زميلي بالعمل وعلاقة للمصلحة فقط كيف اتعامل معه
 

عندي زميل بالعمل عملت معه فتره 4 شهور وهو انسان اجتماعي وصرنا ناخذ ونعطي في كل شي وبيينه هوايات وسوالف مشتركه وكذلك عرفنا بعص الامور الشخصيه عن بعض....وبعد فتره تغير مكان عملنا وقمت اتصل كذا مره اسآل عنه بس هو ما كان يرد ومره شفته في مناسبه خاصه بالعمل عمل حاله مو شايفني....بعدها قلت لنفسي هو كان يبي الصداقه لمصلحه في نفسه لاساعده بالعمل و ابتعدت لانها كانت زماله مو صداقه من طرفه....المهم دارت الايام والتقينا في العمل ونعمل بمكتب واحد....وهو جاء سلم ولا كان صار شي ويقول اي انا مره شفتك....المهم انا ما صارحته بشي ولا ناقشته باللي في قلبي لانه اللي ما يبيك ما تقط نفسك عليه.....بس عاملته عادي وصار بيننا حديث لانه هو طبعه اجتماعي ويعرف يسحب الكلام مني

الحين عندي سؤالين

1-شلون اتحاشاه وما اسولف معاه بالامور الشخصيه او ما ارد عليه بس بطريقه غير مباشره عشان لا يحس؟

2-انا خايف يحس اني ما ابي صداقته ويقوم ينقل بعض الامور عني للزملاء شنو اعمل؟

ما اكثر هيك ناس الدنيا عندهم مصالح


اخي وقت يتكلم اما ان تغير الحديث او انت تسبقه ووتتكلم اما بالسياسه او بالطقس



تعلم المراوغه في الكلام كالسياسين


الف صحفي يسألهم مليون سؤال ولكن لا يجاوب على اي سؤال منهم



ودائما قبل ان تدخل ادعو في قلبك اللهم اتني خيره واكفني شره

السلام عليكم


السؤال انت مب مجبور ترد عليه ,, سؤال يسألك فيه رد عليه بسؤال عشان ينحرج

مثلا إذا سألك : كم راتبك ؟ اسأله : سمعت عن زيادة في الرواتب ؟ وبعدها تكلم عن الرواتب والغلاء وضيع السالفة :d

أي سؤال ثاني ,, عادي عطه في الويه على طول .. قول له : ليش تسأل؟ :30: بينحرج وبيقول لا أبدا بس حبيت أتعرف ووو ....
وشوي شوي بيستحي على دمه وبيقلل أسئلته ,, وإذا ما صار قوله : أنت ليش وايد تسأل ؟


بالنسبة للصداقة مب غصب واللي يقوله للزملاء عنك لا يهمك ,, إذا كان صح ما ضرك وإذا كان كذب وغلط الشرهه على اللي يصدقه

الله يوفقك اخي لما يحبه ويرضاهـ ..

..

اولا : مو كل سوال يساله لازم تلتفت مباشره لجهته وتبدأ بالاجابه ..

خليه يستنى شوي اذا كان سواله ماله داعي ( لقافه بالعربي ) ..

بعدها طالع فيه وقوله : ايش صار امس في المباراه (((((((((( غير السالفه !! ( كانك ماسمعته



وخلك رسمي معااااهـ ..

مثلا : اذاسالك اليوم ايش عندك بعد العمل : جاوبه باختصار : مشغول @@

ولا تخاف على مشاعره كثير ..

اهتم في نفسك ولاتشيل همه وهو مو شايل همك ابد ..

..



والله يوفقك في عملك ..

ويجنبك عيال الحرام ..

[QUOTE

الحين عندي سؤالين

1-شلون اتحاشاه وما اسولف معاه بالامور الشخصيه او ما ارد عليه بس بطريقه غير مباشره عشان لا يحس؟

2-انا خايف يحس اني ما ابي صداقته ويقوم ينقل بعض الامور عني للزملاء شنو اعمل؟[/QUOTE]

بالنسبة للسؤال الاول : تتحاشى بالامور الشخصية هذه مرتبطه بشخصيتك عزيزي و ما احد يقدر
يفيدك بقدر مابتفيد انت نفسك , انت المفروض تحط حد للامور يلي بتتكلم فيها و ماتطلع عنها
و إذا صار سؤال ماعرفت تجاوب عليه او تتحاشاه افضل طريقة تعملها تغير نمط السؤال او تبادر
انت بسؤال مغاير

بالنسبة للسؤال الثاني : بالعكس تعامل معه طبيعي و خلي بينك و بينه مسافات بنوعية الكلام
يعني مو ضروري تصير كتير إجتماعي معه ولا تكون بارد بكلامك معه , خليك طبيعي