|
أتابع مع الطبيبة أو لأ ؟
السلام عليكم ورحمة الله وبركاته
ايش أخباركم غالياتي :o حابه أستشيركم بخصوص المتابعه مع طبيبتي أو لأ يمكن بعض البنات صاروا يعرفوني من كثر مواضيعي واستفساراتي :p معليش اتحملوني عاد :d المهم اليوم جتني الدورة على موعدها تمام وطبيبتي كانت معطتني علاج progylotun لتنظيم الدورة .. خذته من 5 يوم لدورتي الماضيه ولمدة 21 يوم .. مع العلم دورتي منتطمة .. بس لخبطت آخر مرة وتأخرت 3 أيام رحت للطبيبة بعدما عطتني هالعلاج بأسبوع لأني عانيت من دوخة شديدة ومستمرة قالتلي ارهاق لا أكثر وبنفس الوقت فحصتني بالألتراساوند عشان تشوف اذا الكيس الوظيفي اللي عندي نزل أو لسه .. وشافته لسه موجود .. وشافت بالسونار فيه افرازات عندي بالرحم وخلتني أشوفه .. قالتلي هذا دليل التهاب خفيف عندك وبعطيك علاج له عطتني نوعين حبوب واحد منهم ل 5 أيام والثاني لمدة أسبوع قالتلي واحد من الأدوية ممكن يسببلك غثيان + قيء + اسهال + مرورة بالحلق :rolleyes: بصراحة خفت وما كنت حابه أخذه بس توكلت على ربي وخذيته الله لا يرويكم .. بالفعل اسهال وغثيان ومرورة شديدة :24: بعدما انتهى العلاج اختفت الأعراض الا المرورة للحين ما راحت مع اني خلصت من أسبوعين المهم هي بآخر زيارة لي قالتلي انها بتعطيني كورس علاجي من حبوب progylotun لمدة 3 أشهر عشان تنظيم الدورة وتسهيل الحمل انا ما اقتنعت بكلامها لأنها قالتلي دورتك مو ملخبطة ورحمك ومبايضك تمام الحمدلله سألت طبيب على النت قاللي ما أنصحك بالعلاج الهرموني أبدا وانتي توك عروسه !!! :20: كلامه خلاني أتردد أروحلها هالشهر .. مع انها طلبت مني أروحلها 5 يوم الدورة :rolleyes: مع العلم انا حابه أتطمن لما ينزل الكيس الوظيفي .. بالإضافه لهالدوخة الشديدة اللي عندي للحين ما راحت .. مادري ايش أسوي أروحلها أو لأ؟؟؟ انصحوني |
السلام عليكم...
بدري على الدكتوره وخرابيط الهرمون دامك عروس طبيعي الدوره تتغير بس بالنسبه للموعد عادي تأخير اربعه ايام اوتقديم؟؟؟؟!!! مانسميه لخبطة تعتبر قريبه كثيرللمنتظمه ما أتصحك بالدواء غالبا ضررهم أكثر من نفعهم والله يرزقك الذريه الطيبه |
اختي كل الفرح
شاكرة لك ردك السريع عزيزتي أدري انها منتظمة وهي نفسها أكدتلي هالشي بس مادري ليش عطتني حبوب تنظيم أحس الدوخة اللي عندي بسبب هالحبوب بتوكل على ربي هو حسبي ونعم الوكيل |
أنصحك روحي للطبيبه علشان تتطمني على الكيس
وصارحي الطبيبه قولي الحبوب اتعبتني .. ودام كل شيء عندي سليم راح ارتاح هذا الشهر ماراح أخذ علاج وأن شاء الله تحملين وماتحتاجين لها الله يرزقك الذريه الصالحة يارب |
روحي للطبيبه و قولي لها انه طبيب على internet قا لي قاللي ما أنصحك بالعلاج الهرموني أبدا وانتي توك عروسه و شوفي رآيها
|
أقترح تروحين عند وحده ثانية
أحس هذه أعطتك أدوية كثيرة الله يعينك |
انصحك تروحي لطبيبة ثاني
لان تأخير ثلاثة أيام بالدورة او حتى تقدمها ليوم او يومين ماهي لخبطة ممكن عارض ويصير دايما المهم انه ما يتاخر عنك شهر او شهرين او يكون كل اسبوعين مثلا وانتي لسة عروس جديدة فنصيحتي غيري الدكتورة افضل لك والدوخة الي جاتك من تاثير هالادوية يمكن منتي بحاجتها واعتك الدكتورة بدون ضرورة الله يكتبلك الصالح يااااااااااااااااااااااااااااااااااااااااااااااااا ااااااارب وعلى فكرة انتي بأي منطة ...؟ممكن افيدك تروحي لمين ؟ |
شاكره لكم ردودكم حبيباتي ما تقصرون
^_^ تكلمت مع زوجي وحاولنا نناقش هالموضوع واتفقنا نخلي اتكالنا على الله وبس وما نروح لأي أطباء هالشهر خصوصا ان الطبيبة أكدتلي ان كل شي عندي الحمدلله تمام .. ف ليش القلق والتوتر هذا .. ماله داعي لأني تعبت كل شهر لازم أروحلها ويطلع الكيس مكانه والحمدلله هو صغير 2 سم تابعته 3 شهور وما تغير حجمه وعسى ينزل هالشهر مع الدورة بالإضافه أحس بتوتر لما تعطيني اي علاج وانه موضوع الحمل شاغلني .. اما لما يمر الشهر بدون علاجات احس اني طبيعيه وما أفكر بالموضوع أبدا اتفقنا انا وزوجي نلتزم بأكل العسل والمقويات الطبيعيه .. مع الدعاء والإستغفار والصدقه بنية الحمل والشفاء من الكيس وبهالفترة زوجي يقرأ علي عشان الكيس لأني بفترة دورة .. بعدين بقرأ بروحي وبالنسبة للإلتهاب الخفيف اللي عندي أتوقع للحين عندي موجود .. لأني قبل الدورة كنت أحس بألم أثناء اللقاء نويت أسوي دوش مهبلي عبارة عن ماي وملح (بعد الدورة) .. ورح ألتزم بالمسك .. ودعواتكم يا بنات الله لا يحرمنا من بعض ويخلي قلوبنا على بعض دوم |
اقتباس:
شوفي يا ستي الدش المهبلي انتبهي تدخليه جوى.. حاولي تخلي اعصابك بارده وتابعي التبويض اذا حابه الحمل .. |
أشكرك كرستاله
^_^ |
| الساعة الآن 09:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©