|
يامتزوجين كيف كانت اول ليلة لكم ؟
السلام عليكم
عندي موضوع حلو وخفيف وظريف:22: اللي (تزوج /وتزوجت ) وكان بينهم وبين الطرف الآخر (العريس/العروس) تواصل ايام الملكة واخذ وعطاء وميااااااااااااااااانة قووووووووووووووية كيف كانت ليلة الدخلة لكليكما ؟!! ياعرايس : هل شعرتم بالخجل والخوف والحياء ام انها تلاشت؟!! ياعرسان : هل زوجتك كانت خجولة حيوية معك أم العكس كانت تضحك وتسولف عادي مثل ماتزورها ايام الملكة؟!! وهل عندما كانت مطمئنة لك وغير خائفة تمنيت لو كانت خجولة حيوية وبها شيء من الخوف ؟!! احس حلات الليلة بخجل العروس وحيائها واحس ان ايام الملكة تفقد هذا الحياء هل وجهة نظري صحيحة ام خاطئة ؟!! انتظر ردودكم :17: |
رئيي
وبصراحه انا وزوجي كنا كلالالام قؤي طبعا ومنها فاتحنا بعض عن ليلة الدخله ومتئ وووووووو ... لكن كان فقط تبادل خبره لاني لم اكن اعرف الكثير عن هالاشياء لان بذاك الؤقت اهلي ماكان عندهم نت او انترنت ولا كنت اببحث وكنت اخجل اطلب من ابؤي كتب عن الزواج لكن صديقاااتي يعطوني الاهم لحديفهم اننا علئ مايقؤلؤن نلعب لالالا لاوالله اما عن الخجل فما اتوقع ان الؤحده ماتخجل اذا راحت لؤحدها معه مستحيييييييييييييييييييييييييييييييييييييييييييييي ييييييييييييييييييييييييييييييييل واتحداك وحتئ لؤ كانوا جريئين انا وزوجي بلملكه شؤي نتجرء ؤلكن بحدود اما بلكلام فعادي ولكن مهما كان البنت بتخجل لؤ ايش بتكون خجوله اناوالله الخجل مشكلتي في حاله وانا الان لي 2سنتين ونص وباقي اخجل فقط اذا ابتعدنا عن بعض ورجعت معه يديني تعرق ولساااني ينربط فما بالك من الي توها عرؤس. |
الله ييسر الامور وتتزوجى عن قر يب انا وزوجى لما تملكن كنا بعاد عن بعد لانى كنت ادرس بمكان وهو بمكان لكن عن طريق التلفون كنا مررررررررررررررة جريئييين يوم الدخلة كنت الحمد لله شوية مرتاحة نفسيا لكن الخجل هاد والله غصب عنك حتى ولو كنت جالسة كل يوم 24 ساعة مع زوجك فى الملكة لكن لما تروحى بيته لحالك شئ ثانى
وحلو انه يكون فيه خجل بدلع يومها لكن ماهو حلو انه يكون خجل زائد عن الحد او يكون فى خوف شديد لان طبعا اكيد بيكون فى شوى خوف خاصة اذا كنت ماتدرى شئ عن الموضوع وما قرأتى عنه من قبل |
أنا راح أحكي لكم قصتة زميلتي طبعا أنا لسا عزابية
المهم كل ماتذكرت ليله دخلتها أموت من الضحك وهي تقول ؛لما دخل على زوجي جاتني حالة من الضيق والهستيريا:23: لدرجة أنه قلبي أحس أنه بيطله من مكانه وإني أسمه صوت قلبي يرجف وزوجي يتكلم وانا في وادي من الخوف لدرجة إني أضحك :)ثم أزعل :(ثم أضحك ثم أزعل فقال زوجي وش فيك بسم الله عليك يافلانه أقرأ عليك إهدي ماراح أكلك بعدين هديت شوي وأهلها كانوا موجدين بعدين سلموا عليه أهلها وذهبوا ثم لما ارادوا الخروج من منزلي لاشعوريا تقدمت ابغااخرج معهم فقال زوجي وين رايحه فتراجعت ورجعت الحاله والضيقه فقال زوجي خلاص بنام في المجلس وأنتي نامي في الغرفة........ والله أنه موقف تحفه |
هذا اليوم اكيد الزوجين في هذه اللحظه ليلة الدخله اقص ايدي اذا مافي احد يستحي هذه الليلة مو بس العروس الي تستحي حتى الرجال برضو يحس با الخجل لكن طبعا مو مثل البنت وبعض الرجال يعتفس ما يدري شو يسوي :d واحيانا تحصل مشاكل في هذه الليلة وسببها الخجل او الخوف خصوصا لما تجي كذا فجأه بدون تجهيز مسبق والي اقصده با التجهيز المسبق انو الزوج والزوجة في فترة الخطوبة يكون بينهم حوار في هذه المواضيع والحوار هذا يكون على شي من العلم والفهم لهذه الامور مو تخبيص وكل واحد يحط الي براسه لذلك على الزوج قبل لا يتزوج انه يثقف شوية كذلك الزوجة تثقف بهذه الامور ايضا من الاخطاء الي يسوونها العريسين في ليلة الدخله هو الاستعجال , يعني خلاص اذا تقفل الباب على الزوجين خلاص ما يفكرون الا شو