|
مارايكم بالحلف في الحياة الزوجية ؟
السلام عليكم
أنا بكتب مشكلتي بدون مقدمات أنا زوجي حلف علي حلفين ( مرتين ) الحلف الأول : حلف انه مايطلعني من باب بيتي الا الى بيت أهلي والى مكان دراستي ( الحلف لمدة أسبوعين ) ,,,, أهلي ودراستي في نفس مدينتنا الحلف الثاني : حلف اني ماأزور قرابتي اللي في مدينة ثانية تبعد عن المدينة اللي ساكنين فيها 80 كيلو ( الحلف كل العمر ) وبنفس الوقت يبغاني أروح لقرابته اللي بنفس المدينة اللي حلف علي اني ماأزور قرابتي فيها أنا سكتت ,,, لكن بنفس الوقت ماني راضية على هالشي ,,, لأني ماأحب شي فيه حلف المهم ,,, أنا مشيت سالفة الحلف الأول ,,, وقلت كلها أسبوعين ,,, وفعلا مرت هالأسبوعين ... لكن الحلف الثاني مارضيت عليه ,,,, مو لأنه طول العمر ,,, بس لأنه وبكل بساطة يبغاني أروح معاه لقرابته اللي في نفس المنطقة ,,, وهذا شي يقهرررررررر اليوم يبغاني أروح معه ورفضت ,,, قلت إنت حلفت علي اني ماأروح لقرابتي ,,, أنا بعد ماراح أرووح معاك لقرابتك هناك وهو يقولي لازم تروحين ... وقالي بعدين نتناقش في الموضوع لما يصير لك زيارة لهم ,,, أشوف أنا اوافق والا لا ,,, أنا مارضيت أسكت وأمشي الموضوع ,,, وقلت لا ,,, لازم تشوف لك صرفة بالموضوع ,, أنا ماراح أروح اليوم معاك .... وزعل مني ,,, والى الآن هو زعلان ... أتمنى آرائكم ... بس لاتقولولي هذا زوجك وواجبة عليك طاعته ... كل هذا أعرفه ,,,, أبغاكم تجاوبوني ... بعد ماتحطوا نفسكم فمكااااني .. كيف راح تكون ردة فعلكم عالموضوع ؟؟؟ وغير كذا أنا مو راضية أبدا على مسألة الحلف في الحياة الزوجية ... اللي مافهم على كلامي عادي يستفسر مني ... لاأحد ينتقد أسلوبي في كتابة الموضوع ... أنا والله أكتب الآن ومن داخلي نااااااااار ومقهوووورة .... |
السلام عليكم اختي بس حبيت اسألك وش نوع القرابه اللي تتكلمين عنها ؟؟ بالنسبة للحلف انا معك اختي الامر هذا المفروض مايكون موجود بين الزوجين حاولي تفهمين زوجك انك طوع امره لكن مو بالاجبار برضاك.. وقولي احنا كبار على الشي هذا واحنا متعلمين ومثقفين كيف تتعامل معي بالاسلوب هذا وبهدؤ تام ناقشيه واسأل الله لك ان يسخره لك. |
قرابتنا
خوالي وخواله وجداتنا ,,, لأن اهلي وأهله عندنا في نفس المدينة وفعلا كلامك صحيح الله يعطيك العافية أختي |
ممكن آراءكم لو سمحتوا ؟؟
|
ممكن ؟؟
|
زوجك يبي يقطع رحمك ؟؟
اعتقد مو من حقه يقطعك من ارحامك يعني انتي مو راح تطولين انتي بتروحين تأدين واجب وبتصلين رحمك مثل مانتي الان تزوجتي واصبح اهل زوجك من ارحامه ويعتبرون ارحامك ومن الواجب السؤال لو بالتلفون فالاولى ارحامك الذيت يتصلون بك من اهلك جهة الام والاب فهم اقرب واولى الله يهديه بس ويعينج على صلابة افكاره ورأيه متى بيفهمون الرجال انه الي متزوجنها هي مو ملك خاص له فقط تعتبر شريكة مو كنبة يشتريها والاهم ان لها حقوق وعليها واجبات نحوه ونحو عائلتها وعائلته |
حبيبتي دمعات الروح أشكرك على ردك بس زوجي ماقصده اني أقطع رحمي ,,, لا والله زوجي مافيه شي يعيبه ماشاء الله عليه ,,, إلا عصبيته اذا عصب مافيه تفاهم وعلى طول يرفع صوته ويحلف ومدري ايش أنا بس لو يفكني من الحلف أحس إنا جايين من خيمة على هالحلوووف حنا صارت بينا مشكلة قبل أسبوعين ,,, وبعدين حلف علي ,,, مع انه الحلوف مالهم دخل بمشكلتنا ,,, بس لأني قارنت حياتي الزوجية بحياة غيري وانا معصبة مرررة عشان كذا عصب علي وحلف ,,, الله يعطيك العافية أختي |
وقت يكون الزوج معصب ما تقارني نفسك بغيرك من الناس
خليه يحلف انو ما رح يحلف تاني عليكي وانتي وقت تلاقيه معصب اسكتي ووقت يهدا اتكلمي معه وناقشيه انما اهم شي انو يوقف الحلفان ولازم يفهم يمكن يخسرك بهذا الحلف |
اختي عنابه قبل ما اقول لك اذا زوجك غلطان او مو غلطان ممكن اسئلك ايش التصرف اللي تتصرفينه مع زوجك و تخليه يوصل انه يحلف بهذه الامور ؟؟؟!!!!!! |
على اية حال مهما كان تصرفك اللي تتصرفينه مش مهم الان المهم هو ان لا تتنازلي عن حقك ولا تعطيه فرصة التسامح والتنازل لانه راح يكررها مرة ومرتين وثلاث لا تتنازلين من موقفك حتى ياتي ليكلمك سعتها بيني له باسلوب رايق وهدوء تام عن معاملته والحلف دا هو غير جائز بين اثنين متزوجين ومثقفين كمان لانه يعقد الامور اكثر ويزيد في المشاكل انتم في غنى عنها
اتمنى الفكرة وصلت والله اعلم بعلمه ربنا يهنيكم لبعض ياااااااارب |
| الساعة الآن 11:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©