|
خطيبتي لاتريد الزواج قبل انهاء دراستها
بعد السلام يحلو الكلامـ "فـ السلام عليكم ورحمه الله وبركاته ., كيفكم حبآيب قلبـٌي .. أنا والحمد لله خآطب بنوته تصغرني بـ 4 سنوات وعمري الان 24سنه بعد شوفتنآ الشرعيه الحمد لله ارتحنا لبعض كثيـٌر ., واستخرنآ الله وكـٌل شيء تمٌ وارتحنآ لبعض ., سويت الملـٌكه ( الشبكه ) بشهر الحج ., المآضي ,, والحمد لله <<>> الحين من شروط البنت بعقد النكآح ان تكمـٌل دراستهآ .,!! وهي تدرس بكليه الطب ., !! أنا وافقت عالشرط أن لها طموحهآ ورغبتها بمواصله دراستهآ وهذا لا يزعجني الذي فاجئني .. أني لما اكلمهآ وافتح معاها مسأله الزواج وموعده تقول مآراح اتزوج قبل مآخلص دراستي .!! ( اي بعد اربع سنوات من الآن ) حآولت معها ان بشتى الطرق ان زواجنآ لن يؤثر على دراستك او راح امنعك من مواصتها .,!! بل سنتزوج وراح اترك لكي مواصله دراستك .,!! لاكن مآ وافقت ( طبعا هذا كلامي معها فقط ) اما اهلها مافتحت معهم موعد الزواج لان بالنهايه يهمني رغبتها وموافقتها بالاول .,!! <> الحين انا كيف اقنعها بدون تدخل من اهلى ولا اهلها ., لأن هالشيء بيزيد الموضوع تعقيدا !؟؟ <> اللي ابي اعرفه ليش هالتفكير انو اذا تزوجت البنت وهي تدرس انه يؤثر على دراستها .؟؟ <> ارجوكم اخواني واخواتي ., قولولي ماهو العمل .,!! ( طبعا البنت طيبووووبه بس انها احيانا عنيده وتتمسك برايهآ اكثر .,!! ) لاني حآآآولت وحآآآآآولت ماقدرت اخذ منهآ اي موعد حتى لوبعد سنتين عالاقـٌل عشان اتصبر .!! :: هذآآ وكلـٌي شكـٌر بإنتظار اجآباتكم ., "" مودتــٌي .,, ::::: الاشراف تم تعديل العنوان ما يتناسب مع فحوى الموضوع |
اتووقع والله اعلم انهااا خايفة
من انهاا تخسر درااستهااا لأنة الزوااج مسؤلية وماافي وقت تذاكر واضف على ذلك انهااا راح تصير ام بعد فترة الا اذا كنتو ناااااوين تأجلون فكرة الانجااب فترة من الوقت يعني من نااحية انا معااها ومن نااحية افضل انكم تتزوجون لأنة اربع سنواات على ملكة احسهااا مبالغ فيهاااا الله يوفقكم يارب |
أولا بارك الله لكما وبارك عليكما وجمع بينكما في خير
ثانيا .. كان من المفترض الانتهاء من هذا الأمر قبل عقد النكاح .. لكن قدر الله وما شاء فعل ثالثا .. أرى إنك صاحب القرار .. والتأخر لمدة ٤ سنوات غير منطقي أبدا .. لابد تكون حازم في هذا الموضوع إذا كنت ترى ضرورة الزواج مبكرا .. وصارحها بأسباب رغبتك في إتمام الزواج قريبا .. ولابد تكون متفهمة للموضوع .. ولا أرى أي مانع من التحدث مع والدها عن الموضوع وبالتوفيق لكما في حياتكما ودراستها |
أول شي مبروك أخوي
الله يجمع بينكم على خير اقتباس:
أكيد يأثر ونص بعد .. الزواج مسؤولية وحقوق شرعية واجتماعية وغيرها يعني الحين بالله عليك أنت إذا تزوجت ما تبي متها شي .. عادي عندك !! تدخل وتطلع من البيت واهي حاطه راسها في هالكتب ومسكرة على نفسها الحجرة وماتبي ازعاج ولا شي .. وبس همها مذاكرة وبحوث وامتحانات وكتب عادي عندك يوم تتأخر على البيت .. كل يوم محاضرات وامتحانات عادي عندك تسهر وتنام حسب الي تطلبه دراستها ما تبي وحدة تجلس معاك .. ما تبي وحدة تشوف طلباتك .. توقف معك في أوقات ضيقك ما تبي وحدة تعملك أكله تحبها .. والي تدرس دراسة عادية يالله تتحمل مسؤولية نفسها تبيها تتحمل مسؤولية غيرها تبي من يطبخ لها ويغسل لها وينظف لها .. شلون بتصير مسؤولة عن زوج وبيت شلون الي بتدرس طب .. اي هذي تنسى شكلها مو بس تنساك هل عندك استعداد تخلي مسؤوليتها من هذا كله ؟؟ إذا كان عندك قولها أنا ما ابي منك شي .. بس ابيك معي في البيت ولا راح اجبرك على شي لا طبخ ولا نفخ ولا تنضيف ولا حتى حاجات خاصة .. كل شي براحتك وحسب وقتك ترضى بالهشي .. إذا ترضى قلها وخلك صادق في هالشي ووفر لها كل السبل وجيب لها من يطبخ لها ويغسل لها وينظف البيت لها .. وانسى انها بتدخل مطبخ والا ابترفع عود من الأرض .. بس لا تجي بكرة تتذمر وتشتكي منها وتقول أن ماشفت من الزواج استقرار وانها ما تعمل شي اهي عارفه نفسها عشام كذا رافضة الزواج الحين لأنها مش مستعده له وانت اعرف نفسك وطاقة تحملك .. |
انا معاها
لانه الزواج مسؤولياته كبيرة وما رح تقدر توفق بين دراستها وبين بيتها طيب ممكن يكون في حل مؤقت مثلا يتم الزواج وتجلسون عند اهلك بحيث ما يكون عليها مشقة من ناحية تظيف وطبخ وغيره إلا بالاوقات اللي هي فاضية فيها علشان لا تتأثر دراستها .. والانجاب طبعا يتأجل الى حين انتهاءها |
أنا رفضت الزواج قبل اكمال دراستي... أنا أحب الحفاظ على تفوقي أولا ولا أريد - في حال تزوجت - أن ينصب اهتمامي على أي شيء آخر سوى زوجي... أريد عندما أتزوج أن أذهب اليه هادئة البال متفرغة له وحده ولا أريد أن يأخذ أي شيء ولو حيزا بسيطا من تفكيري سوى زوجي الحبيب... وتفوقي الدراسي شيء مهم بالنسبة لي...وهو لله الحمد لم يعارض حفظه الله لي... لذا اصبر سنتين ثم حاول اقناعها وصدقني هي (ستطفش) من الملكة الطويلة وتطلب التعجيل بالزواج.. بالتوفيق.. |
أخوي أنا مثلك
لكني خاطب بدون ملكة وخطيبتي أكثر من خطيبتك ما تبغى ((الملكة)) إلا بعد ما تخلص دراستها بعد سنتين وهذا أنا صابر ياقيلي سنة إنت يمكن وضعك أصعب بحكم إنك ملكت وخطيبتك باقي لها 4 سنوات يمكن هي تغير رايها وتقدم الزواج مثل ما قالت أختي دلوعة حسين لكن خلك واثق إنها بالفعل راح تنشغل بالدراسة إذا تزوجت ويمكن تتعبها بعض الأشياء من حمل وتنظيف واهتمام بالزوج أو إنها تهمل الدراسة وتتفرغ للزواج وقليل من تجيد التوفيق بين الدراسة وبين الزواج أنا ما عندي حل واضح لهذه المشكلة لكن اللي أقدر أقوله لك إنك إذا صبرت واحتسبت الأجر إن الله بعوضك خير وهو العليم الحكيم وخلك واثق من هالشي الصبر مفتاح عجيب لا تضيعه والله يسعدكم ويصبركم |
مين قال الزواج يشغل عن الدراسة ؟؟؟؟؟؟؟؟؟؟؟؟؟؟؟؟
أنا تزوجت 3 سنوات دراسة و خلصت بتفوق خالتي تزوجت باقي لها 2 سنتين طب و تخرجت بنجاح اللي عنده همة بيكمل و أعرف و حدة تزوجت من أولى متوسط خلصت المتوسط و الثانوي و الجامعة عند زوجها و تخرجت مدرسة يعني أبد الزواج مو عائق لتكميل الدراسة إلا اللهم إذا كان زوجك ماهو مساعدك و خطيبتك هذه أنا متأكدة إنها بتوافق إذا ملت و أنت أقنعها بأسلوبك |
بالعكس قلها بنتزوج وقلها وجهة نظرك لو بعد سنتين وانك راح تساعدها ولا تظغط عليها
كل شي بالتفاهم يصير |
اخي انت وشطارتك في اقناعها
الطب مش سهل ابدا يعني 24 ساعه دراسه ومن غير في السنوات الاخيره احتمال في مناوبات ليليه وغيره هل عندك استعداد على التحمل؟ ان كان نعم فريحها بكلامك دعها تقل لك ما يخيفها بالضبط وعوا له حلول مع بعض |
| الساعة الآن 03:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©