|
زوجي وطلعاته الكثيره
السلام عليكم ورحمة الله وبركاته ..
سووف اطرح لكم مشكلتي واتمنى من الجميع مسااعدتي .. مشكلتي مع زوجي انا ساكنه بنفس المنطقه الي فيها اهلي طبعا هو الي سكني عشان اهلي انا ما شرطت عليه واهله بمنطقه ثااانيه المهم كل اربعاء يروح لاهله ويرجع الجمعه متأخر هذا من غير يوم الثلاثاء يروح لاصحااابه من بعد صلاة المغرب لحد الساعه 1 صباحا .. يعني اشوفه السبت والاحد والاثنين طبعااااااا في الثلاث الاياام هاذي من بعد صلاة العصر ما اشوووفه لحد المغرب وبعد العشاء احيانا مو داايم يطلع يتعشى مع اصحاابه .. وبصرراحه مقصر معاااااي لا يطلع بي اتمشى اشم هواء وداااااااااااااااايم عند اهلي يخليني والسبب الي خلاه ما يسكني بمنطقة اهله هو خووفه علي لانو كثثير الطلعااااات .. وانا بصرراحه متضااااااايقه ما احس اني متزوجه مع العلم ان لي سنه متزوجه يعني لسى عرووس واطبااعه هاذي من تزوجته وهو كذا لدرجة اني سمعت كلام من اهله يقولون ما حب زوجته داايم يجينا وهو ما يدري ان اهله يتكلمون فييه وهو على نياااته يروح يسلم عليهم .. والله مره اخته كلمتني وانا لسى متزوجه لي اربعه شهوور تقول ليش اخووي يجينا داااايم ليش ما يجلس عندك حتى اهلي يقولونه طبعا انا سكت وما حكيت له اي شي لاني عارفه انو مو مصدقني وما احب اجرحه بشي .. وانا ودي يروح لاهله اسبوع ورى اسبوووع مو كل اسبووع او اقل شي يأخذني معااه اوسع صدري؟؟ سؤاالي : ما رايكم بتصرف زوجي ؟؟ وما نصيحتكم لي جزااااكم الله خييير ... |
لما تطلبين تروحين معاه يمانع ؟
اصري على طلبك وعوديه تروحي معه عند أهله على الاقل مرتين في الشهر زوجك يحسب نفسه لسه عزوبي الظاهر اصدقائه معظهم عزابيه فاضيين علشان كذا يجلس معهم ويهملك الله يهديه بس باذن الله يتغير بكره لما يصير في اطفال ومسؤوليات بس انتي طولي بالك عليه اجعلي بيئة المنزل مغرية للجلوس.. سوي يوم افلام .. يوم عشا رومانسي .. فاجئيه بأشياء يحبها حتى لو كانت مباريات وفشار علشان يصير يحب يجلس عندك ببيته. انا زوجي ما اشوفه ألا ثلاث أيام بالاسبوع واحيانا تروح اسبوعين ما اشوفه من غير شر وحاسة فيك لكن على الاقل انا لما يجيني زوجي يجلس معي ثلاث ايام كاملة ما يطلع مكان .. يعني على الاقل يعوضني عن باقي الوقت اللي اجلس فيه بلحالي. حاولي معه باللين حبيبة قلبي وربي يرزقك السعادة |
روحي معاه يا بعد عمري اسبوع ورى اسبوع ...
هذا الحل بدون وجع راس |
انتي اطلبي انك تروحي معاه وشوفي ايش يقول
لك ما اظن بيمنعك ويتعود على هالشي ربي يوفقك |
خلي رجلك على رجله وين ماراح هذي وصية الامهات
|
لا يضيق صدرك هذا الرجل
|
لازم يتعود انك زوجتو
وقت تكلمي اختو خليها تطلب منه انو يجيبك معو وقت ذهابه لزيارتهم ومره على مره يتعود |
مشكووورين على تجااوبكم معااي ..
حبيت اعلق على االاراء : بكر الشايب : زوجي اذا قلت بروح معاااك يمااانع يقول هما اهلي مو اهلك .. والمشكله جمييييييع اصحاابه عزابيه وهذا الي مضايقني .. وسوويت كل شي له عزمته على حفله رومانسيه وعجبته وما انكر انو عزمني عنهاا .. وكل يووم افاجأه بمفاجأت وهو يفرح لكن الطلعاااات ما يستغني عنهاا ورد وذبل : قلت له بروح معااك اسبوع ورى اسبووع ورفض يقول هما اهلي مو اهلك ويقول انتي بتشوفيهم لما يزوروا منطقتكم .. مظلوم الحب : طلبت منه اروح معاه ورفض ونفس الكلام الي قلته لاختي ورد وذبل .. والمشكله لما ارووح معااه مارتااح عندهم بس عاادي اتحمل عشان زوجي يشووف اهله المفروض يخلو لي غرفه ودورة مياه الله يكرمكم معزولين لي عشان آخذ راحتي .. احساسي المرهف : وصيتك حلوه بس ما ودي يقول عني لزقه ويتضاايق مني ودي يوديني بطيبة نفس مو عصبيه وزعل .. عالم الصداقه : صدقتي والله .. Green222: قالت له اخته ليش ما تجيبها معااك ولكن لاحياة لمن تنااادي .. والي قاااهرني لما اهله يجون لمنطقتنا يكوون دااااااااااااايم عندهم يصحى بدري ويروح يفطر معااهم ويأكل عندهم ولا يأكل معي بالعربي الفصيح زوجي متعلق بأهله .. |
| الساعة الآن 05:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©