منتدى عالم الأسرة والمجتمع

نصائح للمخطوبات
أرسله مسج قبل مايروح للدوام...يعني بوقت أكون متأكدة فيه انه مقفل جواله...علشان أول مايصحى ويفتح جواله يلاقيه...وأكتبله فيه أشياء كثيرة منها..
صباح الفل ياسيد الكل - صباحك ورد ياروح روحي - ..........الخ.عاد مايحتاج أقولكم انتو أدرى...

2-طبعا لاااازم أحسسه أنه أهم ماعندي بالوجود واني خايفة عليه...مثلا...أتصل عليه الصباح وأوصيه انه يلبس شي دافيء قبل لايخرج...ولمّا يكلمني بأيا وقت وهو برا البيت ...أسأله متدفيء؟زين زين؟ فطرت يا.....( عاد انتو اختاروا ياحياتي ياروحي أو أي شي)؟3-من فترة لفترة أرسله ايميل معتبر ....وأحكيله فيه عن حبي ومشاعري جهته.

4-لمّا يتعب لو من انفلونزا ....أنا اللي أتصل عليه وأذكره بمواعيد الدواء...لدرجة اني مرة كنت أوقت الساعة بنص اللي علشان أتصل عليه وأصحيه علشان موعد المضاد...:20:

5-قدميله الهدايا بشكل غريب وحلو...مثلا: مرة زارني وعجبه البدي اللي عليّا...لمّا جات مناسبة...غلفتله الهدية بنفس البدي...مرررررررة عجبته الحركة.

6-أنا طبعي خجولة وماأقدر أحكيله عن مشاعري مباشرة....فسويت هذي الحركة...جبت كاميرا الفيديو...وثبتها قدامي...وجلست أحكيله وأحكيله عن كللللللل مشاعري...وقدمته له مع هدية ...:o

7-حسسيه انه هو المسؤول عنك...وانك محتاجتله بكل وقت...يوووووه راح ينتفخ بس انتبهي لاينفجر عليكي...مثلا: قبل العيد أسأله اش أشتري...؟اش ألألوان اللي تبغاني ألبسها بذأه العيد؟أنا أثق بذوقك..ومايهمني اللبس اذا يعجب غيرك أو لأه...أهم شي يعجبك انتا...ومن ذاه الكلام الحلوووووو...
طبعا ولا يخفى عليكم ....لكن للتذكير...وهو انكم طالما انكم مملكين ومايجوزلك تخرجي الا بأذنه...
8-قبل فترةاشتريت ملابس بيت ( فيها شوي حركات)...لمّا زارني أديتله الكيس وقولتله حطها ببيتنا...ماأبغى أحد يشوفها غيرك.......................... ..وأرسلتها معاه...يووووووووووه جات عينه تدمع من الفرحة...

9-سويله شوي مفاجآت ماتخطر ع باله.....مثلا مرة اتفقت مع صديقتي انها تروح لمحل ورد
وتختارلي أحلى بوكيه وتديلهم عنوان عمل خطيبي.......................وو صلوه له بالدوام.....
الحمد لله انبسط مرررررررة....
أنا طلبت من صديقتي لأنها هي قريبه منه...................أما أنا ياحسرة بعيدة عنه.....

10 -طبعا ماراح أوصيكم لاااااااااااااااتاخذي راحتك بالمرة.....ترى جاذبية الأنثى بخجلها.....
:15::15:
مرة اتصلت ع خطيبي وكلمته برسمية وقولتله المحامي : فلان....قال: ايوا...قولتله أبغى أرفع قضية ع زوجي ....هو فهم الموضوع وكمل الخيال معايا...وصرت أشكيله وأقوله ع الأشياء اللي بجد مزعلتني فيه...وهو ياخذ مني المعلومات...

وأوقات أتصل عليه...وأقوله : آلووو 911.....عندنا حالة خطيرة الحقونا...وحدة اسمها ............ مجنونة بواحد اسمه ............ماتنام ولاتاكل ولا ولا ولا.....عاد هو يقولي اسمعي اللي أقولك عليه ونفذيه قوليلها : ترا حتى هو يموووت فيكي يامجنونة...................