|
استفسار عاجل جدا من كل من عمل فحص الزواج قريبا
مساكم الله بالخير الجميع
أولا أحب أهني وأبارك لك شخص مقبل على الزواج وأقول له الله يتمم لكم بخير ثانيا: حبيت أعرف شهادة فحص الزواج وش المعلومات اللي تكون فيها؟ وهل يكتب عليها شهادة توافق أو شهادة الفحص قبل الزواج؟ رجاء خاص إذا أمكن يفيدني و يرد على استفساراتي أحد عمل الفحص قريب وجزاكم الله الف خير وبالتوفيق للجميع |
إذا ذهبت ألى مستشفى وفحصت ، يقولك تعال بعد كذا يوم يعطيك النتيجة النتيجة مكتوب فيها كلام بالانقلش
تاخذها وتاخذ ورقة نتيجة زوجتك وتروح تطابقها وصل اللهم على محمد |
انا فحصت قبل ثلاث اسابيع بمستشفى اليمامه بالرياض
اخذت ورقه و عرفت اني سليم وأرسلت الورقه بالفاكس للمستشفى اللي فحصت فيه ست الحبااايب وش يفحصون عنه مدري الوكاد اني فحصت وطلعت سليم |
ست الحبايب تعني الوالده
|
وردة الاسلام.....يوسف المبتلى يقصد خطيبته واضح....مايقصد والدته...على شنو يبي توافق النتايج مع الوالدة الله يحفظها له...بس اختار كلمة ست الحبايب من الفرحة...
|
اخوي انا فحصت من شهرين في مركز اللياقه في الشرقيه عندنا و لازم فحص الزواج يكون من جهه حكوميه يكتبون بالورقه اسمك واسم زوجتك و ارقام سجلاتكم اما كلمة توافق ما راح تشوفها بالورقه لان الورقه بكبرها دليل التوافق لانكم اذا طلعتوا مش متوافقين بالاصل ما يعطونكم اي اوراق بس يطلبون ان اولياء الامور يجتمعون و يبلغونهم بعدم التطابق لكن اذا لا سمح الله طلع عدم التطابق بسبب امراض الله يكفينا واياكم هنا تدخل جهه الصحه و الحجر و دائم بنفس المراكز الخاصه لفحوص الزواج يوجد غرف للحجر الصحي بس عاد هم لهم اساليبهم في القبض على المصاب .. ما ابي اخوفكم بس اختي دكتوره في مركز نفس المركز ...
|
اقتباس:
يعطيكم الف عافيه مشكورين على المعلومات وخصوصا الاخت نجديه مملوحه لأنها وضحت لي النقطه المطلوبه بشكل ممتاز أنا الحمد لله أخذت الورقه لكن مو مكتوب فيها توافق فوسوس لي الشيطان وبديت أفكر أنو مو متوافقين لأنهم كاتبين شهادة فحص ماقبل الزواج بس بالتوفيق للجميع والله يديم الصحه على الجميع |
| الساعة الآن 04:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©