|
زوجتي تركت البيت واهلها يريدون الطلاق
بسم الله والصلاة والسلام على اشرف المرسلين سيدنا محمد وعلى اله وصحبه اجميع
اخواني في الله .. سابدا بالموضوع بدون مقدمات ,, واريد حل !! اخواني طال الانتظار ونفذ الصبر ,, وتحملت ما لا يتحمله شخص في البعد والهجر !! ياجماعه الخير ,, طلعت زوجتي من بيتي يعني زعلانه !! وصار لها 6 شهووور المشكله واللي حاصل زعلت علي شغله سوتها !! وزفيتها وقلت لها ليه تسوين هالشي !! ما تدرين انه غلط !! تقول لي عادي انا استنفرت وابعتدها عني وطلعت برا البيت رديت متاخر ما لقيت زوجتي وولدي !! تركت الموضوع فتره ,, ولا سالت @@ مادريت الا الناس تبي الطلاق !! وحطوني انا الغلطان !! 1 ما ظلمتها باذن الله ,, 2 زوجتي طلعت من بيتي بدون علمي !!!!!! 3 اهلها يكرهوني ؟؟ بسبب زوجتي وسوالف اللي تقولها عني !! وما تخلي صغيره ولا كبيره الا توصل حق امها وابوها حتى لو كانت مزحه .. 4 مليت من هالحياة كرهت حتى ربعي بسببها ما خليت شي الا سويتها عشانها ولا نفع فيها 5 عرفت ان زوجتي اللي تبي الطلاق !! عن كلام اهلها 6 زوجتي ما هتمت ولا تحرك منها شعره في راسها ولا همها الموضوع !! تطلع وتروح وتجي عند اهلها ولا مهتما في اي شي واهلها معها واقفين .. 7 ماشفت ولا شي من زوجتي !! لا اتصال ولو بالغلط 8 تزعل على شغلات وايد واروح اردها من اول اسبوع عشان خاطرها وخاطر اهلي !! وانا مو غلططططان !!!! 9 اهلي يقووووولون طلقها !!!!!!!!!! ودور على غيرها !!!!!!!!!!!! كل ما تزعل تقول تعال راضني !!! وصلت لحل ومافي غيره اني اطلق !! مليت من هالعيشه !! كن ما في بالدنيا الا بنتهم !! الناس ما تحترم ولا تقدر !! وانا حاطهم فوق راسي وحتى الكلمة الغلط ما تطلع مني في غيابهم او حضورهم وهم كل الغلط بس ساااااااااااااااااكت ومتحمل عشان ولدي عبدالرحمن .. وزوجتي اللي احبها !! جازتني بالهجر والبعد !! صحيح كل واحد يغلط وانا ما اعتبر نفسي كامل !! بس الزعل في بيتي مو تطلع من بيتي وتبي اراضيهم على شي انا ما غلطت فيه !!!!!!!!!! كل شي سوه فيني .. تنازلت عشانهم بس مانفع والحين ما في بعيونهم الا انهم يذلوني ويبوني ارضيهم واترجاهم عشان اخذ زوجتي !! وانا ما غلطت عليهم ..؟؟ زوجتي هي الغلطاااااااااااااااااااانه والله يشهد على كلامي واهلها كل صغغغغغيره وكبيييييييييره يتدخلووووووون فيها !!!!!!!!!!!!! في كلام كثير بس ماقدر اقوووووووووووله والله العظيم !!!! وان شاءالله ما ظلمتها اذا نويت على الطلاااااااااااااااااق !! بس شلوووووووون اطلق شنو افضل طريقة اطلع منها بوجه ابيض عشان خاطر ولدي عبدالرحمن فديته وانا مستعد اي شي يبونه من عيوني وبطيب خاطر بس ابي اطلع من اللي انا فيه ففففففففففففففف ولله اني احبها بس صعب اكمل معها مشواري لانها ما راااااااااااح تتغيييييييييييييييييير وانا حالف اني ما اردها لبيتي الا اذا هي ردت من نفسها انتظركم اخواني وابي رد مقنع وفي حكمه الله يخليكم .. |
