|
الزواج من موظفة
السلام و عليكم ورحمة الله وبركاته
عندي موضوع للنقاش خطبها رجل أخلاقه زينه, محافظ على صلاته , يحب شغله بس بعض أخوانها مو راضين عليه لاسباب منها انها تشتغل والرجل تقريبا مو من مستواها الدراسي اللي هو شي عادي جدا لان كثير بنات متخرجين من الجامعه و متزوجين شباب عندهم شهاده الثانويه المهم البنت وافقة وصلت الاستخاره اكثر من مره و ارتاحت بعد الصلاه بس بعده اخوها مو راضي عالوضوع ليش بالضبط ما تعرف المهم البنت كلمة خطيبها في فترة الخطوبه حتى تتعرف عليه أكثر بعلم الأهل وحست أنه وااااايد طيب بس بين فتره وفتره يقول حقها أنها راس ماله و أنهم بيعيشون متعاونين ماديا يعني هو وهي بيدفعون على البيت يعني هو صريح بس شو رايكم تقولون انه داخل على طمع يعني البنت ترفض ولا لا صراحه انا نصحتها انها تكمل معاه لانها صلت الاستخاره وارتاحت فتتوكل على الله و اللي الله كاتبة بيصير انتوا شو رايكم؟ اذا حد قالكم كذا او قال لاخواتكم شو بتسون؟؟؟؟؟؟؟؟؟؟ انتظر ردودكم ( الإشراف / عفواً تم تعديل العنوان ليتضح المضمون ) |
اذا اتاكم من ترضون دينه وخلقه فزوجوه .
|
الزواج من موظفه ما وراه الا المشاكل
لا خير في راتب الزوجه لأن ما تقدمه في اليمين تأخذ ضعفينه في اليسار أنا أنصح عدم الزواج من موظفه اطلاقاً ------------------------------------------- أما بالنسبه لموضوعك فأنا أقول انها تحمد الله وتتزوج بما أنها استخارت لأن البيوت مليانه عوانس |
لمن يقول أن الزواج من موظفة لا خير فيه لأنها تأخذ ضعف ما تأخذ أقول لك اتقي الله في ما تقول ولا ترمي الكلام جزافا...اذا كنت لا تريد زوجة عاملة فدع نصيحتك لنفسك ولا تعمم الكلام لأن الناس ليسوا سواء.. صاحبة الموضوع أقول لكِ ان كانت هي مرتاحة له وراضية به فلا داعي للتردد... بالتوفيق.. |
انا اشوف مافيها شيء لو الزوجة اشتغلت
بالعكس راح توفر علينا كثير من المصاريف خاصة سوالف الهدايا والشنط الي لا تقل عن 4000 درهم والزيارات والحفلات .. واشياء احنا مانفهمها احنا يالرجال والمكياج الباهظ الثمن والكريمات الصباحية والمسائية وغيره من لوازم المرأة كل هذا حسب البيئة الي عايشين فيه اذا كانت البيئةتيرحب بهالفكرة كان بها اذا كانت البيئة تنتقد فكرة ان البنت تشتغل وبشدة .. فالافضل انها ماتشتغل اما بالنسبة للسائل لو يقدر الخاطب ان يقنع اخوانه ان يخليها تشتغل في مجال التدريس او في الاماكن الي مافيها اختلاط .. انا بالنسبة لمسألة الطمع فلا اعتقد ذلك هذا شيء عادي واصبح متعارف ان الزوج والزوجة يتعاونون على بناء بيتهم دام ان الزوجة اشتغلت لازم تساعد ولو بشيء بسيط تحياتي |
آذآ الزوجـهَ , اعطت الزوج من طيب نفس َ فهذا الشيء اوكيَ ,, والزوج ماله حق براتب الزوجهَ ,,
اذا اهي بتعطيه فـ من رضآهآآآ ,, يعني يتفقون من الحين .. وبـٍسَ , |
الزوجة الموظفة توفر الكثير وتريح زوجها ماديا مادام الزوجين متفهمين
|
النصيحه لصديقتك
قبل ما توافق تحاوره في هالنقطه وتبين له انه راتبها ماله حق فيه وهذا شرع مو كلام من عندنا وكلام اخوي الفهيدي صحيح ..والله يخليلك هالعقليه يا رب فعلا بالنسبه لي ولزوجي راتبه للبيت ولتوفير المستقبل وراتبي لكمالياتي ..واصرف على ترتب البيت والديكورات..واوفر منه بعد |
اقول تتزوجه ...
وتجرب ... واذا الله لا يقوله تطلقت ... ياااااااااكثر الرياجييل اللي يبوووووووووون موظفات .. |
| الساعة الآن 10:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©