المسكوف العراقي من بيتي
 

السلام عليكم ورحمة الله وبركاته


http://www.66n.com/pics/hosted/ny292...tjajs467ji.gif


اليوم راح اقدملكم اكله من اشهر الاكلات العراقيه اللي هي المسكوف العراقي ...سمك نهري يشوى على الفحم او بالاحرى على اللهب نار الخشب ذات الرائحه المميزة

وهذا السمك يسمى سمك القطان وهناك نوعيه اخرى اسمها البني

طبعا مشهوره هذه الاكله جدااا في العاصمه بغداد وهناك شارع متخصص لها يطل على نهر دجله الرائع يسمى شارع ابو نؤاس

وكدرت احصللكم كم صورة من النت عن اصل اللاكله واشلون يسوونها في المطاعم .....طبعا يشوون كميات كبيره ويجمعوها حوالين النار بهالمنظر الرائع


وهاي بعد ما خلوها على ظهرها حتى ياخذ لون





واليوم هالطبق راح يقدم من بيتي وعلى يد زوجي واخوه اجتمعنا احنا وبيت اخت زوجي يوم الجمعه الماضي ... والصور راح تبينلكم كل شي بالتفصيل

اولا نجيب السمكه وتفتح من ناحية الظهر حتى تمسك اسنانها بهذه الاداة




نغسل السمكه ونملحها فقط بدون اي تتبيل لانه طعمهها الرائع راح تكتسبها من النار ...ونفتح فتحتين بظهر السمكه علشان تثبت بالاداة المخصصه لها




ونبدي نعلقها فيها


وهاي السمكه وهي متعلقه



وما شاء الله كانت النار جاهزة وحطينا السمكه جنبها ....لانه السر انه النار ما تجي مباشرةة على السمكه والا احترقت من الخارج وما تكون مستويه من الداخل

وراح اخلي الصور تتحدث






والصور الجايه تبينلكم اشلون بدا لونها يتغير






وهنا بدات تتحمر يا عيني على اللون ...










بعدين شالها اخو زوجي علشان يحطها على الشبكه الخاصه بالشوي حتى تاخذ لون من جميع الجهات






وهاي صورتها ....بعد ما جهزت




وهاي على سفرتنا المتواضعه ....سويت معاها حمص بطحينه وسلطه عربيه وسلطه الخضار المشويه وورز اصفر ...وطعمها حلو بالخبز مع الطرشي والبصل الاخضر




وكان ما شاء الله طعمها يجنن يعني شكد ما تاكلين منها ما تملين من طعمها مع اني انا ما احب السمك كثييييير بس هذي الطريقه وريحة الخشب والنار يخلوها روووعه
والمساكين زوجي واخوه تعبوا تعب لانه الجو كان حار جدااا الله يعطيهم العافيه
قررنا مره ثانيه نسويها على عشا علشان يكون الجو الطف اشوي

يارب تكون عجبتكم واللي اتمناه يصير العراق بخير وترحون اتزورون بغداد وتاكلون هالاكله بشارع ابو نؤاس ....اللهم امين

ها شنو رأيكم ؟؟



الإشراف: تم تعديل العنوان

بسم الله ماشاء الله

روووعة .. كلمة رووعة قليل.. شكلها لذيييييذه

تسلمي حبيبتي ...

ممممممممممممممممممممممممممممممممممممم

ماشاااااااااء الله

والله اشتهيت مسكوف هسه

عاشت ايدج وردة

منورة يا نورا ......مرورك هو الاروع حبيبتي

تسلميلي عيني ...اسعدني مرورج الحلو

حبيبتي سلطانه مرورك يسعدني جداااا .......وبالفعل انا سويت المسكوف ومشاوي من ضمنها كباب وواحترت شنو انزللكم اول وصار نصيب المسكوف اول وكم يوم انزللكم الكباب العراقي .....تدللين

الله يسلمك ويعافيكي حبيبتي