واضح ان زوجك من النوع المدلع ومن خلاها تتمادى اهلها وانت ليش كل ما زعلت وراحت رحت وراها الحين بعد ما عودتها تراضيها جاي تعترض على وضعكم انا من رائي خلها عند اهلها وراح تعرف ان الله حق مهما كان ماله داعي تدخل اهلها في كل طالعه ونازله بالتوفيق |
اخى طبعا سمعنا منك يعنى طرف واحد ولم نسمع من الطرف الاخر ولكن على كل حال لا تطلقها حتى لفترة معينة
يعنى ماتسلم لاوامر اهلها بسهولة قول لهم ماراح اطلقها الا لما ترد البيت بعدين اذا ردت اتكلم معها اسألها هل هى ماتبى العيش معك ؟ هل تريد الطلاق؟ صدقنى لابد انها تقرر ذلك وهى ببيتك حتى ماتكون تحت تأثير اهلها وكمان تكون انت خلصت ضميرك امام الله وامام ولدك بعد كده ما يتهمك انك تركت امه بسهوله وبنفس الوقت رضيت نفسك بانهم ما لووا ذراعك مثل مايقولوا او اجبروك انت اشترط عليهم مابطلق الا اذا ردت البيت بعدين اطلقها واذا ماردت البيت اتركها عند اهلها فترة واذ ما تبيك لا تزعل اخى تكون ماتستاهل بس انا اعتقد ان ان شاء الله اذا سويت دا تظبط اموركم وقتها تتفق معها ان اهلها ما يدخلوا فى ولا شئ من حياتكم وانك ماتمنعها من زيارة اهلها لكن بحدود كلمها بحب واظهر لها تمسكك وحبك لها ولكن فهمها ان هذا الحب لا يكسرك وتستطيع التغلب عليه ان لزم الامر |
السلام عليكم
انتظر وتريث .. ولااتطلــــــــــــــــتق لانـ الولد.. هو الضحيه الوحيدهـ البنت واهلهاا هم متأكدين انك ماراح اتطلق.. انتظظظظظظررررر شووووووي وحاول تطنشهااا .... خلهاا تسمع انك بتتزوج او تدور وحدهـ تخطبهاا والله تنجن... يارب تهديهــا وتيسر امرك معاهاا |
6 شهور فتره طويله جدا انها تترك بيتها .. هذه جاهله و غير مؤهله انها تكون زوجه و المشكله ان اهلها واقفين في صفها .. انت ايضا عليك غلط كيف تخليها تطلع من البيت في كل مشكله تحدث بينكم ؟؟ قبل ما تطلق اجلس معها و شوف وش عندها .. انتو الاثنين محتاجين تعيدون برمجة حياتكم و محتاجين للنضج الفكري و العاطفي .. زوجتك محتاجه لاحد يعلمها و يثقفها في امور الحياه الزوجيه و حقوق الزوج .. لا تطلق الا اذا جلست معها و تفاهمتوا مع بعض .. انت تقول انك تحبها و لكن هل هي تحبك ؟؟؟ اذا لم ينفع معها النصح بعد ذلك لكل حادث حديث .. |
والله يا اخوي
ما اقدر انصحك اخاف اقول كلام واستاثم فيه لانه زوجتك مررررررررره تنرفز بس اقلها اذا طلبت الطلاق اطلب ولدك...يمكن بعدها تحس بضغط وترجع |
اقتباس:
اختي اميرة أسمحيلي انا بصراحة لاحظت اغلب ردودك لما الاخوة يشتكو من زوجاتهم ترددي هالجملة ان الزوجة غير مؤهلة لتكون زوجة بالرغم احنا قرأنا المشكلة من طرف واحد فقط ليس لك الحق في الحكم على شخص لم تعرفيه ولا تعلمي ما السبب من ورا تصرفه!!! وتحكمي عليه غيابي لابد أن تكون هناك ثغرة لا نعلمها ويعلمها صاحب المشكلة ولكن لا يريد التصريح بها للملأ فارجو أن يتسع صدرك والا نحكم على الاخرين من خلال ما نقرأ عنه |
