|
عدد ساعات نوم الطفل ؟
السلام عليكم و رحمة الله و بركاته
في عمر 7 شهور كم مفروض عدد ساعات نوم الطفل الي بعرفو 12 ساعة لكن طفلي الله يخليه كان ينام تقريبا 11 ساعة او 12 لكن الو فترة نشيط ماشاءالله مفكر حالو رايح دوام المدرسة بيصحا 5ونص !!! واحيانا الساعة 6 :29: يعني بكون نام بالكتير 9 ساعات او 10 طبيعي ولا شو؟؟؟ وكيف نوم اطفالكم من حيث عدد الساعات بفكر اشرب ابني ينسون قبل النوم عشان يهدا وينام اطول عادي ولا في مشكلة هل معدلات النوم تختلف حسب طبيعة كل طفل عن الاخر انا شو يصحيني الساعة 6 يمكن بستنا باص المدرسة وانا مش عارفة:30: لما اقول لماما بتقلي عايزاه ينام بدري ويصحا الظهر يعني؟ انا بنيمو الساعة 9 تقريبا بس بتوقع مفروض يصحا 8 او 9 مش 6 :29: ؟ |
نسيت اقول انو حتى غفواته خلال النهار قصيرة جدا
حتى مرة نام والشغالة موجودة وصحي بسرعة استغربت هية كتير بتقول خلص ؟صحي؟ يعني يادوب نص ساعة للغفوة الواحدة غفواته 2 خلال النهار مرات بيكسر القاعدة وبنام ساعة بس المشكلة قبل كان نومو اطول وحتى غفواته اطول ساعة ونص يمكن مابعرف ليش تغير هيك طبيعي ولا في مشكلة؟ علما بكون نايم مرتاح ومافي شي مزعجو والبيت مناسب وكل اشي كويس ماشاءالله |
أهلاً ملك
أنا نوم ولدي قليل جداً جداً في الليل لاينام ساعه على بعض غفوات فقط في النهار إذا كان على رجلي يمكن ينام وقت طويل بس طبعاً صعبه أنا أتعب ممكن أتركه ربع ساعه الى نصف ساعه وينام لكن مجرد مااشيله من رجلي وا وا وا لكن عرفت بعدين السبب اذا كان على رجلي وتحرك على طول اهز فيه ويرجع ينام ... حتى لاحظت أنه في السياره لما أكون مسافره ينام نصف ساعه متواصله وعرفت أنه الباشا يبغى أحد يهز فيه علشان يستغرق بالنوم اذا كان عندي شغل ونام أطير من الفرح ونعلن الطوارئ ونتكلم فقط بالشفايف او الاشارات أنا وأخوه ونمشي على أطراف الاصابع وهدوء لان الملك غفى .. ويافرحه ماتمت عشر دقائق وا وا وا |
يمكن ابنك بدات عنده الاسنان عشان كذا بتنغص نومه
او انه بدا ينفتح عالعالم الخارجي وصار بدو يلعب اكثر ومخه صاير شغال |
ملك لاتخافي ماشاالله عليه ابنك نومه ممتاز
شوفي انا عندي ماشاالله 5والخمسه كلهم مااحد فيهم مر بهاالعمرالا ويصحى الساعه 6 الااذاكانوا تاخروا في النوم لبعد الساعه 2 بالليل ممكن يتاخروا للساعه 7-8 بس اناعندي غفوات اليوم اكتر من ابنك |
ههههه الله يخليه لك يا رب
الولد بيعودك على الصحي بكير يا أم فهد الله يعينك انا اكره ما علي القومة بكير .. اتوقع لأنه كبر شوي وصار يحب ينشغل بأمور الدنيا اللي اعرفه انه طبيعي نومه ما إلك إلا انك تأخري نومته بالليل ساعة الى ساعة ونصف |
أتوقع عادي إذا ما بيشتكي من شيء
لأن بنتي أيام ما كنت في النفاس تجلس 3 أو 4 ساعات متواصلة صاحية والمفروض انه الطفل أول ما ينولد ينام بس يصحى يرضع ولا عشان التغيير وبعدها ينام أو عالأقل يجلس ساعة حتى أخذتها للمستشفى قال لي الطبيب دام انه مو مأثر على صحتها ولا فيها مرض يعني قلة النوم من وعكه صحية يعني هذا طبعها وفي أطفال نومهم أقل من النوم المفترض للأطفال الله يخلي لك اياه ويحفظه وشكله على ما قلتِ بيعودك على المدرسة وصحية الصبح |
