|
زوجي وأصدقائه
بسم الله الرحن الرحيييييم السلا عليكم ورحمة الله وبركاته اخوتي اتمنى ان اجد في قلوبكم متسع لفضفضتي مااقوله ليست مشكله ولله الحمد وليست شكوى ولكن حبيت ان اخرج مافي قلبي فانا لا احب ان اتكلم عن حياتي مع اهلي او صديقاتي لانني اتكلم وانا مشحونه ثم انسى بعد ان تنتهي مشكلتي ولكن هم لن ينسون ماقلته لهم .. لذلك اتمنى ان تتحملوني انامغتربه واسكن في منزل صغيييييير جدا جدا جدا وزوجي انسان كريم ودائما يعزم اصدقاءه وبحكم ان المنزل لم يصمم للمحجبات مثلنا فانا ضطر ان اجلس في غرفه واحده لااتحرك منها ابدا في وقت وجود اصدقاءه الذين يجلسون 6 ساعات او 7 ساعات وهم يجون كثير يعني قبل مايجون لازم اامن نفسي من ناحية الاكل لي ولطفلتي المهم انا طفشت وطلبت حل غيرنا البيت وصرت اقدر اتحرك عادي بس صارو يجون يوميا .. يعني انا ودي اخذ راحتي على الاقل ابي اجازة نهاية الاسبوع مثل الدوامات ... لا تقولين صارحي زوجك لاني انبح حلقي وانا اتكلم بها الموضوع واخرتها صرت اسكت ملاحظه يوميا يجلسون 3 ساعات واذا اجتمعو كلهم 6 او 7 ساعات حتى انا قلت لزوجي يشري لهم فرش احسن وينامون مره وحده اناعارفه انكم بتقولون انها مش مشكله والله داريه بس حتى انا بغربه ومحتاجه لزوجي .. ودي اقعد معه .. على فكره زوجيمافيه احن ولا اطيب منه وهذا الي مصبرني .. اعذورني على الاطاله بس حبيت افضفض .. |
اليوم زايده جرعة القهر لانه واحدمنهم شافني
|
إنها مشكله بحق اذا لم يراعي الزوج وقته ويقوم بتوزيعه بين زوجته وأبنائه واصدقائه
فليس من المعقول انه كل يوم يستقبل إصدقائه فلزوجته عليه حق فماذا يمنع اذا جعل لأصدقائه يومين في الأسبوع والباقي لزوجته وإبنائه ,,,,, فحاولي بأقناعه بأسلوبك فقد يتقبل هذا وتقبلي شكررررررري |
الله يكون بعونك يا حبيبتي طيب اعمليله مفاجأت وليالي رومانسيه
عشان ينشغل معاكي ويقلل جلساته مع اصحابه واحكيله موقف ان صدييقه شافك وبينيله قد ايه الوضع صار خطير |
اقتباس:
مشكور اخوي بس المشكله الحين فيهم صارو يجون من غير عزيمه وزوجي يقول وش اسوي اقولهم لاتجون ؟!! |
اقتباس:
وش اسوي ؟؟؟ اكيد بيصير انفجاااااار فخليني على حالي احسن قلتله انه شافني واخذت بخاطري علييه |
مادام زوجك ماشاء الله متفاهم واجهيه ينظم زيارتهم مرة عنده ومره عندهم يعني دورية ويكون هناك ايام في الاسبوع لك والايام التي يكون معك لايردعليهم او اخرجوا برا البيت بدري حتى يتعودا على هالنظام
اعانك الله ووفقك |
اقتباس:
وانا احب اطلع بالنهار واتوتر من الخرو ج بالليل او قبل المغرب لاني منقبه ويكثرون السكارى فاخاف احد يتعرض لي وهم مايجون الا بهالوقت بعد ماينتهي دوامهم لكن فكره انه يقفل الجوال في الويك اند مشكوره خيتو ابسويها بكرا وان شاء الله يطيعني |
أختي الفاضله الهاجره ***
الله يكون بعونك ويصبر قلبك على زوجك *** وكل مشكلة لها حل بإذن الله *** هذا مهما كان زوجك *** لذا يجب عليك أن تحاولين أقناعه بأسلوب جميل عن رغباتك *** مثلاً ثلاثة أيام لكِ *** وأربعة أيام لأصدقائه *** وكوني لحوحه بطلبك لكن بهدوء ودلع *** وحاولي تستغلين ذكائك في هذا الموضوع علشان تحققين مرادك *** وتبعدين أصدقائه عنه بالتدريج *** واستغلي طفلتك في هذا الموضوع *** إذا بكت طفلتك خليها فتره بسيطه تبكي علشان يسمعونها ويحسون أنهم ثقيلين عليكم *** واقنعي زوجك أنكم سوف تخرجون غداً للتنزه *** وإذا حضروا أصدقاءه واتصلوا عليه سوف يقول لهم أنه خارج المنزل *** وكل يوم أو يومين تخرجون قبل قدومهم *** بعد ذلك سوف يتعودون على الأتصال قبل حضورهم *** وفي هذه الحال لكما حرية القرار لحضورهم أو الاعتذار لهم *** أهم شي الصبر ثم الصبر لحل هذه المشكلة *** والمفروض يجتمعون عن أحد العزاب وليس عند المتزوج *** بالتوفيق إن شاء الله 0 |
حاولي حبيبتي انكم تطلعون ...
ويصيرون هم يحاسبون انكم في البيت ولا لاء.. الشيء الثاني قولي لزوجك باسلوب ... ليش هم ما يعزمونك عندهم ... اكيد حريمهم ما يرضون ... واذا كانوا عزوبيه قولي له والله لو يتزوجون ما يدرون عنك ... وعلى فكره في جانب حلو بالمشكله وهو ان زوجك عندك بالبيت يعني تعرفين انه موو رايح بدرب غلط |
| الساعة الآن 02:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©