![]() |
ساعدوني ياأهل الخبرة قبل ماينهدم بيتي
السلام عليكم ورحمة الله وبركاته
أكتب لكم مشكلتي وأتمنى من اللي عنده الخبرة يساعدني والله إني في حيرة وفي حال مايعلمها إلا الله عز وجل طبعا مشكلتي أحسها غريبة وبحثت في الموقع عن مشاكل تشبه لها عشان أستفيد مالقيت فاضطريت أفتح موضوع جديد وأتمنى إنكم تساعدوني لأن حياتي على وشك تنهار أنا متزوجة من 3 سنوات وعندي ولد والله العظيم إني قايمة بزوجي بشكل ماتتخيلونه حاطته في عيوني الثنتين وأدور رضاه قدر ماأقدر حتى يوم زعلت عليه ورحت عند أهلي بغى ينجن وحاول يرضيني بكل الطرق وبطبعي طيبة وعلى نياتي رجعت وهو يقولها ماراح ألقى زيك ويحلف لي إنه مالقى مني أي قصور مشكلتي إني اكتشفت قبل 6 شهور إن زوجي خطب وطبعا انصدمت وزعلت لأنه كان من وراي وجاني عن طريق الناس الخبر وقبل هذا كله مثل ماقلت لكم ماقصرت معاه في شي طبعا يوم عرف إني دريت فك الخطبة وقعد يعتذر لي وإنها أمها عرضتها عليه مو هو اللي دور عليها ومن هذا الكلام وطبعا اللي خطبها مطلقة وأكبر منه بأربع سنين وأكبر مني بعشر سنين وعذره إنه يبغى يفرج همها ويساعدها ويسوي فيها خير المهم عدت المشكلة على خير لكن ماقدرت أنساها بصراحة لأنه جرحني وكسر خاطري وبعد 8 شهور تقريبا صارحني بموضوع والله راح تنصدمون وكانت صدمتي أشد والله حسبته يمزح لو ماوراني الرسايل اللي ترسلها له طلع زوجي متزوج مسيار وطبعا قلي عشان ماأنصدم إذا جاني خبر من أحد لكن المصيبة الأكبر تزوج وحدة قسما بالله أكبر منه بـ 15 سنة والله العظيم وأكبر مني بعشرين سنة وعندها عيال كبار طبعا نفس الموضوع اللي راح بيسوي فيها خير واحد دله عليها وقاله سو فيها خير وإنها ماتبغى شي منك لكن تبغى واحد يوديها ويجيب لها أغراض البيت ماعندها أحد مطلقة وأم عيال وكبيرة سن وإنه زواجه منها موعشان زواج وإلا ناقصه شي لا شرط عليها إنه كمحرم يوديها ويجيبها وإذا نقص عليها أغراض جابها لها حتى مايبيت عندها لكن يروح عندها نص ساعة أو ساعة يشوف احتياجاتها وهي راضية ووافقت على الشروط وكتبها في العقد المهم أقنعني ورضيت لكن المشكلة إنها بعد 4 شهور بدأت تطالب بحقوقها وصارت ترسل له إنت ظالمني وماأدري إيش وتتحسب وتدعي أبغى حقوقي كاملة طبعا زوجي يوم شافها قلبت عليه ونقضت الشروط طلقها الطلقة الأولى وصارت تلاحقه تكفى رجعني وماراح أنقض الشروط وبأمشي عليها ورجعها وبعد فترة صارت تراسله ليه ماتعدل بيني وبين زوجتك وعاملني مثلها وأبغاك تعطيني ليلة رجعت قلبت عليه مرة ثانية وللمعلومية إنها في نص الأربعينات وزوجي ماكمل في نص العشرينات المهم زعل زوجي وطلقها الطلقة الثانية وهنا المشكلة اللي أنا فيها الحرمة حقدت على زوجي وصارت تدق على الدليل وأخذت أرقام أهالينا وقامت تفضح وإنه ظالمني وماقام بحقوقي أنا بصراحة يوم شفت الوضع كبر كذا يعني هو تزوجها عشان يساعدها وهي قامت تسوي كذا وقسما بالله إنها حاولت كم مرة تفرق بيني وبين زوجي تحسب إني ماأدري بزواجه منها ودقت على أهلي تعلمهم بأنه زوجي تزوجها ودقت على أهله وعلمتهم وتتشكى من زوجي بأنه ظالمها المهم زوجي زعل منها ورفض إنه يرجعها وصارت تحاول وتعتذر المهم مادريت إلا جاني أمس ويقولي والله رحمتها وأبغى أرجعها وأنا زعلت وقلت له ياأنا ياهي خلاص ماراح أسكت أكثر من كذا سببت لنا مشاكل مع أهلي وأهل زوجي وتحاول تفرق بيني وبين زوجي بصراحة خايفة إنها تهدم بيتي وسببت لنا المشاكل فأنا بصراحة أبغى رايكم هل أنا على صواب وأبغى طريقة أتعامل فيها مع زوجي والله العظيم ماكملنا أربع سنين وحياتي نكد × نكد وكل شوي مسوي لي خير ويتزوج صراحة تعبت والله إني فكرت في الطلاق أكثر من مرة لآني أحس إن حياتي مالها أمان معاه والله ماتتخيلون كيف أنا مجروحة ومهمومة من اللي سواه فيني واستغلاله لطيبتي الزايدة تكفون ساعدوني وعلموني كيف أتعامل معاه |
