المواصلات في ماليزيا
 

السلام عليكم ورحمة الله وبركاته ...
بست ريقاردس للجميع.
بحمدالله انا مستعد للسفر لماليزيا وتم حجز الفنادق والتذاكر والدفع مقدما من مكتب عطلات بالسعوديه.
المهم اني طفران ولاادري ومااملك سوى ثلاثة عشر الف ريال هل ستكفي مصاريف هناك لمدة 21يوم.والموضوع الثاني من اهل الخبره في ماليزيا كيف تتم طريقة التنقل حسب رحلتي علما ان الوصول الى كوالالمبور ودايركت من المطار على سلنقوره 3ايام وبعدها بيننغ 5ايام ثم لنكاوي3ايام ثم الباقي على كوالالمبور وكم تعتقدون تكلفة المواصلات اجيبوني جزاكم الله خيرا.

بإذن الله تكفي لكن حاول تمسك يدك شوي ..
وبصراحة الموزينات أكثر شئ صرفنا فيها ..
فحاول انك تستخدم المواصلات العامة أوفرلك ..القطارات , والباصات ..
بالنسبة للتنقل ..
من كوالالمبور إلى سلانجور لموزين من المطار ..ويمكن تكلفك حدود 60 رينقت ..
من سلانجور إلى بيننج ..ممكن سيارة وصراحة ما عندي خلفية عن اسعارها لأني ما رحت سلانجور ..
أو طائرة من مطار كوالا لمبور الاقتصادي والسعر على حسب اذا حجزت من بدري تلقى الاسعار مخفضة ..
من بيننغ إلى لنكاوي ..ممكن طيران الفاير فلاي ..طيران المراوح ..او الفيري ’’الباخرة ’’و هي الارخص ولو انها متعبة ..
واسعار الطيران حسب الموسم ..طبعا لو حجزت من بدري تلقى الاسعار أقل ..
فنصيحة ..أدخل على موقع طيران أسيا واحجز لك الرحلة إلى بيننغ ..
واحجز من موقع الفيري (الباخرة ) من بدري ..
اما الليموزينات متوسط الصرف في اليوم الواحد 250 ريال / إلى 350 ريال ..
وممكن تدور على السعر إللي يناسبك ..

أهم شئ ..أهم شئ .. أهم شئ .
حافظ على الاذكار والتحصين ..وابتعد عن الاماكن المزدحمة قد ما تقدر ..والله ييسر لكم سفركم ..
ويجنبكم الامراض ..

هذه خريطة خط سير القطارات اطبعها بتفيدك بإذن الله ..

http://www.picamatic.com/show/2009/0...1_bigthumb.jpg

اضغط على الصورة حتى تشوفها بحجمها الطبيعي

قصدك 13الف للمصاريف لك انت وزوجتك داخل ماليزيا تكفي وزيادهـ

لاتروح مع ليموزين تراهم استغلاليين مشاويرهم 200 ريال روح مع باصات تندمنا انا ماركبناهـ

بالعكس الفيري روووووووعه يوسع الصدر تغيير

اهم شئ خذ معك حلويات ...نواشف ....لانك راح تتبهذل بالاكل ....

وفقكم الله ......

معليش اخوي اذا تقدر تغير نظام سفرتك يكون احلى سيلنقور مره شينه مافيها الا مدينه العاب صن واي لاغون وراح تندم اذا مازرتها بس تقدر تروح لها من كولا لمبور لانو المسافه بين كولالمبور وسيلانقور نفس المسافه بين بريده وعنيزه هههههههههههه ولازم تزور مدينه كاميرون هاي لاند لانو هذي نفس جيزان عندنا يعني فوق جبال بس هناك فيه مزارع الفراوله وطعم الفراوله حقتهم مره لذيذ ولازم تذوق الميلك شيك بالفراوله اللي في الكميرون لانو طعمها بالراس الفراوله اللي يحطونها تكون طبيعيه مو مثلجه وفيه مزارع الشاي والجو بارد شوي وفيه في بيننق رحله بحريه ب300 رينقت بس بصراحه مره حلوه وفيه حديقة الفراشات وبقولك شيء في ماليزيا راح تقلب من مواطن سعودي الى دجاج كنتاكي لانو مافيه شيء ينهضم غيروه اما بالنسبه للفطور الصباحي ماراح تاكل منه الا اناناس و الله يسعدكم وموفقين بقولك شيء 21 يوم مرررره كثير صدقني بتطفشون حدها 10 او 12 يوم 3بالنكاوي 2 بيننق 2كاميرون 3 كولا لمبور ويوم في سلانقور وتذكر كلامي اذا طفشت

gawlp
كنافه كذابه
عناق
يعطيكم الف عافيه بصراااااااااااحه استفدت من معلوماتك وبصرااااااااااحه اخوي عناق تحمست للكميرون (الفراوله) بس شغله بسيطه انا خلاص اكدت حجوزاتي بس خوفتني من سلينقور طيب مافيه مكان نستفيد من بقائنا الثلاثه ايام هناك غير كوالا اي شيء قريب من سلينقور.
تحياتي لكم... اتمنى مااكون عذبتكم.