|
مشكلتي مع امي مااعرف كيف اتعامل معها
السلام عليكم ورحمة الله وبركاته
كيفكو واش اخباركم بصراحه انا مره متردده اني اكتب الموضوع يمكن البعض يشوفه شئ عادي ومو مشكله لكن انا بجد متضايقه من هذا الوضع اول شئ ولله الحمد احنا من اسره محافظه متربيين على الاخلاق الحميده الجميع يشهد لي ولاخواني بحسن التربيه والادب دائما متفوقين دراسيا ومن الطلاب المثاليين جدا انا وامي مافي فرق بينا بالعمر مره انا اكبر وحده في اخواني امي تزوجت صغيره مشاءالله عليها متفوقه ومثقفه ومربيه ناجحه وكل اللي نتمناه بالام تضحي بكل شئ عشانا ماتنام الليل لو في شغله تسويها يعني كل شئ كل شئ الحمدالله اوك وماشين كويس المشكله بالسنوات الاخيره بعد مادخلت الجامعه علاقتي فيها قلت شوي انشغلت انا بالمذاكره والنت والصديقات رغم اني مااروح مكان الا وهي معي ازيد واكرر امي احسن ام لكن سرنا مانفهم بعض اول لما ننزل السوق وتقولي لاتشتري دي البلوزه مثلا ماحتطلع عليك حلوه خلاص مااشتريها اقتنع برائيها اما دحين اقول الا انا ابغاها تقوم هي تقول انا قولتلك انو محتطلع حلوه ومالي صلاح لو بعدي فتره جيتي وقولتي ماابغاه المشكله كلامها يطلع صح بعد فتره ماابغى البلوزه تكون خرجت من نفسي هذا مثال بسيط بس غير كدا امي الله يعطيها الصحه والعافيه حرمه مرتبه جدا نظيييييييييييفه جدا يعني طول الوقت نكنس ونرفع الحمدالله بيتنا دائما نظيف مافي فرصه يتسخ الا وهي عصبت امي جدا عصبيه جدا عصبيه ماترضى بالغلط ماترضى البيت يتوسخ انااتضايق من دا الشئ الزائد عن حده غير كدا مهما رتبت وسويت مايعجبها غير شغل نفسها هي شغلها ارتب واتقن مني لازم بعد ماارتب تجي وتقول شوفي دا مو مضبوط وودا مدري اش انا ملامح وجهي تتغير اعصب تعصيب داخلي كل شئ تنظيف وتنظيف الهم الاكبر تنظيف اقولها انتي ماعندك الا تنظيف تزعل وتزعل اكتر بسبب جلوسي في النت تتضايق مره دائما لما اتناقش معها تدعي على نفسها بالموت واني انا ماابغها وابغى ارتاح منها وتخليني ابكي تقولي حتفتكريني قريب مو بعيد حتبكي عليا دم اقرب شئ اليوم في محاضره بالمسجد عن سنه اولى زواج وزوجة عمي وابنتها ذاهبين انا عندي اختبار وماذاكرت وبيني وبيمكم ناابغى اروح لامخطوبه ولامملكه وهي تبغاني اروح واستفيد راحت قالتلي روحي قولتلها ماابغى اروح عندي اختبار وماذاكرت غير كدا لامخطوبه ولاشئ خلي دا الشئ لاهله قالت تستفيدي قولت اعرف كل شئ طولت لساني اعرف بس خلاص بجد ماابغى اروح راحت زعلت وانا دخلت غرفتي راحت اتصلت عليا وجالسه تقولي والله لتبكي عليا دم انتي تعبتيني وتقهريني طيب انا بايش تعبتها بايش قهرتها هي عصبيه جدا وتهم كل الناس وتاخد همهم وتحب ترضي الكل اعرف انها تبغاني احسن بنت وتبغى مصلحتي لكن احسها تعصب وتحرق دمها على اشياء مالها داعي يعني حتى بالاشياء العاديه تحرق دمها وتجلس تفكر وماتنام وتبغى كل شئ اوك انااحمد ربي على هذه الام وانها تبغى مصلحتنا لكن الحرص الزائد والتوصيات والتنبيهات تتعب غير كدا امي دائما لو شافت بنت عمي تسوي شئ والا تنظف في بيتهم