|
زوجي عاطل مع مرتبة الشرف
السلام عليكم ورحمة الله احبتي كتبت الموضوع هنا ليس من باب الشكوى او الفضفضه لالالالالا وضعتها لاني اريد حل او توجيه سليم وخاصه من ادم انا متزوجه من ست سنوات وعندي طفلين ولله الحمد والمنه زوجي انسان راقي محترم اكن له من التقدير ما الله به عليم لكن لا يريد ان يعمل يعني عاشين على باب الله طفلين واجارات ومصاريف مره سلف ومره نصبر ومره ومره ومره المشكله انه تحصل له وضائف رائعه بكل المقايس اخر واحده مدير في شركه وراتبها 3الالف يعني رجل على رجل اخر الشهر راتب تحجج في حجج غير مقنعه داوم اسبوع وتركها واليوم وهذا المهم في الموضوع اقرا في جريده محليه تعلن عن وظائف حكوميه ممتازه وابصم انه لو قدم فيها بنقبل وفرحة وقلت له كل الشروط مناسبه قدم في البدايه ما تحمس قال وش الشروط وين اقدم يعني ابحثي انتي بحثت وحصلت خمس مدن فيها العمل والمنطقه اللي حنا فيها مو معهم وجلس يتحجج ان صعبه اطلع من منطقتي واني سمكه ما اعيش الا في ديرتي ومن ذا الكلام جيت معه في الين وقلت له انت عاجبك حالنا كل يوم نتسلف من فلان وعلان ولا عاجبك اني كل يوم والثاني ابيع شي من ذهبي علشان نصرف منه قال لا تجلسين تمنين علي اذا على ذهبك ارجعه لك المشكله ما عمره رجع ريال والتقديم في الرياض والشرقيه والسكن فيهم غالي مجنون انا وش اسوي هناك بثلاث اربع الاف بتروح كلها اجار قلت له روح انت وانا اجلس في بيتي مع عيال لين ربي يسهلها وتنقل قال يصير خير وراح يشتغل اليوم علشان يثبت لي انه مو كسل يشيل من العمال وينقلهم وحصل يمكن مية ريال وجاء يقول انا تعباااان بنام وقلت له والسفر مو مسافر بكره علشان تقدم قاااال لالالالا غيري الموضوع يا حبك للنكد طيب وبعدين باي لغه اتكلم وكيف اتصرف واهم شي كيف اقنعه في الوظيفه هذي قبل يفوت التسجيل لان المده قصيره ياليت توجهوني واكون لكم شاكره |
والله يا اختي غلط اللي يسويه زوجك
انتوا عندكم طفلين لازم تسون لهم شيء بكرا لا كبروا العيال و دخلوا مدارس و شافوا ابوهم زي كذا ما يصرف عليهم زي باقي العيال بيتعقدون غير كذا لازم تفكروا بعدين في المستقبل بيت مثلا زوجك لا ادري كيف يفكر ما في شيء اسمه عيب في الشغل الرجال لو ما صرف على بيته زين ما يصير رجال مع احترامي لك اختي والله احس بمعانتك وانصحك تكلمين احد من اهله يكلمه زي ابوه لو عايش او امه |
والله انه صادق
يا حبك للنكد لا تزعلي بس بجد بجد بجد انتى انسانه تسوي من الحبه قبة خليني اوضح لك شغله انتى لا تشيلي هم الرزق رزقك ورزقك اطفالك مو على زوجك الرزق على الله يعنى لا تخافي من الجوع وبعدين انتى ليه كذا ما تحطي للأيام السودا حساب ؟؟ يعنى ليه ماتحطي لك بلاطه ؟؟؟ كل الحريم عندهم بلاطات حتى اللي ازواجهم اغنياء كثير من الازواج كانوا يحسبو ان زوجاتهم ضعيفات ومساكين وفجأه يلاقي عندي مبلغ كبير والسبب البلاطه انتى تعالي له بالأيام اللي يكون فيها عنده فلوس واطلبيه 100 و 200 وحطي بالبلاطه لا تصرفي على نفسك منها وفي ايام الفقر اطلبيه 10 و 20 خليها للأيام السودا حتى وقت الراتب اطلبي منه و10 فوق 10 و 100 فوق 100 تلاقي البلاطه صارت شي هااي عشان بعدين لما تجي ايام سودا راح هو يصبر لكن انتى متنعمه وعندك فلووسك خليه يصبر لو يجلس بدون عمل سنه انتى لا تشيلي هم ولا تبيني له انه عندك فلوس عشان لا يحس ولا تقولي حرام مسكين لانه رجل ويعرف يتصرف وبعدين فيه شغله لما تشتري ملابس في وقت الطفره او تشتري شي وسألك من فين لك فلوس صرفي قولي من عند امي من عند اخوي زي كذا الشغلة الاخيرة الي حاب اقولها لك ترى الرجل اذا انتى شلتي همه يكرهك يعنى لا تقولي له اشتغل ولا تقولي انت كسول ترى هالشي يخلي رجولته في الحضيض ويكره العيشه معك حلو انك تشجعيه لما يشتغل (( مثلاً تقولي له ان شاء الله تعيش وتجيبي لي )) والله يعطيك العافيه يابو فلان ولما يخرج من البيت تقولي له الله يحفظك يحس هو انه وراه امراه تهتم فيه لكن اللي تجلس على راسه طول اليوم انت كسلان وانت ما تشتغل وانت ماتقدم ووو هذي بالفعل هم فوق هم يعنى هم العطاله وهم الزوجه الله يارب يحفظ عليك حياتك وزوجك ويفتح عليكم من فضلة ونشوف زوجك لما تسأليه تقولي له يابو العيال كم عندك ؟؟ يقول لك تبي الاجابه قبل السؤال ولا بعد السؤال ؟؟ |
وعليكم السلام ورحمة الله وبركاته
ينقل الموضوع إلى قسم المتزوجين مكانه المناسب |
عفواً أختي
انتي لما تقدم لك كان يشتغل أو كان عاطل عن العمل ؟؟ إذا كنتي تعرفين بوضعه وقبلتي فيه فلا تلومي إلا نفسك سامحيني على كلامي القاسي بس الرجل العاطل الي يخطب ويتزوج وهو مش قادر يصرف على بيته وعياله ماله اي قيمة اي رقي واي احترام واي حب اصلاً اهو ما عنده احساس .. لو عنده كان استحى على وجهه مو كل يوم ماد يده وهو عطال بطال والمشكله اهو الي رافض الشغل .. شاب في مثل عمره وتارك الشغل .. حتى مدير ما يبي يشتغل وش يبي يسوي أجل .. يبي ياكل ويشرب وينام ..!! رجل بلا عمل هو انسان بلا قيمه والمشكله أنه شاف له وحدة ترضى فيه .. في رجال تكرف ليل ونهار ومو شايفين من تقبل فيهم عشان رواتبهم ضعيفه وهذا بدون شغل وشاف من تتزوجه .. لا وجايبه منه طفلين .. الحل : 1 / ضروري تتخذين موقف حازم وتخلينه يشتغل شنو ماخذك يشحت فيكِ .. قولي له ( السماء لا تمطر ذهباً ولا فضة ) أو خلي ابوه يكلمه عشان يشتغل ويتحرك .. لأنه خلاص الحين قلبه برد زواج وتزوج وعيال وجاب .. وش بقى عشان يسعى له هذا منتهى طموحه 2 / وانتي بطلي تبيعين شي أو تدبرين شي .. خليه هو يدبر أموره وأمورك اهو المسؤول مو انتي وذهبك وديه بيت أهلك ولا تحركينه انتي ما تدرين وش نهايتك مع هالرجال لأن مستقبلك مش مضمون معاه .. الرجل الاتكالي المفروض الزوجة ما تحس بالامان معاه .. لأن طريقه مجهول ومستقبله مظلم |