بسالك اخوي ولك حريه الاجابه
ايش هو الفعل او العمله اللي عملتها عشان عصبت منك وخرجت من البيت ؟؟؟ |
فعلاً .. أحنا ما سمعنا إلا من طرف واحد
وبشكل بديهي كل انسان بيطلع نفسه اهو الصح والي ما شي بما يرضي الله وفارش الأرض ذهب وورد والثاني اهو الغلط والشين وفارش الأرض شوك والي خلاني اقول هالكلام التحامل ازايد عن حده .. والتغطية على المشكلة الأساسية بالاضافة إلى أني شفت حاجات غريبة بين السطور السالفة ما بدأت من 6 شهور طالعة من البيت .. السالفة بدأت قبل شي صار وانت مو قايله بكل صراحة وصدق المرأة العربية بالذات أمرأة مضحية من الدرجة الأولى .. تتمسك بحياتها الزوجية لو على حساب سعادتها .. تتحمل عيوب الزوج مهما كانت لكن انها تطلع 6 شهور وما ترجع .. هذا معناته أن الكيل طفح فيها وخافت على نفسها تمرض والا تستجن من شي سويته أنت .. وبعدين ايش عرفنا أن كل الي تقوله وأنها تقول حق اهلها كل شي .. مو حاجة مضخمة .. ضخمتها أنت بطريقة رؤيتك للأمور .. مو يمكن أنت كابتها ومو مخليها تتكلم ولا تعبر ومو شايفه تفرغ عند أحد إلا اهلها .. وبعدين أنت إذا واصل لحل وهو الطلاق ليش جاي تستشير .. الطلاق طريقه واضح والشرع والقانون رتبوا الحقوق والواجبات ومو محتاجين لكلام زايد من أحد ... كلمة أخيرة .. تأكدة أن في خطأ من جهتك يا ليت تراجع أنت نفسك قبل تعمل اي شي .. لأن مافي بيت ينهدم إلا بمعولين هدم مو واحد يا ليت تتذكر التراكمات القديمة للمشاكل والتعديات .. ساعتها راح تعرف أن البيوت ما تعمر بالحديد والنار بل بالحب والتفاهم |
شووف انا من وجهة نظرري
انت ما تبغى تطلق لأنك تحبهاااا زي ما قلت وما اعتقد انك بتعيش مبسوووط والا مرتااح اذا طلقت انت متضاايق بس من تصرفاتهاااا وهذا الي خلااك تفكر بالطلااق والا انت داااخليا ما تبغى تطلق انا اشووف انك تعطيهاااا فرصة تكلمهااااا لأخر مرررة وتفهمهاااا يابنت النااس انا ابغى استقرررر وما ابغى مشاكلناا تطلع وقوولها طلباااتك كلهاااا لعل وعسى تفهم مع انة نقل الكلااااام طبع ومستحيل تتغير بسررعة يعني رووح وتناازل عن نفسك للمرة الاخيررررة وكووووووون حاازم لأنك على حسب كلاامك في مووقف قووة وهي الضعف واذا ما عجبهااا الحااال قولهاا خلاص ما بطلقك لكن بتزووج !!!!وانتي خليكي بيت اهلك وشووووف اذا صابت كان بها اذا ما صاابت الله يعينك اخيرااا يا اخي والله مافي احد مرتاااح لا تتوقع انك لو طلقت راح ترتااح او انك لو تزووجت بأخرى رااح ترتاااح يعني لاتعلق رااحتك بتطليقهااا لأنة انت تحبهاااا وما تبغى تفرط فيهاااا الله يوفقكم ويخليكم لبعض يارب |
| الساعة الآن 09:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©