|
فقدان الشهية
السلام عليكم
مشكلة بنتي انه من كم يوم كان عندها فايروس سببلها إسهال و حرارة و معهم فقدت الشهية على الأكل حتى رضاعة الحليب ما بترضى تاخدها الا لما تكون نعساني على آخر بنتي ما شاء الله على قلبها عمرها 11 شهر و رضعت طبيعي لغاية قبل اسبوع بعد ما فطمتها بيومين مرضت بهاد الفايروس بعيد الشر عن قلبها و فقدت الشهية تماما بالرغم انها كانت تاكل أي شي و تحب الأكل كتير .. حابة أسألكم اذا فقدان الشهية ممكن تكون مؤقتة لأنها كانت مريضة ولا رح أضطر أستخدم فاتح الشهية هي الحمدلله هلا راحت الحرارة عنها و الاسهال صار قليل الحمدلله .. بس الاكل لسى ما بدها وما بدها الا ماء طمنوني الله يطمن قلبكم؟؟ وشو أعمل معها ؟؟ |
ياقلبي عليها الله يجفظها يااارب ...
علامه يمكن مع الفايروس لسه تعبانه شوي ويمكن بسبب الفطام يعني لسه محتاجه شوية وقت عشان تتعود ويمكن تسنن ..وانتي عارفه وقت السنان تقل الشهيه .. مادري . لاحظت على ابني كدا .. ايام تلافيهم ماشاء الله شهيتهم مفتوحة و مرات لا الله يعين .. استني عليها يومين مثلا و اذا ما اتحسنت اسالي طبيبها احسن ... ربي يحميها و يسهل حملك وولادتك جبيبتي |
نورة جزاكي الله ألف خير على ردك و الله يطمن قلبك .. هي ما شاء الله سننت من عمر 6 شهور والحمدلله ما تأثرت و ظلت شهيتها منيحة ... انا رح استنى عليها يومين لانه والله عايشة على المي و كم معلقة أكل باليوم و رضعه او 2 .. الله يسلمك و يخليلك يوسف
|
حاولي معاها لكن لا تغصبيها على الأكل
يعني كل مره أعطيها ملعقة من صنف معين وشوفي يمكن ترجع شهيتها على شيء معين وإذا ما اتحسنت خذيها للطبيب أحسن ما تشوف شر بإذن الله |
اقتباس:
شكرا أختي و بارك الله فيكي .. الحمدلله هي صارت أحسن هلا راحت عنها السخونة و الإسهال الحمدلله رب العالمين بالنسبة للشيهة ما رجعت متل الأول شغلات بتاكلها و شغلات لأ بس الحمدلله على كل حال المهم انها بتاكل ... مع الوقت ان شاءالله ترجع |
| الساعة الآن 08:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©