أختي الفاضله ***
لابد أن تتحملي قرارك بالزواج منه *** لماذا تتزوجين برجل ليس لديه وظيفه ودخل ثابت *** ومادامك وافقتي ورضيتي به زوجاً لك *** تحملي تصرفات زوجك حتى يمن الله عليه بوظيفه مناسبه *** وبالتشجيع والكلام الجميل تستطعين تغيير زوجك *** ناقشيه بهدوء وبالعقل والمنطق علشان يتأثر بكلامك *** لكن إذا عاملتيه بسوء وبرفع الصوت والتقليل من قيمته سوف يزيد عناد وتحطيم *** وحاولي أن يتدخل أهله بالموضوع مثلاً والده *** أو أحد اخوانك القريبين من سنه *** وأكيد زوجك صغير بالسن ولم يتحمل المسؤليه *** لأن تربيته أثرت عليه *** وإن شاء الله تستطعين تعديل قناعات زوجك *** ليثبت وجوده ويبحث عن وظيفة ليتعيش منها *** عليك بالصبر والدعاء حتى تنحل هذه المشكلة *** طبعاً ليس من المنطق أن شاباً يتزوج وليس لديه دخل ثابت يتعيش منه *** بالتوفيق إن شاء الله 0 |
اختي ليش زوجك ما يحب يشتغل؟؟؟؟؟؟؟؟؟؟؟؟؟؟؟؟؟
اكيد في سبب. صاير له موقف وقفه من العمل؟؟ في هالزمن و ما يشتغل جدا صعب . ليش ما تكلمين احد من اهله مثلا ابوه او اخوه وين اهلك عنه الله يكون في عونك |
اقتباس:
واذا ما في راتب اصلا لانو ما عم يشتغل فعلى اي اساس بدها تطلب منو فلوس والاهم اذا بدو يصحلها مبلغ عشان تحطو تحت البلاطة متل ما اتفضلت ف مو كل يوم بصحلها فالاولى تصرفو على بيتها وولادها مش تحط تحت البلاطة وهمي مو لاقيين ياكلو |
اقتباس:
|
اقتباس:
جميل القلب شركاً على تقدمت به الا إن أقول بان كلامك عاري من الصحة نعم الارزاق بيد الله عز وجل وهي مكتبوبة منذ خلق الانسان وهو في بطن امه اي حينما نفخت به الروح الا أن السماء لا تمطر ذهباً ولا فضة ولا دولارات ولا ريالات بل على الانسان أن يعمل الاسباب من السعي والبحث عن العمل الذي يستطيع من خلاله الانفاق على نفسه ومن يعول وتحضرني قصة الرجال الذي جاء الى نبي الرحمه عليه الصلاة والسلام يسأله من مال الله فقال له اجلس حتى جاءت له صدقة فاعطى الرجل الدنيار أو الدرهم وقال له انطلق الى السوق واشتري به فاساً ثم انطلق واجمع الحطب ثم بعئة في السوق ففعل ما امر به الرسول عليه السلام ( أستفر الله إن كان هنالك خط في الرواية ) وكذلك عمر أبن الخطاب حينما اتى على قوم لا يعملون ويتكسبون من الصدقات ضربهم بالعصى وقال لهم إن السماء لا تمطر ذهباً و لا فضة اختي إن اختنا شدارات 2009 له الحق وكل الحق في دفع زوجها على العمل فهي اليوم تبيع من مدخراتها فماذا تعمل حينما ينفذ كل ذلك فمن ياتي لها بطعام لهولاء الولدين ماذا تفعل في الايجار وماذا وماذا ؟ ؟ ؟ الحياة اليوم غاليه والاسعار كل يوم في ازدياد لذا انصحها بان تظل تطلب من زوجها بالبحث عن عمل تفتر عن ذلك لعل الله عز وجل يهدي زوجها ويتحرك |
| الساعة الآن 11:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©