|
ما رأيكم بالتسجيل في مواقع الزواج ؟
بسم الله الرحمن الرحيم السلام عليكم ورحمة الله وبركاته اخواااني اخواااتي الاعزااااء حببيت قبل ما اخطي خطوة اني استشيركم أول لاني بالصرااااحة انا متررردة وما ادري اذا هالشي صح او لا انا بغيت اسجل في موقع زواج اسلامي بس هونت ما ادري ليش احس اني متردده وخااايفه ان يكون هالشي اللي رااح اسويه خطا علشاااان كذا حبيت اخذ رااايكم ونصيحتكم أختكـــــــــم *وردة الجوري* الإشراف/تم تعديل العنوان بما يتاسب المضمون |
اشتركي ولكن!
السلام عليكم
ياأختي العزيزة اذا كنت تعتقدين بأن السبيل الوحيد لزواجك هو عن طريق مواقع الزواج الأسلامي فأشتركي بها ، هذا أولا وثانيا فأنك إذا اشترك فنصيحتي لك يا أختي أن لا تعرضي صورتكي في المساحة المخصصة لأعلانكي سواء أكنت جميلة أو مقبولة الشكل ، صراحة لأنني لاأقبل لأختي أن تعرض صورتها في الأنترنت |
اقتباس:
اخي العزيز بالنسبة لصورة هذي ما يبلها كلاااام احنى ناااس محافظين وماعندنا الكلام هذا بس انا ابي اعرف رايكم بالموقع وهل تؤيدوني اني اسجل ولا لا ؟؟؟؟ |
بصراحة الزواج عن طريق النت وحتى عن طريق هالمواقع أعتبره مغامرة
طبعاً مش غلط أنك تطلبين الزواج خصوصاً إذا تعتقدين انه خلاص ماراح تتاح لك فرصة الزواج بالطريق المعروفه .. وإذا كنتي خايفه أن العمر يمضي وانتي مكانك راوح ومش مستعده لانتظار المجهول لكن قبل الاقدام على هالخطوة .. فكري في رجال المجتمع وكيف تفكيرهم هالرجل كيف بينظر لك إذا راحت السكرة وجات الفكرة .. عند اول خلاف وش بيقول لك ؟؟ هل هو قد هالخطوة .. هل راح يحترمك هل تفكيره محدود أو واسع هل راح يفهم انك بنت ناس ومتربيه لكن الظروف اجبرتك على الزواج بالهطريقة هل راح يقدر انك ما عملتي علاقه خطأ معاه بس مجرد تعارف اولي لإقامة زواج دائم بشرع الله هل الزواج عن هالطرق راح يستمر وهو الأهم قبل الاقدام على الخطوة فكري بشكل جدي .. والرجال في مجتمعنا بجد تفكيرهم يخوف وفيه تناقض كبير يعني هالرجال الي يشوف أن الزواج بهالطريق خطأ أو معيب ليش يشترك فيه ما اقدر اعطيكي رأي نهائي هذا الشي راجع لك الله يكتب لك الي فيه الخير |
ضمن الحدود الشرعية
أختي العزيزة
يمكن ان تشركي في هذا الموقع ، يعني تذكري العمر والبلد وربما لون البشرة والطول والوزن ، والشخص الذي يقع إختياره عليك يمكن أن تتأكدي منه ومن شخصيته قبل أن تظهري له اسمك الحقيقي ، وهذا كله غير مخالف للشريعة، وإلا شنو قولك؟ |
وعليكم السلام ورحمة الله وبركاته نصيحه اعطيكي هيا من صحبتي جربتها عمرها28 اشتركت بموقع زواج ويقال انه اسلامي طبعا ممنوع تدوال الارقام والأيميل عادي المهم لما كانو يرسلونها ع طول يطلبون ايميلها عاد هي إذا اضافتهم تسألهم ليه بأول رساله تطلب ايميلي يقولها انتي طلبتي مني قبل البنت انصدمت منهم كذب وضحك ع البنااااات والشباااااب طلع الموقع لماتسجل البنت يرسلون "للأشخاص المميزين رساله عنها " والأشخاص المميزين ذولا يدفعون فلوس عشان يشتركون يعني سحب فلوس وضحك ع الضعيفه واغلب الشباب مافي براسه زواج يدخل عشان يتعرف ع بنات ويستغلون البنت الضعيفه إذا كنتي بالسعوديه في مكاتب زواج ومعروفه وناس ثقه بس اتصلي عليهم وهم يأخذون بيانتك بس وإذا جاء واحد يناسبك يرسلونه لأهلك وحده اعرفها تزوجت عن طريق مكتب الزواج وعايشه مع زوجها حياه سعيده ريحي بالك من كذب الشبكه العنكبوتيه |
اقتباس:
صحيح اخوي هاللي ذكرته اشياء اساسية واكيد لو سجلت اني راح اذكرها الا طبعا المعلومات الشخصية ما اذكرها عموما مشكور على نصيحتك والله يعطيك العافية |
اقتباس:
أختي باريس اذا قصدك اني خااايفه ان عمري راااح علشان كذا فكرت بالموضوع موقع الزواج فانا اقووولك لا لاني انا توووني ما تعديت الخمسة والعشرين سنة بس للاني صديقتي حكتلي عن بنت عمها وانها تزوجت عن طريق الموقع وانها هي الحين مبسووووووطه لانه زووجها انسان جدا طيب ولهم الحين خمسة سنوات وصديقتي الحين سجلت بالموووقع علشان كذا انا فكرت اني اسجل ونفس الوقت متردده وخاايفه ان هالشي غلط وشاكرة مرورك ونصيحتك الرااائعة الله يعطيك العااافيية .. |
اقتباس:
الله يعطيك العااافية اختي على التنبية انتي كذا خليتيني تقريبا اشيل الفكرة من رااااسي خصوصا اني سمعت كمااان ان كثيير منهم يدخلون وغرضهم مو شريف وانا وحده اخاااف على نفسي وما ابي شي فيه مخاااطره عموما خلنى ننتظر رائي البقية وشاكرة لك مرورك وتعليقك اختي لا عدمنااااك .. |
أختي الفاضلة وفقك الله/ لاتخلين تجربة قريبة صديقتك مقياس للزواج الناجح صراحه أنا ضد هذه المواقع إذا صابت مره يمكن تخيب 100 مره وإنتي ماشاءالله صغيرة فلا تستعجلي وتسجلي.. أسأل الله العلي القدير أن يوفقك لكل خير |
| الساعة الآن 05:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©