انتي رديتي على نفسك فعلا زوجك استغل طيبتك الزايدة
يعني زوجك مالقلى باب ياخد منه حسنات غير الزواج كل ابواب الاعمال الصالحة اتقفلت امامه مالقى غير الزواج وبعد الي سوته الي ماعرف ايش اسميها يريد يرجعها ؟؟مستحيل تقبلي خليكي على موقفك يا انتي يا هيا وهو يختار بينكم ولو اختارك خليه يطلقها يالثلاثة ويحلف انه ماراح يتزوج ثاني هيا ماتخجل من نفسها؟؟ طيب اولادها يعرفون انها متزوجة ولا لا؟؟ لو مايعرفون انتي هدديها انك راح تخبري اولادها مع اني مقتنعة ان العيب في زوجك اصلا طمنينا عليكي |
اقتباس:
|
آسفه ما تزعلي مني ميته ضحك على زوجك
داير يعمل خير انتي ليه زعلانه حسبي الله ونعم الوكيل على قولة اختنا واحشتيني يا مصر ما لقى يعمل خير الا بهالشي طيب شو تعملي خلاص يعني تخربي بيتك عشانها هو من نفسو ما تخافي رح يتركها عاجلا غير آجل انما نصيحه مني هذه تعرفيها وزوجك حنون وضعيف امام هالمسائل اذا تركها رح تلاقي وحده جديديه غيرها في المستقبل ويقول اخو جد ابن عمتو ورطه بهذا الزواج امرك لله وانتي مش رح تحسي بالامان وخصوصا الشرع يحق للرجل اربع نساء لانك طيبه كتير يحسب ان كل النساء مثلك ولكن هيهات هيهات رح ياكلها على راسو الله يعينك انما ما تزعلي مني لاني ضحكت هالرجال كل يوم عندهم شي جديد احمدي ربك بالحلال |
من حقها تطالب بحقوقها الشرعية واستغرب من زوجك كيف يقول عمل خير اذا كان يريد عمل الخير فليتزوجها زواج شرعي ويعطيها كافة حقوقها الشرعية ويعدل بينكم فهي زوجته وقبل ذلك انسانة كرمها الله وليست مجرد وعاء في اعتقادي من يبحث عن المسيار ليس هدفه عمل الخير ومن يقول غير ذلك يريد فتح هذا الباب على مصرعية |
اقتباس:
|
اقتباس:
|
اختي زوجك الله يعينك عنده ضعف في الشخصيه .. و كلمه تجيبه و كلمه توديه .. يعني قراراته مو بيده انما بيد الناس .. تعال تزوج .. على طووول يتزوج ..بالله عليك هذا وش تسميه؟ بعدين زوجك يحب يظهر بمظهر البطل اللي يحب ينقذ الحريم الضعيفات فقط .. يحب شعور ان النساء تحتاجه على طووول و هو يطلبي طلباتهم .. الحل انك تاخذي عليه عهود انه ما يعيد هذا التصرف مره اخرى طبعا بوجود شهود من اهلك و اهله .. |
[quote=أميرات;2164242]
اختي زوجك الله يعينك عنده ضعف في الشخصيه .. و كلمه تجيبه و كلمه توديه .. يعني قراراته مو بيده انما بيد الناس .. تعال تزوج .. على طووول يتزوج ..بالله عليك هذا وش تسميه؟ بعدين زوجك يحب بظهر بمظهر البطل اللي يحب ينقذ الحريم الضعيفات فقط .. يحب شعور ان النساء تحتاجه على طووول و هو يطلبي طلباتهم .. هلا بك أختي أميرات والله كل اللي قلتيه موجود في زوجي وأنا لاحظت إنه مبسوط إن الناس يلاحقونه والكل يعرض عليه بحكم إنه امام مسجد وهذولي جاراتي تخيلي الهم اللي أنا فيه وهو ماقتنع بالحياة اللي الكل يحسده عليها والله حتى أهله زعلوا عليه يوم كلمتهم زوجته وعلمتهم لأن ماأحد يدري بالموضوع وانصدموا حتى اخته كلمتني زعلانة عليه وتقول والله ماراح يلقى مثلك تخيلي هذي شهادة أهله فيني وهو ماقدر هذا الشي لي لا كل همه يرضي الناس وعلى قولتك البطل اللي ينقذ فيه الحريم ودون مراعاة لمشاعري واستغل طيبتي الزايدة كل ماسوى شي زعلت جاء وقالي كم كلمة وأرضى أحسه استغلني ويقوة |
[quote=صمت الحنين2;2164247]
اقتباس:
اختي مو معناته ان زوجك اذا تزوج عليك ما يحبك .. هو يحبك .. و لكن ايضا عنده حب شديد للنساء متمثل في مساعدتهم و ذلك عن طريق الزواج بهم .. و هذا النوع من السلوكيات يؤذي الزوجه بينما الزوج يشوف انه قمة الشهامه و لازم انت توقفي في صفه و تساعديه على فعل الخير .. يعني طريقة تفكيره غريبه شوي .. زوجك محتاج لوقفه قويه منك مثل ما قلت لك تاخذي عليه العهود و المواثيق انه ما يكرر هذا الامر بوجود شهود من اهلك و اهله .. |
الساعة الآن 01:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©