|
كيس على المبيض
بسم الله الرحمن الرحيم
مشكلتي الدوره اجت خفيفه بالبدايه وبعد ثلاثة ايام طبيعيه وفي نهايتها اليوم السادس ظننتها سوف تتوقف ولكنها زادت والان اليوم الثامن لها ولم تتوقف :29: ذهبت اليوم الى الطبيبه وبعد الفحص اتضح عندي كيس مقاسه ثلاثه ونص انا جداااااااااااا خائفه من هالحاله :24: اول مره يصير معي كذاا واعطتني العلاج ولكن لا اعلم عن التكيس شي هل يطول علاجه او يصعب علاجه ويستدعي الى عمليه ؟ ممكن احد يطمني ؟ وهل مقاس الكيس الي عندي كبير ثلاثه ونص؟ |
ماشاء الله عليّ ...
أنا قلت لك قبل أحتمال عندك كيس على المبيض .. حبيبتي فيه فرق بين الكيس والتكيس أكيد أنتي عندك كيس .. والكيس شيء عادي .. وأغلب النساء يعانون منه ..أنا وحده منهم .. جاتني أكياس بالهبل .. كل شهر ينزل كيس ويشرف كيس جديد ... باحجام مختلفه .. عموماً لاداعي للقلق ...أستخدمي علاجك وان شاء الله الدوره الجايه يروح .. وحجمه موكبير انا كان يصل عندي الى حجم كبير كانه بيبي بالسونار .. استخدمي زيت زيتون مقري فيه عند النوم دهني بطنك وماتشوفين شر |
ماشاء الله عليك ياحرم المعلم :22:
انتي طبيبه والاااااا:25: انتي الي خليتيني افكر بالكيس واروح اكشف لاني فعلا شكيت انه في شي مو طبيعي عندي الحمد لله انه يروح من دون عمليه :23: قالت لي الدكتوره انه احتمال يروح بشهر واحتمال خمسه شهور ....... بس فعلا احس اني مره خايفه مادري لانه يمكن اول مره اليوم اخذت حبه وحده بعد المغرب من الحبوب الي توقف الدم بس مادري يوقف على طول والا كم يبقى؟:30: |
الله يشفي ولدك ياحرم المعلم
يارب يارب يارب |
الله يجزاك خير يارب
ايش الحبوب اللي كتبت لك الطبيبه بريملوت أن ... أو دوفاستون |
الحبوب يريمولوت ان
الفجر وقف الدم ونزلت الطهاره بس بعد اربع ساعات رجع الدم يعني كذا عادي والا لازم اكلم الدكتوره؟ والحبوب لازم اخذها في نفس؟؟؟؟؟؟؟ الوقت؟ لاني اخذتها ست المغرب والصباح اخذتها ثمان لانها مرتين باليوم يمكن لاني تأخرت في الحبه الثانيه لاني المفترض اخذها ست الصباح ساعديني ياحرم المعلم وش الي قاعد يصير عندي؟؟؟؟؟؟؟؟ |
أستني 3 أيام وكوليها بانتظام هي صحيح توقف الدم
لكن هي كاتبتها لك علشان الكيس .. بريملوت أن استخدامتها كثيره .. بس المتعارف عندنا أنها منع دوره ... وإذا بعد ثلاثه أيام ماوقف أرجعي لها .. ولاتخافي الكيس شيء عادي .. ويمكن كان يجيك ويروح ماتدرين عنه ... ويجي البنات اللي لسه ماتزوجوا.. قريبتي عمرها 15 سنه وعندها كيس على المبيض .. الله يشفيك ويرزقك يارب |
مشكوره ياحرم المعلم
طمنتيني الله يطمن قلبك على ابنك راح انتظم على الحبوب هي لمدة عشرة ايام بس بعدها يخلص وتجي الدوره واراجع الدكتوره ادعي لي يروح الشهر هذاااا |
صار لي اللحين ثلاث ايام اخذ الحبوب والدم ما وقف
حاولت اليوم اتصل بالدكتوره بس مافي رد انصحوني وش الحل هل هذا شي مو طبيعي ؟ واحس بألم اسفل بطني هل هذا طبيعي ؟ وينك ياحرم المعلم ردي علي من خبرتك......... |
أنصحك روحي الطبيبه شوفي أيش السبب...
وأن شاء الله خير لاتخافي .. وطمنينا |
| الساعة الآن 05:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©