوا تم تعديل العنوان بما يتناسب مع فحوى الموضوع وشكرا |
اعلم بأن لها حق عليك
|
خلاص هي اتزوجت المفروض تغير حياتها عادي تشوف اهلها بس مو كل الاياااااااام دي المشكله سمعتها من رجال كتير في منتديات مدري احس بس في القبايل دي المشكله عادي اخواتى متزوجين نشوفهم مره كل اسبوعين وكم ساعه وخلاص وكل واحد حسب ظروفوا
انت زوجها فهمها كده خليك حمش ههه احسن تجلس معاك ايش تبا بي اخولها واعمامها ناس غريبه كده حاطفشك الله يوفقك ويعينك |
اذا انت اهلك هناك ... وتحب تروح هناك ... وماعندك شي بالرياض ... وش يمنعكم تروحون ؟؟؟
انا والله ماايد البنت تلصق مرة باهلها لاني اشوف نماذج الصراحه مصدومه منها ... لكن في نفس الوقت مومشكله اذا يومين بالاسبوع وانت رايح رايح ماعندك شي ... يعني اذا سالفة تبي تمشي كلمتك وبس وتبي تحكمها من الاول فطريقتك غلط ...لان الانسان يثبت شخصيته بعدة مواقف ومع مرور الايام ... وانا احس الامر اتفه من انك تقيس عليه حياتك وتشوفها تسمع كلامك وله لا ... وبعدين فعلا مع الاطفال ان شاء الله بتثقل وبكرا المدارس تحكمها اكثر ... انا اول ماتزوجت كنت بس اصيح ابي اروح لاهلي بالرياض وان رحت مشاكل عشان ارجع ... اللحين يقوللي روحي وانا ماابي اروح ... وربي صرت لما اروح ادق عليه اقووله تعال خذني اشتقت لبيتي ومكاني ... وبعدين لماتتعرف على بنات بالرياض وجمعات وروحات اكيد بتتعلق فيهم وتتغير بعد .. وبعدين لاتنسى كمان ان الديرة فيها اهلها واهلك يعني الوقت مقسم بينهم ... انا احس وضعها طبيعي جدا ... |
اللهـ يجزاكمـ الفـ كلكمـ
وربي ما قصرتو لكن نرجع و نقول كل واحد فيكم عطاني راي واحد يقولي ورها العين الحمراء والثاني يقول رح عادي اذا ماعندك شئ شوفو انا ابختصرها عليكم وببساطه : * من الاخير انا اهلي في الرياض لكنـ خوالي و عماني وجدتي في نفس الديرة الي فيها اهل زوجتي * غير كذا قلت لكم من قبل ودي اقولها لا تروحين لاهلكـ من الاربعاء الي الجمعه ودي اوريها العين الحمراء لكن اهلها لهم حق بعد بس كذا احسها عباطه رجاجيل لكن انا بصراحه ودي اروح الديرة عندي غنم واستراحه وحوسه بس ما ابي من الاربعاء * النقظه الاخيرة يا ناس بعض الاحيان اقول ياخوي خلها تروح هالحين وبعدين ربي يرزقنا بالذرية الصالحه تصير هي تبي تقعد يعني يا ناس انا محتار وبعض الاحيان اقول يا ولد وسع صدركـ وكل شئ لاحق عليه لكن مدري ابي رايكم |
واضح ان فيه احد لاعب بمخك قبل تتزوج .... اذا انت تنبسط بالروحه وديها ليش لا موب شخصيه انك ترفض عشان تصير قوي ؟؟؟
بعدين البنت غير الرجل والله البعد عن الأهل شيء فضيع وانتم توكم متزوجين شيء طبيعي تبي اهلها ... اذا جاكم اطفال بكرا هي بتقول ما نبي نروح . |
استفتي قلبك
وروح عن نفسك وعنها وروحو وانبسطو والله لو جبتو اطفال ماراح تلاقون ساعة بس تطلعو فيها |
أخي الكريم ،،
الهدف من الموضوع غير واضح أنتم تزرورن قريتكم ( ربما أنها بعيدة ) كل أسبوع بطواعية كاملة و بدون أي ضغط عليك وأنك قريب من أهل و تتعهدهم بالزيارة و سط الأسبوع لكن ينغص عليك أنك تلبي طلبات زوجتك أرجوك نبهني إن كنت أسأت الفهم. |
بصراحه يا اخوي
انت بس ما تبغي تمشي كلام زوجتك وهذا نقص فيك بصراحه يعني انت حاب الروحه وهي حابه الروحه وش فيها اذا رحتوا الاربعا يعني؟؟ يكفي انها بعيده عن اهلها وناسها .. حرام يعني تتونس معاهم في الويكند بصراحه قهر..الله يعينها !!!!!!!!!!!! |
ينقل الى قسم المتزوجين مكانه الانسب بإذن الله
وبالتوفيق |
| الساعة الآن 08:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©