|
محتاره في الرجوع لمنتدى صديقاتي
السلام عليكم
بصراحه مدري وين أحط موضوعي ؟؟ مالقيت غير قسم المشاكل المحلولة ! وهذا القسم المهم مشكلتي في المنتديات أول شي انا من بيت متحفظ جدااا وأهم شي سمعة البنت باقي الي يقربون لي مدري عنهم انا اشتركت في منتدى أغلبهم يقربون لي ومعروفين وتعرفت على البنات وتجمعنا وكذا يعني بصراحه استانست مره.. بس بعدها بدت تصير مشاكل كل شهر أو كل وقت مشكله واتذكر ان فيه بنت تهاوشت معي بس لأني كنت أمزح معها عاد صدقت وزعلت وتهاوشنا ...قلت اباقطع المنتدى عشان أبتعد عنهم واتخلص من ذي المشاكل بعدها اكثرهم يقولو لي ارجعي ورجعت لانهم غالين على قلبي وصارت مشكله بسبب التعليقات ونفس الشي قطعت علاقتي في المنتدى بعدها الكل يقول ارجعي ورجعت عشانهم وبعدها مشاكل لاتعد ولاتحصى من شئ إلى شئ ونفس الشي أقطع وأرجع وهذا غير الحش من وراي والاشاعات ومشاكل كثيره بعدين قلت خلاص هالمره هذي مستحيييييييييييل أرجع انا ماني لعبه كل اشوي ارجع واطلع وتقريبا صار لي سنه من قاطعتهم بس في هذي السنه دايما تجيني رسايل من ادارة الموقع يقولو لي ارجعي انا قلت لي عزة نفس ماأرجع يكفي الاشاعات الي طلعوها عليي ماأرضى فيها مهي عيشه هذي بعدها شفت كل صديقاتي اشتركو وكل سوالفهم على هالموقع وكذا قلت لا خليني أشارك بعد ليش أنحرم عشان ناس ماتستاهل .. ورجعت هههه حمد لله والشكر يعني المفروض ماأرجع بس مدري وش الي صار لي المهم رجعت من أول يوم أحسهم قطو الميانه الشباب مره وحده مع البنات وهذي فيها سمعه وقبايل الحين وش رايكم أكمل ولا لاااا ؟ أخاف يقولو هذي بس تبغا تلفت النضر تروح وتجي ولا ايششش رايكم واتمنى تنقلوه للقسم المناسب لان مكانه غلط ومدري وين أكتبه والي يدخل يعطيني رايه |
[read]
شوفي حبيبتي اول اشي انتي غلطتي بشي واحد [/read]انج عرفتيهم على نفسك وربي بنات عمي بنفس المنتدى ولا قلت لهم ان هذا نكي لاني عارفه تعليقاتهم بعدين او اذا لعبت لعبه وكان وراي شاب شوفي وش بيتكلمون عني فكذا خليكي مجهوله لعب ووناسه وضحك من غير احد يعرف انج فلانه وبعدين انتي ليش مكونه علاقات في المنتدى وخليها رسيمه يعني منتدى لعب وضحك بعد المنتدى تحطي عليهم اكس وبعدين مو عشان وحده ولا نثتين ولا ثلاث يكرهونج في منتدى كاامل غيري نكك واعطيهم حق اللي تعرفينهم عدل عدل قوليلهم انا فلانه وخلاص اما اذا تطلعين وتدخلين عادي هالشي لانه احنا احيانآ نقطع المنتديات ونرجع لها يعني عاادي اللي بيفقدونج اللي هم متواصلين معاج ومن ناحيه اللعب حاولي انج اذا حصلتي موضوع من اي مواضيع اللي انتي كنتي تتهاوشين معاهن ما تعلقين فيها او تبدين رايج ولا تدخلين المووضع باللاساس وفكي نفسج ومن ناحيه السمعه كل وحده لازم تحافظ على سمعتها سواء في المنتديات وخارج النت وتحياتي لج وتقبلي مروري |
ياهلا والله بأنوثه
مستحيل أقول حق وحده نكي وتحتفظ فيه لأن عندها خوات وبتقول لهم وبيقولون لإخوانهم والخ....... طيب كيف مايعرفوني وحنا مرتين تجمعنا في عزيمه اقتباس:
حياك الله حبيبتي في الموضوع وياريت بس تعطيني رايك أكمل معهم المشوار طبعا حطي خطين تحت انهم يعرفوني أو أقطعهم مرة وحده وإلى الأبد |
نصحيه مني اسمعيها و علقيها حلقه في اذنك .. اي منتدى فيه تجمع بنات تعرفيهم لا تدخلي .. هذا انت جربتي كثرة المشاكل .. وش لك بوجع الراس والقيل والقال .. و المشاكل اللي تصير داخل المنتدى تؤثر على علاقاتك معهم خارج المنتدى .. ابعد عن الشر وغني له .. و لا تدخلي باسم ثاني على اساس ان ما احد يعرفك .. لان في النهايه راح تنكشفي من اسلوبك المنديات العائليه معروفه بكثرة المشاكل .. يعني ما في الا هذا المنتدى ؟؟ النت مليان منتديات .. ابحثي لك عن منتدى ما احد يعرفك فيه و انبسطي لكن بحدود الادب .. و لاتخبري احد من معارفك عشان ما يتبعونك و ايضا تصير لك مشاكل معهم .. صديقاتك حلوين خارج المنتدى اما في داخل المنتدى فالنفسيات تختلف ما تدرين ليش .. طنشي و لاتدخلي هذا المنتدى ... |
اقتباس:
بس أنا من أشوفهم يطرشون لي رسايل يقولون ارجعي أرجع اذا مارجعت أحس اني مغرورة ومتكبرة بس كلامك صح اغلب هالمنتديات فيها مشاكل وأنا جربت مشكوره عزيزتي على الرد الف شكر لك |
اقتباس:
اختي اذا ارسلوا لك رسايل قولي لهم علاقتي معكم خارج المنتدى احلى .. لا تضعفي يا اختي خليك قويه .. و رفضك ليس دليل على غرورك و تكبرك .. بالعكس رفضك يدل على انك عاقله و تعرفي ان الرجوع ليس من مصلحتك .. واللي يفكر انك مغروره و مكتبره خليه يفكر على كيفه لا تشيلي هم تفكيره . اعملي اللي يريحك و لا تعلمي اللي يريحهم .. |
غاليتي // المنتديات التي فيها اختلاط ومافيها غير الميانه والتعارف نصيحه ابعدي عنها وابعدي عن المعارف في عالم النت ضررهم اكثر من نفعهم انتسبي للمنتديات الراقيه التى تزيدك ثقافه وخبرة وتنمي مهاراتك سواء الفنيه او الأدبية أما غير ذلك فلا تنتسبي إليها أسأل الله لك التوفيق والسعادة في الدارين |
فكري بمستقبلك و زواجك
هل سيرضى زوجك عن مشاركاتك في هذا المنتدى أم لا ؟؟ انا لا أنصحك بالاستمرار معهم مهما أرسلولك لا تضعفي يقولوا عنك شو ما يقولوا طنشي |
[caution]عفوا ينقل الى قسم العلاقات والمشاكل الاجتماعيه مكانه الانسب[/caution]
|
لالالالا ترجعين
باب يجيك منه ريح سدة واستريح الله يسعدك |
| الساعة الآن 09:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©