|
هل هذه أعراض ولادة ؟
آسفه اني بكتب الموضوع بهالطريقة لكني مستعجلة ..
انا بكرة تاريخ ولادتي .. انا اللحين في الاسبوع 39 و 6 ايام .. أحس بالم من الصبح واللحين أشتد وصار مستمر لكن استطيع تحملة .. بس نزل علي افرازات معاها خيوط دم ونزل ماي بللت ملابسي بس الماي قليلة .. اروح المستشفى لان البيت يبعد عن المستشفى تقريبا ساعة .. ولا هذي امور عادية مالها شغل بالولادة؟:24: |
حبيبتي ... هل الالم زي الم الدورة لكن اقوى و يجي بشكل منتظم ؟؟؟
اذا ايوه جهزي شنطتك و استعدي قد تكون ولاده.. اتصلي بطبيتك و استشيريها .. كلي تمر و ظلي اتمشي بالغرفة .. الله يسهلها عليك ويقومك بالسلامة |
ان شاء الله اعراض ولادة
بس لا تروحي المشفى الا وقت ينتظم الفترة بين الالم تقريبا 10 دقائق عشان ما يعذبوكي بالمشفى الله ييسر امورك ويرزقك ولادة سهلة |
حبيباتي المستشفى بعيده ساعه عن البيت
فورا للمستشفى الله يسهل عليكي الطريق والولاده والوقت اللي تقضيه بالبيت تقضيه بالمستشفى افضل بشرينا |
انا رحت المستشفى لان مثل ما قلت المستشفى بعيد ..
وطلع الي احس فية أعراض ولادة : الرحم متوسع 3 سنتي ومرتخي .. الدم الي نازل كان علامة الولادة مثل ما قالت لي الدكتورة الطلق موجود .. لكن ليس منتظم حتى الان .. قالت لي الدكتورة اساعدك واعمل توسيع لكن انا رفضت ..وقالت ينيموني لكني رفضت مع انه امي كانت خايفة وقالت اتنيم احسن .. بس فضلت اني اطلع قلت دام 3 سانتي ما باقي شي ان شا الله فأنصحتني بالمشي وشرب الدارسين .. الله يعين على المشي لان لما امشي احس كان شي يضغط مع الم .. لكن الله يسهلها .. انا رجعت بيت امي لان اقرب على المستشفى وانتظر ينتظم علي الالم وارجع ومشكورين على الرد .. ان شاء الله ابشركم بالمولود عن قريب .. بس عندي سؤال : اذا انزلت العلامة .. والطلق موجود والرحم 3 سنتي تتوقعون متى اربي . .. ؟ |
اقتباس:
أعتقد خلال 24 ساعة و لكن بما انك بكرية ممكن تطولي أكتر شوي مو متأكدة انا لما فتح الرحم 2 سم و نزل ماء الراس و كان طلقي مو منتظم قالتلي خلال 24 ساعة لازم تولدي و ولدت بعد 30 ساعة الله ييسر ولادتك انا بنصحك تمشي قريت بالكتب كلها انه المشي مفيد جداً في زيادة التقلصات في هذه الفترة لا تنسي تطمنينا و تبشرينا |
كلها ساعات الله يتمم لك على خير
الافضل انك تكوني بالمستشفى لكن الحمد لله بيت اهلك قريب من المستشفى كلما قوي الطلق قولي يا رب اقوى وقوم بخير ما تنسينا ابدءي بالدعاء بتفريج الهم للجميع لا اعلم جا في بالي مظلوم الحب واخو ابو محمود واخت ملك شادي خلاص رح اتوقف عن الكتابه ههه ما تنسي وانتي تدعي تكوني عم تراقبي الوقت بين الطلقه والثانيه |
أختي ماريا .. مشكورة على الرد
GREEN222 ربي يعلم اني دعيت لك قبل ما اشوف ردك اللحين وراح ادعي للي ذكرتيهم انا بغيب عنكم على خير .. لان الالم زاد وما اقدر ارد عليكم .. وبطمنكم ان شاء الله |
:15:GREEN222
ان شاء الله تبشرينا بحفيدك يا رب :) |
اقتباس:
|
| الساعة الآن 04:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©