رايح يسوون :27: يعني لو يصلو الزوجين كذا ركعتين شكر لله على انه وفقهم لهذه اللية بعدين يجيبو اذكار المعاشرة الزوجيه ويكون هناك حوار بسيط بين الزوجين ليلة الدخلة حوار عادي عشان تنفك عقدة الخجل , وترتاح الاعصاب شوية , ويشربون كاس ليمون يريح الاعصاب ويكون جوء الغرفه رومانسي اضائة هادئه وروائح تفتح النفس وفي هذه الليلة اكيد كل العبئ على الرجال لانو مافي بنت بهذه الليلة تقدر تسوي شي غير السكوت :26: لذلك على الرجال بهذه الليلة انو ياخذ البنت شوية شوية يبدء با الغزل والكلمة الحلوة , ثم لمسة الحب والحنية ويعامل زوجته مثل الطفله ولما ترتاح الاعصاب وكل واحد يحس با الراحة والطمئنينه للطرف الثاني بعد كذا يسوون كل شي , واكيد راح تكون ليلة العمر واتمنى لك اختي انو ربي يرزقك با الزوج الصالح الي يسعدك ويهنيكي ويرزقنا با الزوجة الصالحة اتمنى لكم التوفيق |
أيام الملكة أبدا ما تخرب الخجل ليلة الزواج
لأن هذا شيئ و هذا شيئ آخر أنا كنت بالتلفون جريئة نوعا ما لكن يوم صرنا بغرفة وحدة و لا شيئ كاني مو أنا اللي قايلة و قايلة المشكلة جالس يذكرني و أحرجني إحراج غير طبيعي و قالي وين التطبيق ولا كلام بدون فعل ......... رغم إني تعودت عليه بس إستحيت حياء غير طبيعي |
برأيي الحياء موجود ليلة الدخله
حتى لو كنتي متعوده عليه في ليلة الزواج شي ثاني اقولكم قصتي,,,,,, وش صار انه انكب العصير على فستاني وعلى الارض والكاسه انكسرت المهم اللحين هو راعي البيت راح يجيب شي يمسح العصير به اكتشف انه نسى يشتري مناشف للمطبخ تعرفوا كيف حلها قال بنزل لبيت امي اجيب منشفه المهم في هذي الفتره قلت انا ابدل قبل يجي هذي فرصتي المهم شلت الفستان واخذت المنشفه ورايحه على الحمام مع انه الحمام كان بالغرفه نفسها لكن انصدم الا هو قداااااااااااااااااااامي وااااااااو كذا على طول جاهزه واركض على الحمام خلاص انكسفت مره وطولت وانا اتحمم كنت خجلانه اطلع واشوفه بعد الي صار وبعدين سميت بالله وطلعت وقال يالله مشينا نصلي ولما صلينا هدأت الاعصاب وقعدنا نسولف ووووووو بس خلاص بس عن جد موقف لا ينسى |
اخ اح علي ايام الملكه وعلى ليلة الدخله ياليت تنعاد بشقاوتها,,,, بدون مبالغه احلا ايام وصعبه ان الواحد ينساها وكان لي فيها مواقف مره حلوه واحلا موقف نتذكره لما جيت بشوفها اول مره بعد الملكه واقنعت والدتها اني عازمها على عشاء وحاولت معاها الى ان وافقت خذيتها من البيت و تعشينا في الفيصليه وبعد ماتعشينا نزلنا على الكافيه الي في القلوبل وكانت تتفرج على الرياض من فوق و قالت اموت علي الرياض بس ياليت لو فيها بحر الانها تعشق البحر وقالت انها مره مشتاقه للبحر المهم سكت ولما تقهوينا وسولفنا و كانت الساعه تقريب 12 بالليل قالت انا تاخرنا ولا زم نرجع وانا ماصدقت على الله انها قالت بنرجع والله وطلعنا على طول وركبنا السياره و بعد ما مشينا فالت ياسلام الوقت راح بسرعه وانها راح تشتاقلي المهم هي قاعده تحكي وانا ساكت المهم حست اني متظايق من شي فاسكتت الى ان تعدينا المخرج حق بيتهم وقالت وش فيك لايكون ضيعت قلت بس بوديك عنده قبل لا انزلك البيت قالت طيب وين قلت مفاجئه وسكتت المهم ماطول عليكم ما وقفت الى في الشرقيه وطبعاً طول الطريق مافيه الى رجعني رجعني هي من جها وامها من جهه والله سكرت الجوال وقلت والله مارجعك البيت والبحر في نفسك والله وقعدنا في الشرقيه يوم ورجعنا.
|
شكرا لكم جميعا على الرد
وانتظر ردود اخرى |
مع الرغم اني كنت اسولف واضحك مع زوجي وقت الملكه بس ماتكلمنا عن ليلة الدخله
ليلة الزواج كنت ارقص انا وزوجي في العرس وقدام الحضور بس من قالوا يالله ع الفندق بكيت وقلت لامي لا انا برجع البيت بس ايام حلوة |
| الساعة الآن 08:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©