|
أخاف الله يبتليني في بنتي
السلام عليكم ورحمة الله ..
صباحكم شمس و غبار الحمد لله قطعت شوط طويل في مفاوضاتي مع الوالدة على قضية الشرق الأوسط ( اكمال نصف الدين بزواج التفخ المتين ) <<< الله يستر لا يروح النصف الثاني بالأول و الحمد لله اقتنعت الوالدة بالمبدأ و سجلت الهدف الأول و ردت الوالدة الهدف أني لازم اصبر إلين يسافر الهرش الي أكبر مني و الحمد لله ما صدقت على الله أنه تحلحل و سافر و بالدفدفة من بنات خالاتي الثنتين الله يرزقهن الأزواج الصالحين شافت الوالدة بنتين ( بغير علمهم ) ، لازم تصير تمثيلية و تحضر الوالدة ضيفة شرف عشان ما تحرج أحد و ما تجرح مشاعر أحد طبعا البنتين رفضتهم الوالدة ، الأولى مغرزة في الدراسة شوي ، و الثانية ملامحها مب ناعمة. اكيييييد بتقفل معكم ، وش شايف نفسك يالحبيب ؟؟ أنا ما أبي موصفات خنفشارية .. يعني بيضاء مابي و شقراء مابي وعيونها زرق مدري خضر مابي و وحدة من مجاعة افريقيا مابي ، و وحدة أمها قشرى و أهلها متخلفين مابي. و وحدة متنحة مابي مالكم بالطويلة ،، الموهييييم ، ، الوالدة بعد هالمحاولتين استلمت بعدما سجلت هدف الفوز عليّ. وأعلنتها صراحة دبّر عمرك!!! تقول الوالدة : ما عاد أبي أشوف أحد ، أخاف الله يبتليني في بنتي ، و إذا ذُكرت ( بضم الذال ، فعل مبني للمجهول إلا أمي ) لك أي بنت رحت أنت و شفها . أنا ما أدري كيف انقلبت الموازين و صارت نظرة الرجل للبنت أهون على البنت من نظرة أمه. و يحرم الشاب من الزواج بسبب أخته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ يــــــــــــــــااا الله عفــــــــوك و عافيــــــــتك |
وعليكم السلام ورحمة الله وبركاته أخي الكريم وفقك الله // أولاً: حدد شروط أساسية لشريكة الحياة بحيث لاتتنازل عنها ثم حدد الشروط الثانوية القابلة للتنازل ولكن لاتضع شروط تعجيزية حيث لاتوجد إنسانه كاملة والكمال لله سبحانه وتعالى. ثانياً : مقولة ( أخاف الله يبتليني في بنتي ) الأم لم تفعل شيئا حتى تخاف على ابنتها هي تسعى في فعل الخير ويوجد طرق كثيرة للبحث عن فتاة من غير علمها مثل ماقلت تمثيلية أما قولها ( دبر عمرك ) بالتأكيد لاتقصدها ربما قالتها مازحه أو تضجر من كثرة شروطك كن واضحا معها حتى تحسن الإختيار لك ثم تأتي النظرة الشرعية وأنت تقرر حسن الإختيار من غيره . ثالثاً : بالنسبة لقولك ( صارت نظرة الرجل للبنت أهون على البنت من نظرة أمه ) لا أعتقد أن هذا الكلام صحيح نظرة الأم أهون بكثير من نظرة الرجل الأم نفسر عدم إعجابها بالبنت بأمور كثيرة وربما لاتسبب جرح لمشاعرها بالقدر الذي تسببه نظرة الشاب لها . وأخيراً أسأل الله العلي العظيم أن ييسر لك أمورك ويرزقك الزوجة الصالحة. |
اقتباس:
نظرت الرجل للبنت أهون لأنه نظرته مختلفه عن نظرة المرأة للمرأة ونفس الشي نظرة البنت للرجل تختلف عن نظرة الرجل للرجل أحياناً نظرة اثنين من نفس الجنس لبعضهم قاسية نوعاً ما .. لأن دقيقة حيل أنا ما أشوف فيها شي .. مدام حطت الكرة في ملعبك .. روح انت شوف واختار مافيها شي ومعها حق يمكن الله يبتليها في بنتها الي هي اختك .. ما يجونها إلا ناس يدققون ويمسكونها على الوحدة .. وهليام الدنيا ينخاف منها ,, احس الحوبة بسرعه تجي وتصيب الله يرحمنا برحمته |
اخى الكريم انت لازم تشوفها بنفسك لأن بالطبع نظرة امك راح تختلف 180 درجة عن نظرتك انت لها
ربما امك رأتها ملامحها ليست ناعمة تراها انت جميلة اقصد ان نظرة المرأة للمرأة دقيقة جدااااااا مثل ما قالت باريسيا مثلا انا اخى كانت له مواصفات تعجيزية نوعا ما:) حاولت انا وامى نبحث له عن عروسة بتلك المواصفات ولكن نحن نحكم على الفتاه من وجهة نظرنا نحن انا والوالدة ممكن نكون شايفينها مش مناسبة وماراح تعجبه ومجرد انه يشوفها تعجبه جدااا بالطبع نظرتى انا للفتاه ستختلف تماما عن نظرة اخى للفتاه وبالاخير امى تعبت وانا كمان :) وهو دور على عروسة وتختلف تماما على المواصفات اللى كان بيدور عليها :) |
اخوي ذكرتني بالوالده الله يحفظها
كل ماراحت تشوف احد ما صلحلها ولنا على هالحال 6 شهور الى ما لقت بنت الحلال وبعدها شفتها انا وكانت من نصيبي نصيحتي لك اصبر ورح حب راس امك وقولها معليش تحملي علشاني اخاف اختار وحده ما تصلح لي وانتي تعرفين ذوقي وخلها تدور لك بنت الحلال وبعدها شوفها انت اذا كتب الله نصيب الحمد الله ماكتب نصيب خيره من رب العالمين ان شاء الله اما انك تدور انت وتدبر عمرك شلون هذي ؟؟؟؟؟ يعني انت بتسأل وتروح تشوف بنت الناس واذا عجبتك كملت واذا ماعجبتك خلاص تدور غيرها بنات الناس موب لعبه تجلس تدور من بيت لبيت وتشوف نص بنات الديرة خذ بنصيحتي ورح تلزق بأمك وسو لها غسيل مخ وترجع تدور بنشاط اكثر من اول ذكرها بعيالك خلها تحن وتشد حيلها شوي والعذر منك لو اخطأت عليك تحياتي |
اقتباس:
وإياااااااك |
اقتباس:
يسلمووووو أختي باريسا |
اقتباس:
يسلمووووووووو أختي |
الله يسلمك .. بس انا قصدي لما الوالدة الله يحفظها ويطول بعمرها تروح تشوف البنت
تجي توصفها لك .. وما تقول عجبتني والا ما عجبتني .. بس توصفها وتروح تشوفها يمكن تعجبك .. صدقني الأم تنظر لها حسب مواصفاتك المادية >>> حرام عليك عجزت الوالدة لكن انت نظرتك لها بتصير شاملة .. مراح تشوف شكلها وبس .. أنت حتى روحها ونفسيتها ابتنكشف لك من نظرتك وبعدين شنو مو ناعمة يمكن انت تشوفها ناعمه .. ومثل ما عملوا ضروي تمثيلية لأنه بجد أحراج للبنت واكيد محد بيوريك بنته إلا لما النسوان اول يجون ويشوفون ربي يوفقك والجميع |
اقتباس:
|
| الساعة الآن 03:03 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©