هل تتوقعون أن يكون اسم بنتي سبب في ما هي فيه؟
 

السلام عليكم ورحمة الله وبركاته
أخواتي وأخواني في هذا المنتدى الغالي أود منكم أن تتحفوني بأرائكم فأنا في حيرة من آمري :30: الموضوع من الأخر إنه عندي بنت وهي بكري وما عندي غيرها اسمها سديم (الله يخليها لي قولوا آمييين )هذي البنت الله يهديها من أول ما جبتها وهي متعبتني بكثرة البكاءها اللي ما ينقطع لا ليل ولا نهار وضعيفة الشهيه يعني وبدون مبالغة لوتجلس اليوم كامل ماتاكل ما عندها مشكلة وبالإضافه إلى أنها كثيرة الاستفراغ يعني تقريبا مايمر يوم إلا ولازم الله يكرمكم ترجع اللي في معدتها من غير سبب وفوق هذا كله عنيييده بشكل ما يتصوره إنسان.... من الناحية الصحية الدكاتره اللي مرينا عليهم كلهم يأكدون خلوها من أي مشكلة صحية لكنهم ينبهون على إن وزنها قليل .
جميع من حولي يؤكدون على أنها حالة غريبة كنت أقراء عليها القرآن وكانت تهدأ قليلا الكثير أشاروا علي بتغير اسمها يقولون يمكن يكون السبب أنتم ايش رايكم بالموضوع هل فعلا قد يكون الاسم سبب ولو اشرتوا علي بتغيره فما هي الأسماء المقترحه ؟
رجائي أن لا يدخل أحد موضوعي إلا ويشير علي برأيه لأني في حيرة من أمري

أنا بنتي زيك ..
راح أحاول أحط لكي رابط موضوعي

مشكورة حبيبتي فلافل على سرعة الرد والله يجزاك خير والله محتاره وماني عارفه أغير الاسم ولا لا وأخاف كمان من عواقب تغير اسمها على نفسيتها أخاف اسبب لها انفصام في الشخصية هي عمرها سنتين ونصف

الله يعينك ويساعدك على تربيتها يارب والله يهديها ويخليها تاكل وتنام
انا من رايي غيري اسمها وشوفي ماراح تخسرين شئ عادي

يا شيخه ما احس ان الاسم سبب انا عندي عيال وش نحافه وش عند لكن زي ما قالت الاخت اللي قبل اتركيهم اذا جاعوا مصيرهم بيطلبوا الاكل واذا نعسوا بينامون الله يعينك على تربيتها ونصيحه ما تغيري اسمها الا اذا كنت اصلا مو مقتنعه فيه هذا شي ثاني:):)

حبيبتي كم عمر بنتك ولدي كان كذا طول الوقت بدون اكل وتعبان واستفراغ نفس حالة بنتك بالظبط واكتشفت انو السبب الاسنان تصوري كان مايقدر يعض الاكل لثته ملتهبه وطفشان واخلاقه معدومه بكاء ونوم متقطع وبعد ماكتملت اسنانه ماشاء الله لاقوة الابالله رجع ياكل ويلعب وينام والحين عمره سنتين ونص الحمدلله مره مريحني هذي الايام وعسى الله مايغير علينا:14: