|
محبة للعمل ولم أجد وظيفه بعد
الحمد لله ... على كل حال ..
اكتب هنا بينكم لاني احس بالاحباط والقهر ... بطبعي نشيطه ... ومحبه للعمل ... واحب المجتمع ... وتطوير علاقاتي مع الناس .. احس اني لم اخلق بعد لاجلس بالبيت ... او لاربي اولادي فقط .. لا ادري احس اني اموت بالبطئ ... ويأثر هذا على شخصيتي ... وعلاقتي مع اهلي وزوجي واولادي .. تخرجت من الكليه من 4 سنوات .. درست سنه ثم جلست 3 سنوات ... لا يوجد عمل لي سوى الطبخ والنفخ .. موت بالبطئ .. بحثت عن وظيفه كمدرسه في اهليه ... ولكن يبدوا لي اني لم اوفق بعد .. ادعوا لي بالوظيفه الحكوميه .. وراحه البال وحسبي الله ونعم الوكيل .. حسبي الله ونعم الوكيل ... حسبي الله ونعم الوكيل ادعوا لي الله يقر اعيننا و اعينكم بذريتكم وازواجنا ... ويريح بالنا الاشراف/تم تعديل العنوان ليتناسب مع تعليمات المنتدى.. |
الله يفتحها بوجك وتلاقي عمل قريب
تربية الاولاد متعه حبيبتي لها لذه وطعم خاص اصغري مثل اولادك انزلي الارض معهم اضحكي معهم ابكي معهم وقت يلاقوكي تبكي معهم وبصوت اعلى منهم رح يسكتو فورا ويستغربو اذا رمى ولدك نفسه على الارض وهو زعلان اعملي مثله رح يفرح وينسى ليه هو اصلا زعل |
الله يفرجها عليك ..
أختي ناظري الجانب الحلو في حياتك .. يعني ما شااء الله عليك ,, في بيت خاص لك .. الله لا يغير عليك .. ومتزوجه , وربي رزقك أبنااء ,, ما شاء الله .. الله يديمها عليك من نعم .. أختي لا تنظرين لأمر العمل , انه واجب تشتغلين برى البيت , وان كونك ربه منزل أي طبخ و(نفخ) فقط .. لا تنظرين لأمر عدم حصولك عالوظيفه انها بالامر السيء بالعكس .. لكل شي حكمه .. عزيزتي انتي معك مسؤوليه كبيره ,, مسؤولبه الابناء ,,ربي بيحاسبك عليها يوم القيامه,, وظفي طاقاتك وسيري طموحاتك للوضع اللي بيريحهم وبيريح كل من حولك وبيريحك انتي بعد .. وظفيها برعايتهم والبحث عن طرق تربيتهم الصحيحه. وظفيها بـ ببيتك , مو مقتصر بمسأله الاكل .. رتبيه بالشكل اللي يرضيك ,, اذا طبعك اجتماعي ,, خصصي لك يوم كل فترة اجتمعي فيه مع صحبااتك .. جمعاات الاهل كلها بترضي شخصيتك .. بس الاهم يكون لأطفاالك مكان بين بعض هالجمعات .. اذا المسأله ماديه ,, فـ تأكدي ان ربي الرازق واذا لك نصيب بالوظيفه ربي بييسر لك امرها ,, اكثري من الاستغفاار وتوكلي على الله . رتبي امورك علشان تترتب افكارك .. وابدي بتحديد اولويااتك .. الله يفرجها عليك |
ياحبيبتي اشتغلي ع نفسك خذي دورات من معاهد
تربيتك لأولادك نعمه وعباده اجتهدي فيها مارسي هواياتك الي تحبيه حاولي تنميها اكثير الله يرزقك ويرزق كل البنات بوظيفه ويرزقني بوظيفه |
احبتي ... Green ,,, هدوء مشاعر ,,,, اللهم رحمتك ..يكفيني بحق انكم لم تهمشوا مشاعري ورددتم على موضوعي ... ولكن لا اخفيكم ... اني قد استمتع احيانا بتربيه ابنائي ... واعلم انها عباده وانا حريصه على تعليمهم المفيد ... ولكن اريد ان اسأل .... لماذا ... ولماذا ... اموت وانا حيه ... اريد ان اعمل ... اريد ان اعيش مع المجتمع ... الجمعات العائله اكيد فيها حش وسوالف تضيق الصدر ... وبالنسبه للدورات ... مالفائده من اخذها ... وبالاخر احطها بالدرج .. انا لا اريد ان اضيع مالي ... انا اريد ان استثمر عقلي ... وعلمي ... حسبي الله ونعم الوكيل .....حسبي الله ونعم الوكيل |
اختي اذا انتي بالرياض
الحين المدارس طالبيت طثير اداريات ومدرسات واذا ما اتوفقتي في مدرسه بتتوفقي في مدرسه ثانيه باذن الله وفيه كمان الجامعات محتاجين مراقبات بس فتره الامتحانات .............. واذا عندك شهاده كمبيوتر قدمي على معاهد درسي فيها انا درست في معهد icdl وشفت بنات درسوها معايا واول ما خلصوا على طول صاروا مدرسات فيها ولو ما عندك الشهاده ترى ما تاخذ منك غير 3 شهور ويمكن اقل الله يوفقك ويفرج همك يارب الاشراف / تمنع الدعاية لأي منتدى أو محل تجاري أو طبي أو الترويج لأفراد بالاسم ونحو ذلك,, بالتوفيق |
اقتباس:
حبيبتي الدورات بتفيدك كثير وبتزيد فرصتك بالعمل اكثر مايسئلونك عندك دوره عندك خبره خذي دورات تخدم مجال عملك وتقدمي ع اي وظيفه تناسبك توكلي على الله فهو حسبك |
الله يفرج همكم بهالجمعه المباركه ...
وعلى فكره انا قدمت على مدارس اهليه ... بس خايفه على اولادي وين اخلي اولادي عشان بالكثير 3000 الاف ... ليه ... ما اقول الا حسبي الله ونعم الوكيل ... والله يبارك لنا ولكم فيما عطانا وحسبي الله ونعم الوكيل |
اهلين اختي
الله يوفقك ويرزقك ويسعدك يارب ويسهل امرك يارب ويرزقك ماتتمنين ياررررررررررب تفرج همك وتيسرامرك جربي اذا عندك موهبة في اي شيء تستغلينهاا ويصير لك دخل شهري الله يسعدك الحين مايمشيء الاشغل خاص ربي يوفقك |
اقول ...
قولوا امين عسى ربي يفرج لي ولكم ... شكل احد منكم دعى لي بحزه اجابه ... والحمد لله ربي رزقني بشيء من اللي كنت اطمح له ... الله يجزاكم خير |
| الساعة الآن 10:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©