|
مشكلتي مع ام زوجي....تكفون ادخلو عطوني الحل
بسم الله الرحمن الرحيم
طبعا قريتو العنوان انا مشكلتي مع ام زوجي زوجي يصير وحيدها وبصراحة مدلعته على الاخر لدرجة انه يصير اتكالي بشكل يغيظني انا ابيه خلاص يستوعب انه صار عنده مسؤلية زوجة وبنت بس هي قاعدة تحطم كل شي اسويه تخيلو اليوم كان زوجي موجود في البيت وكانت تبغى تروح تجيب اغراض عشان الغدا والجو عندنا بالسعودية زي مانتو عارفين بوقت الظهر حار مررررررة رحت انا قلت لزوجي ان في اغراض ناقصة عشان يروح يجيبها حرام تروح هي مشي في هالحر تخيلو قالتلو لا انا اروح اجيب اقعد:29: طبعا زوجي مارضى لان عارف الجو كيف بس هي قهرتني ا نا ابغى اعود زوجي على شي وهي تخرب علي دائما تسوي فيني كذا غير طبعا اني بديت احس انها تغار مني طبعا هي ماتقول بس انا احس من تصرفاتها لاتقولون وحيدها وبعذرها معليش تحملت مافيه الكفاية وصايرة تتدخل باشياء كثيرة احنا ساكنين ببيت دورين الدور اللي تحت لاهله امه وابوه واخته والدور اللي فوق لي انا وزوجي وطبعا بيت مستقل بكل شي عندي مطبخي وحمامي والغرف كثيرة فوق <<<طبعا ذكرت هذي المعلومة عشان في شي بقوله بس اول شي برجع لتدخلها باشياء تخصنا تخيلو اذا جينا نطلع مكان لازم تعرف وين بنروح ... اذا جبنا اغراض لازم تعرف ايش جبنا اذا بروح الدكتورة لازم تعرف ليه لدرجة صرت اذا شرينا اغراض اول ماارجع البيت صرت احطهم عند الدرج قبل ماادخل عندهم وبعدين ادخل صارت احيانا لما تسمع صوت السيارة وتعرف اننا جينا تطلع للحوش تشوفنا وانا هنا اطرطع مرررررررة انقهر:16: غير كذا هي اللي تطبخ بالبيت وناكل كلنا سوى انا نفسي اطبخ لزوجي بس اذا طبخت تطلع بالاكل عشرين الف علة مع انه مايكون فيه شي وزوجي يقولي انه زين والله تقهرني واحيانا تسألني ايش نسوي اكل اليوم ولما اقولها على طبخة تقول ماياكلها تقصد زوجي مع انه ياكلها وكل مارحنا عند اهلي امي تسوي اشياااء كثيرة ياكلها وامه تقول انه ماياكلها بس اكتشف انها ماتعرف تسويها اقولها انا اسويها بس تصر على رأيها انه ماياكلها وانا ذكرت ان عندي بيتي المستقل وعندي مطبخ نفسي ان خلاص اصير اطبخ لحالي كيفهم ياكلون لحالهم واحنا لحالنا بس زوجي مارضي وانا مارح استسلم تخيلو قاللي تبين تطبخين فوق كلي لحالك:( احيانا اسوي عشا خفيف فوق لااازم تعرف ايش سويت بس طبعا صرت اطنشها او اكذب عليها اقولها حطيت نواشف صارت تتدخل حتى ببنتي باكلها بشربها بنومها ياناااااااس تعبت والله اليوم اني قعدت بعد الصلاه اصيح وادعي ربي وفي شي نسيت اقوله اهل زوجي (امه واخته) يدخنون وانا مررررة متضايقه من هالشي زوجي الحمد لله مايدخن وهذا اول شي سألت عنه لما خطبني ولما اتزوج اكتشف ان اهله يدخنوا زوجي طبعا مو راضي عن الشي هذا بس مايقدر يسوي شي حاول معهم بس ماقدر وانا مضايقني هالشي تخيلو بعد مااضبط نفسي واتعطر قبل مايجي زوجي من الدوام القى ريحتي صارت دخان حتى لاجيت اروح عند الناس او للجامعه نفس الشي وبنتي توها صغيرة وصدرها دايم فيه بلغم وتعبانه منهم بس ايش اسوي والله تعبت ومااقدر اكلمه بهالشي لانه يتحسس منه لانه مو راضي عنه وزوجي عنده امه فوق كل شي بس انا ماعاد استحمل تعبت اذا مالقيت حل بنفجر بوجهها يوم من الايام وانا ماابغى هالشي يصير لاني احب زوجي وبنفس الوقت ماابغى اخسره عشان اهله |
الله يكون بعونك بس فكرت يدخنون غريبه شو في بالاول اطبخي لحالك وشوي شوي راح ياكل معك
و مهما كان كل وحده وده بالخصوصيه انا اقول الشي يجي بتدريج واخر شي سكري الباب الي بينكم يا اختي اجل ليش الوحده تتزوج عشان تستقر مهما كان لو انه اختي لازم الخصوصيه وزوجك رجال ما يفهم بامور الحريم |
متسلطة صراحة
|
الحمد لله ان زوجك يحبك ومستعد يسمع كلامك ويتغير