تجلس شوفي فلانه ماتروح المدرسه الاوهي مسويه ومسويه هي تبالغ مره بدا الشئ ولمااقولها انا مهما سويت او اشتغلت ما يعجبك الا شغلك لانها انسانه حارع مشاءالله ماتحب تجلس والله مادري بس كنت متضايقه وحبيت اتكلم يعني انا ماانكر ارد عليها او بالمعنى اتناقش لكن هما يشوفوني اني ارد احيانا بابا يقول ماكانكم بنت وامها بنت ومرت ابوها وكل على اشياء جدا بسيطه وتافهه ماذاكرت لاختي اختي نامت ماحلت واجبها للعلم اختي تسوي طفله وتسوي اللي براسها وتنام وانا مو قادره اكملها او نظفت لكن تنظيفي مو تمام لو سكتت وماتكلمت تقول بارد تقهريني بسكوتك انا احس المشكله كلها انها حست اني بعدت عنها بانشغالي بالجامعه وكدا ولو تكلمت مع صحباتي وضحكنا قالت للصحبات الضحك والكلام بصوت واطي ولنا مدري اش شايفين كلها حاجات بسيطه وتاففه ادري ويمكن كلكم بتقول امك معها حق لمااحكي لصحبتي تقولي احمدي ربك على التربيه والحرص لكن كل يوم كل يوم نتكلم بنفس الموضوع جدا يتعب انا ادري لو مو هي ماكا ن الكل شهد لنا بالخير لدرجه ولله الحمد الكثير من معرفتهم لي يريدوا يتعرفوا على امي ويشوفوا من هذه المرأه عشان كدا احس امي تنقهر تقولي انتي مع كل الناس كويسه ومودبه الا معايا بس عشان اناقش يعني انا لو قالو مافي طيب اقلهم اقنوعني ليش مافي قالوا والله دي الجامعه وصحبات الجامعه غيروك الكلام ملخبط مره يمكن احد يرد يمكن محد يرد بس فضفضت على اللي بداخلي غير كدا احنا الحمدالله ماتجي مناسبه عيد الا ونتشارك مع اخواتي ونتباهى من يجيب لامي وابويا الهدايا من يرضيهم مين مين دلوني كيف اتصرف معها امي تكره النت والاب توب انا دراستي كلها عليه ماانكر انااجلس على منتديات وكدا لكن اكتر شئ يقهرني لماتقول خلي بس الجامعه تخلص والله ماتشوفي الجهاز انا ماحب التهدديد وكتير كتير تعاقبني تشيل اجهاز مني يومين تلاثه بس المقابل انا اجلس ساكته ماتكلم ولاكلمه واحسها تزعل اكتر وبس والله يصلح بينا ويهدي عصبيتها الزايده ويجعلني باره فيها |
الله يصلح بينكم يا رب :)
ابنتي الحبيبة مشكلتك انك بكرها مثلي بالضبط امي حارة جدا .. اتعبتني بفترة مراهقتي وطفولتي .. كثرة توجيهاتها ونصايحها واراءها اللي حتى من نظرة تأثر فيني كنت اظن انه علاقتنا عمرها ما رح تتحسن الين كبرت .. وتزوجت صرت نسخة منها :) .. واكتشفت انه سبب عدم انسجامنا هو اننا نسخة من بعض ! نفس الصبر .. نفس الكلام .. نفس الحركات .. نفس الأفكار .. حتى اننا نفهم بعض من نظرة رح تشعري بالفرق بعد فترة .. حين تهدأ رغبتك بالتواجد مع صديقاتك والنت وغيره لكن نصيحة اخذها من اخت كبيرة اقضي وقت كبير مع أمك.. صدقيني اني نادمة على عدم قضاء وقتي معها والآن انا بغربة بعيدة عنها واعد الأيام لرؤيتها اجعلي لها وقت مخصص من جدولك المزدحم.. لا يكون كلامك كله معها عن البيت والتنظيف وبنات عمك وبنات خالتك .. اشركيها معك بما يدور حولك مع صديقاتك والجامعة وعالم النت .. سمعيها كم نكتة .. سويلها مفاجأة وقوليلها اليوم انتي ترتاحي وانا اللي بطبخ وانتي بس اشراف.. استفيدي