اهلا بنات وشكرا الكو
حرم المعلم شكرا الك شكلك معودة ابنك عالهز صح؟الله يعينك انا اول منولد فهود مابعرف شو كان يجي عبالو يوصحا الساعة 4ونص الفجر ويضل صاحيلو ساعتين وانا ميتة تعب من الولادة ومش طايقة حالي والمشكلة مابدو اشي يضل ساكت طول منا بوشو وازا فكرت اتمدد يملى البيت بكا مع انو صغير ومابعرف شو فهمو مين انا ههه مفروض لسة مابشووف منيح ولا بميز بهالعمر نصيحتي صدقيني ازا ابنك فوق الاربعين عمرو واتوقع انو اكبر من هيك ماشاءالله اتركيه بالليل لما يصحا اتركيه والله حيتعود ويصير ينام من تجربة الولد لما يبكي بدون سبب دلع او مش عاجبو ينام اتركوه يا جماعة بيتعود قوو قلبكو عااااااادي مابصيرلو اشي مرة عمرة بتعود طيب القلب فعلا معك حق ابني انفتح عالعالم ماشاءالله بدو يصحا عشان يزحف ويلف البيت والحمامات و تحت الطاولات وكل مكان ماشاءالله بس المشكلة بصحا الساعة 6 وبعد شوي يعني عال8 ممكن يرجع ينام ساعتين او ساعة ونص طيب خليهم متواصلين يا ابني:( بهمش في ميزان حسناتنا اموت في اولادي شكرا الك هوة الغفوات حسب المزاج يعني شوفي اليوم مثلا اخد 3 غفوات هيو نايم ماشاءالله بس غالبا مش اكتر من 3 ومابطول فيهم مش مشكلة النهار المهم عندي ينام كويس بالليل ومايفقعلي مرارتي بكر الشايب شكرا الك والله ضحكتيني صار ينشغل بامور الدنيا ههههه حسستيني انو وراه شغل ومسؤوليات وحالة :) زي مقلت للاخت فوق صاير يزحف ماشاءالله ومابحب يتقيد بمكان ابدا اليوم دخلت اتحمم واضطريت اسكر عليه الصالون لانو ماحقدر اراقبو هوة حس انو الصالون تسكر وانو محبوس انفجر عياط مع انو ممكن اصلا يقعد يلعب في الصالون ساعة بس خلص حس اني سكرت عليه وتركت فتحة صغيرة قعد جمبها يبكي وحالتو بالمرة ولما طلعت لاقيت نايم جمب الباب على امل يطلع هههههه شكرا الك كولورز شكرا الك وحال ابني زي بنتك كان ابني ماكان ينام هلأد اول منولد يعني صح كان ينام كتير بس كان برضو يصحا يرضع ويضل صاحي يتفرج اولها كان يكون ساكت طبعا لانو الاطفال اول ايامهم ساكتين بكونو تعبانين من الولادة ومذهولين من العالم الخارجي بس بعد كم يوم وااااع وااااااااع وبدا المغص معاه ياحرام كنا نقعد بالايام مش عارفين شو نعملو وكنا نطلع نص الليل نجري عالدكتور لان كان يبكي غير طبيعي بالاخر اول منطلع من باب الشقة وندخل السيارة ينام ويسكت ونروح الدكتور ونشرحلو الوضع وهوة شايف الولد نايم عالاخر هههه فضيحة زي مقلتي كل طفل نومو غير عن الاخر شكرا الك وحنتعود عدوام المدرسة |
السلام عليكم
الله يخليلك فهود اختي ملك ما شاء الله عليه الله يحفظه صار عمره 7 شهور اتدكر عندما كنتي حامل كنت كثيييير خايفةمن الولادة و الحمد لله ابنك الان كبير ما شاء الله عليه بالنسبة لنوم الطفل اعرف ان الطفل كلما يكبر كل ما يقل نومه و قولي الحمد له ان ابنك بينام بدري و بيصحا الساعة 6 انا بتي الان عمرها 4 شهور و نص بتنام الساعة ستة تخيلي اقعد طول الليل معاها لغاية ماتنام عمرها ما نامت في الليل نفسي اخليها تنام في الليل زي كل الناس لاكن لا اعرف كيف؟؟؟ الله يخليلك فهد و يجعله من الذرية الصالحة |
| الساعة الآن 07:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©