|
اختي وخطيبها الملتزم
السلام عليكم اول مره ادخل القسم دا ارجوكم ساعدوني
اختي مخطوبه على ولد عمتي بس المشكله انو هوه شويه ملتزم واختي ماهي مقتعه بافكاره تبغى تحس انها زي باقي البنات قصدي في المكالمات لمن يكلمها كلامه اكتره ديني وطبعا البنات ما يبغو مواضيع طول الوقت زي كده ومرات احسها خايفه ترتبط فيه المشكله انو امي مشغوله الفتره دي مع ستي مريضه دعوواتكم لها بالشفاء وانا ماني في السعوديه ابغى نتصحوني ايش اسوي والله مو هاين عليه اشوفها مضايقه ابغاها تحس وتستمتع بالفتره دي مشكله اخرى انو هوه يبغاها تدق وتسال عنو مو بس هوه وهمه لسه مخطوبين بس هيه مو مقتنعه تبغاه هوه الي يدور ويسال عنها ماني عارفه ابغى حل للمشكله ارجووووووووووووكم |
وعليكم السلام
الله يشفي ستك يارب ويفك عنها كل شر والله مدري وش اقول لك وجهة نظري انا لا غير ان خطيبه اناني يبي هي تسال وهو لا يعني تفكير اشوي راجع ثلاث خطوات الى وراء من رائي انها تستخير الله سبحانه وتعالى وتواجه وتقول له كذا وكذا وانا ابي كذا وكذا وتشوف رده الفعل ولا كل شخص يروح في طريقة لأن الا يده في الموية مو زي الا يده في النار صح ولالا والحمد الله انه مدين ولا زي البعض من الشباب الا من رحم الله دين وصلاه قبل الملكه وبعدها في الباي باي |
الله يشفي ستك ويقومها بالسلامة
موضوع أنها مو مقتنعه بأفكاره .. ضروري تتأكد من نفسها وتتناقش في هالأفكار الي مو مقتنعه فيها ولو اني ما ادري ايش هالافكار بس هي لسه على البر .. لأن صدقيني بكره لو تزوجوا وهي مش مقتنعه راح يبقون طول عمرهم خلافاتهم على نفس هالنقاط موضوع انها تدور وراه ما صارت هذي بعد أول مرة اسمع احد كذا قبل حتى العقد يطلب منها تدقدق عليه أنا حاسة بتناقض بين الشخصية الموصوفه والتصرفات بس لا تدق ولا تكلم وفي مليون عذر تتعذر فيه .. وإلا اقولك مادام انه صريح لهدرجة ويرمي الكلمة في الوجه خليها تكون صريحة بعد هي وتقول انا ما ابي اكلم ولا ادق .. احنا في فترة خطوبة وانت الي دق |
الله يوفق اختك
بس خليها تصلى استخارة وبالنسبة للزوج الملتزم اصبح عملة نادرة هذه الايام فلتحافظ عليها |
اللي فهمته انه ملتزم
و اعتقد انك تقصدين انهم مخطوبين اي مملكين ؟ ثانيا" الرجل دائما" يود ان مخطوبته ( بعد العقد ) انها تسأل عنه و تتصل يعني تبادله نفس الشعور و تحسسه بالمحبه حتى لو ما تتكلم كثير بس تقول متصله عليك اتطمن عليك و بس يعني اللي اشوفه ان الرجل يريد من اختك انها تبادله الإتصال حتى لو على فترات و تحسسه بالمحبه اما بالنسبة للملتزم فهو كما قيل ( عمله نادرة جدا ) و انتي شوفي مشاكل الناس اللي ماهم ملتزمين و حاولي تقارنين .! دخان و غزل و مخدرات و بلاوي .! الإلتزام منهج نبوي و الرسول كان ملتزم و كان خير الناس مع أهله صلى الله عليه وسلم.! السؤال هنا : هل اختك مو مقتنعه بأفكاره أو انها غير مقتنعه بالإلتزام و بالأمور الدينيه .! هناك فرق و الدين لا يحث الا على كل خير نسأل الله التوفيق لك و لأختك و للجميع و الإستخاره و الإستشاره مطلوبه في كل أمر |
الله يكتبلها الخير ياااااااارب
تستخير الله افضل شي دايما |
ماشاء الله الله يوفقها الانسان الملتزم مثل الذهب خليها تحافظ عليه وبلا مراهقه قوليلها هذا بكرا احسن قدوة لأولادك ويكفي انه محافظ على الصلاة وغير مدخن و راح يراعي الله فيها بكل شي ان شاء الله... وبالتوفيق
|
تستخير والملتزم نادر وجود في هذا الزمن لانه سوف يساعدها في بناء بيت لبناته قوية وخاصة اذا حضر الحب والتفاهم
|
انا شايفة اني مافي مشكلة اختك تزعل منها الرجل المتدين ما شاء الله عملة نادرة وهو ممكن مش بيقول لها كلام غزل على اساس انه في فترة الخطوبة لسة مش في فترة العقد وبعدين هو بيطلب منها تسال عنه عشان يحاول انه يقرب المسافات بينهم اكيد هو حاسس انها خايفة ومش مطمنة
|
أولا ما المقصود بالالتزام ؟؟؟؟؟
إذا كان زوجها ملتزم واللي أقصده اللي هو الالتزام الحقيقي (( وليس مجرد الالتزام المظهري )) يعني ملتزم في عبادته ومظهره وأخلاقه فاجعلي أختك تتمسك فيه أشد التمسك ....لأنه بالفعل كما قالوا الإخوة عملة نادرة |
| الساعة الآن 10:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©