والحمد لله أن بار بوالديه وأكيد مايبغى يأكل لوحده لأنه وحيدهم وبره به دليل على حسن أخلاقه والحمد لله أن العشاء على كيفكم في بيتكم وغيرك حتى العشاء والفطور لااااازم مع أهله وهذه فرصة لك العشاء اطبخي وبدعي وزيني السفرة بالشموع مثل ماتحبي وكانه غداكم ونزلي لأهل زوجك منه ولاتسأليهم عن رأيهم لاحطوا عشاهم نزلي لهم من عشاكم واستمتعي مع زوجك وإذا سألتك اش اشتريتي عادي خبريها مابينقص منكم شيء والحمد لله انها ماتقول لكم ليش اشتريتوا وليش ماجبتوا لي ولا تقول ليش خرجتوا وليش ماأخذتوني معاكم وبالنسبة للدخان تعذري ببنتك وقولي لزوجك بنتي تعبانة وصدرها مكتوم وإذا بدأوا في التدخين اعتذري منهم وقولي لهم بطلع بيتي لأن بنتي تتعب من الدخان وبكذا بينحرجوا من نفسهم ومابيدخنوا في حضورك وحطي لهم كتيبات خفيفة على الطاولة عن التدخين وأحكامه يمكن ربي يهديهم على يديك الحمد لله يأاختي حياتك بخير مع زوجك كريم الأخلاق فلا تضغطي عليه من اجل أهله هذه أمه ومهما كان فيها من سوء فهي امه وبابه للجنة وصدقيني مفتاح زوجك إهتمامك بأمه فاكسبيه ولاتنسي ان الدنيا مو دائمة لأحد اليوم أنت معهم وهي معك بكرة ماتدرين مين يطويه التراب فاعملي الخير وبتلاقيه في أولادك وزوجات أولادك مستقبلاً بإذن الله |
يؤيؤيؤ الله يهديها ياارب انصحيها عن الدخاان واعطيهاا نشراات بعديين بنتك مسكينه مااتتحمل صدرهاا بيني لخاالتك ان صدرهاا تعباان من الدخاان وقوولي ان الدكتوور يقوول ضروري تبتعد النااس المدخنه الله يهديها ويعينك ياارب
|
اختي ام جمانه
مو دايم العشا اسويه فوق احيانا واحيانا ان بغيت اسوي فوق يقولي لا بنتعشى تحت صراحة ماصارت وبالنسبه للتدخين دايم نقولهم ان الدكتور يقول بعدوها عن التدخين يومين ويرجعون على عادتهم يعني مافي فايدة وكثير زوجي يقولهم وياما جبت اوراق وارسل لاخته ايميلات عن التدخين بس لاحياة لمن تنادي |
اقتباس:
وبالنسبة لتسكير البااب صعبة لان اصلا هو كان خاطب وحدة تقربله قبلي وقالتلهم تبي تسكر الباب فتركها تخيلي اجي انا الحين اقوله بسكر الباب>>>>تخيلي اللي كان خاطبها تقرببلها وتبي تسكر الباب فما بالك انا ايش حالتي:29: |
الله يعينك حبيبتي
انا كانت حماتي تقولي ما تطبخي سنتين رح اضيفكم عندي بعد 3 اسابيع من زواجي صارت تغار ليش انا قاعدة وبنتها تطبخ طيب انتي اللي قلتي صارت تقولي حبيبتي خدي هي جاج واطبخي انتي لحالك واتغدو لحالكم صرنا نجتمع معها ع العشا بعدين بعد الحمل والتعب وهيك ظروف وشوية مشاكل وسفر .. فرطت القصة لحالها.. يعني هي رح تزهق وتقولكم حلووووووووو عني بقى |
اقتباس:
حبيبتي بس انا صارلي سنتين متزوجة ودخلت بالثالثة يعني لو كانت حتمل كان ملت بس شكلي بصير اخليه يتغدى تحت بكيفه انا من يوم ورايح مارح اكل تحت وبشوف ايش رح يسوي :18: |
يااختي خليك عاقلة الله يهديك ولا تطلبي منه هذا الطلب
شوفيه رفض قريبته علشان اهله وهذا من حقه وهو بصراحة إنسان عاقل يخاف الله يااختي هو وحيد أمه ومالها غيره يعني إذا هو وعياله ماملو حياتها وشبعت بهم في حياتها مين بيملي عليها حياتها والكل فيهم محترمك ومسوي لك مقام لاأحد يغلط عليك ولايسب ولايهينك ولاشيء فليش تدوري للمشاكل بنفسك تعوذي بالله من الشيطان واهتمي بزوجك وبيتك واهتمي بأمه وفرحيها ترى بتلاقي عاقبته في عيالك وبروا آبائكم تبركم آبنائكم اسمعيني امدحي ام زوجك وامدحي طبخها حتى لو طبختي قولي لها طبخي مايطلع حلو مثل طبخك وبكذا تكسبيها في صفك أعيد وأكرر تعوذي بالله من الشيطان ولاتطلعي مشكلة من لاشيء ولاتقاطعيهم ترى انت الخسرانة وبعدها بتصيري مطلقة وتكوني جنيتي على نفسك بنفسك وخسرتي انسان كل مشكلته انه يبغى يبر أمه ولاتنسي الأم وحدة ماتتغير أما الزوجة بدالها عشر. |
| الساعة الآن 11:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©