من كل دقيقة معها .. ومن كل خبراتها بالحياة هي تشعر الآن انها بعييييييييده عنك .. وهي كل ما تتمناه هو ان تكون صديقة لك ! صدقيني هذه هي أكبر امنياتها همسة : شوفي كيف تعاملين امك وكيف تعاملي صديقتك .. من ناحية صبرك عليها ونبرة ضوتك وعصبيتك (اجلسي مع نفسك وسوي مقارنة وبتلقين فرق كبير) هكذا نحن.. نعامل اهل بيتنا احيانا بأريحية زايدة عن اللزوم.. بينما الواجب علينا هو معاملتهم أفضل من الأغراب وفقك الله ورعاك ولا تكبري الموضوع والله ماهو مستاهل ربي يخليها لك ويخليك لها |
اقتباس:
امين الله لايحرمنا منها ولايحرم كل مسلم من امه وادري ان الموضع جدا بسيط وتافهه لكن بحاول اهدي من نفسي واجلس اكتر معها واخفف نت هذه مشكلتي شوفتي كيف اعرف شو المشكله وشو الحل ربي يهديني يارب |
ماشاءالله عليك
موضوعك يدل على حرصك على امك وعلى رضاها عليك حاولي طيب اختي انك تدخلين المرح الكلام الحلو تدعين لها تضمينها يعني لو عصبت شوي خليها تضحك بأي شي يخليها تضحك يعني بقولك مثل مره كنا بنطلع مكان وكانت امي متحمسه ومعصبه عشان نطلع بسرعه وكل شي مرتب وكانت تصوتلي هي تحت وانا فوق وتقولي جيبي كيس من الكيس الي فيه اكياس وهي متحمسه قلتلها اتحداك تقولينها 5 مرات بسرعه وضحكت الله يخليها لكم ويطول بعمرها ويديم عليها الصحه والعافيه ويزيدكم برها ويرضيها عليكم وتفرح فيكم |
تدرين شنو مشكلة أمك .. هي تبيك تكونين صورة طبق الأصل منها
و هذي مشكلة معظم الآباء والأمهات ليش ؟؟ لأنهم يعتبرون نفسهم اهم الصح وطريقتهم اهي الصح لأنهم تربوا على كذا وحياتهم مشت تمام بالهطريقة ولأنهم يبونك أفضل الناس فلازم تتبعين طرقهم في كل شي حتى أطباعهم يبونك مثلهم وينسون أن الزمن يتغير وأن البنت تكبر وتحب يكون لها استقلاليتها وآرائها يقولون إذا كبر ابنك خاويه يعني المفروض مو كل شي يصير بصيغة الأمر ومقارنات حتى في هذي المرحلة وخاصة على اشياء بسيطة ما تستاهل ليش الواحد يعصب بس هذي أمك وهذا طبعها مراح تتغير صدقيني حتى في الطبخ إذا تدخلين المطبخ وتشوفك تسوين أكله بطريقة تختلف عنها بتقولك ليش تسوين كذا .. وهذا غلط .. ومش حلو ووووو مراح تخلصين مالك إلا تتحملينها .. أعملي الي عليك .. نظفي وكل شي وإذا رجعت على الشي خليها كيفها أهم شي لا تردين عليها كثير لأن بيجيك أكثر من الشي البسيط الي رديتي عليه الأمهات كذا ما يرضون .. |
مااقدر اقول الا الله يخليلك امك ويطول بعمرها وتخليك ليها وتفرح بيك انتي واخوانك ياااارب
|
موضوعـــــــــــــك طويل
لكن أستنتجت انه انتي تريدين أثبات شخصيتك وأمك خايفة أنك تروحي وتخليها على العموم مرحلة وتعدي |
المشكلة انك الكبيرة ....
ودائما البكر يحدث له تقريبا مثل هذا ..... انا الوالدة تقريبا نفس كدا بس على اخف ...... وكلام الا صلاتي صحيح انهم يكونون خايفين اننا نروح و نخليهم الحين .... بس صديقيني مع الوقت بيخف كثير بس انتي حاولي ارضيها على قد ما تقدري .... |
اقتباس:
|
اقتباس:
|
| الساعة الآن 08:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©