منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   اختي و زوجهـا و الطلاق . (http://www.66n.com/forums/showthread.php?t=188930)

dant!L ~} 01-07-2009 03:50 PM

اختي و زوجهـا و الطلاق .
 


السلام عليكم

(( الأشراف اذا تشوفون ان العنوان يتعدل عدلوه اهم شي احد يشارك جزاكم الله خيـر ))

موضوعي مهم جدا وفيه تفاصيل كثيره بس من ضيقة الصدر احس اني مره مصدوومه


اختي توها مكمله سنه من زواجها والحين مالها اسبوع والده وجابت بيبي


زوجها امس ارسل اغراضها كلها واشيائها للبيت عندنا ويقول بيطلقها


بجد بجد مريض وبزر مو رجال ..

هم صارلهم مشاكل كثيره من حملت او تقريبا هي تحملته كثير بس مع الحمل والهم الي عاشته ماتحملت
اكثر من مره تجينا زعلانه منه


1 / مايصرف عليها .. يوم خطبوله قالوالنا انه يشتغل مع ابوه ويجيله راتب .. وشرهتكم على الي شاف الراتب ..

وكل ماطلبت منه شي قال استحي اطلب ابوي وامي تخيلوا ؟!! ماعنده حس المسؤوليه ..!!

وامه تقضي لبيته من والى كلللللللللل شي .. وهو بس ياداشر او متبطح بالبيت ؟!


2/ اكتشفت انه يخونها .. مع وحده مقيمه مو سعوديه المهم انها من الجنسيات الشينه الي مافيهم اي ذرة جمال .. الحمد لله بس ..!


3 / بنات خالاته موانه زايده معاه وقلة ادب وناس ماتستحي

4/ اصحااااااااااااابه اصحااااااااااااابه سبب المصايب كلها .. اخر الليل والظهر وكل وقت عندهم وناط لهم
نكدوا عليها حياتها مايخلونها تتهنى فيه كل شوي يتصلون وينادونه ؟!

اتحمممممممملت وصبرت وهو ماقدر هالشي ولا استحى ولا فكر حتى بالبيبي الي جا ؟! شلون يعيش وكيف يتربى

فكر بنفسه الله لايسامحه ..


ويقول انا خلاص طلقتها ؟!!


اختي عيبها عصصصصبييييييييييييييييه بس وربي هو ماخلالها مجال تكون رايقه دايم مقصصر في بيته وواجباته


وهي الحين تقول انا عارفه خطئي واحس انها كبرت وعقلت وفهمت الخطاء بس هو حقير وربي حقييييييير

اجل فيه رجال يطلق مرته وهي توها نفاس ؟!


تخيلوا مصاريف ولادتها وربي 6000 ريال دافعينها من عندنا وهو ماكلف نفسه لو بريال لولده على الأقل .!


المهم ابي اعرف وش نسووي ؟!


وغير كذا هو يقول امس انا طلقتها وورقتها بتجيها ؟!


الي ابي اعرفه ومره مهمممممممممممم هل الطلاق بهالسهوله ؟!

يعني لو راح للمحكمه بسرعه بيطلقونهم ؟! ولا بتاخذ السالفه وقت ويدخلون اطراف صلح بينهم ؟!

مع ان اختي مره تعبانه تقول هو حكم علي بفترة حمل .. ولو تسئلون اي متزوجه ومجربه الحمل تعرف
وش يعني حامل واخلاقها ونفسيتها دمار

وهو بنفسه قال ان اول شهور زواجه كانت مره وناااااااااااسه ومره انبسط فيها .!

بس هالحين كل شي يبي يمحيه

والله مااحسه رجال احسه بزر ... من جد ماعليه حسسافه بس مقهوره على اختي توها صغيره وعندها بيبي شلون تربيه ؟! والله ناااااااس مايخافون الله ..


حسبي الله ونعم الوكيل عليهم


ابيكم تفيدوني بمسألة الطلاق في المحاكم شلون اجرائاتها ؟!


بليييييييييييز


الله يطمن قلوبكم ويريحكم ..


{ دانتيـل ..~!

بكر الشايب ياسمين 01-07-2009 03:56 PM

اقتباس:

جزاكم الله خيراً، لدينا سؤال هو كالآتي:

رجل طلق زوجته بعد الولادة بخمسة عشر يوما، سؤالنا: هل تدخل المطلقة في العدة؟



الفتوى :





الحمد لله والصلاة والسلام على رسول الله وعلى آله وصحبه، أما بعـد:

فإذا كان نفاسها قد انقطع فإنه لا بأس في هذا الطلاق، وإذا كان لم ينقطع بعد فإن هذا من الطلاق البدعي وهو واقع مع الإثم، كما هو مبين في الفتوى رقم: 30005، والفتوى رقم: 31275.

ويجب على المطلق حينئذ أن يراجعها ثم يطلق في طهر لم يأتها فيه، وإذا لم يفعل ذلك فإن المرأة تدخل في العدة، ومن طلقت في حال جريان دم النفاس ولم يفعل زوجها ما يجب عليه من مراجعتها، فإن العدة في حقها ستكون أطول لأن ما بقي من النفاس لا يحسب من العدة، بل تبدأ عدتها بعد الطهر منه، كما هو الحال في الطلاق في حال الحيض، وننبه إلى أنه ينبغي الرجوع في مسائل الطلاق إلى المحاكم الشرعية إن وجدت في بلد السائل، لأنها أشد اطلاعاً على ملابسات الأحداث وظروفها.

والله أعلم.




المصدر
اسلام ويب


ما اظن الطلاق يقع بهذه السهولة

أميرات 01-07-2009 03:59 PM

والله يااختي اذا كنت بالسعوديه .. ففي بعض المحاكم يطلقون بكل سهوله للأسف خاصه اذا كان

طالب الطلاق هو الزوج ..

لو الزوجه هي اللي ترفع قضيه طلاق راح تتبهدل لكن الزوج بكل سهوله يدوبك مشوار المساقه

للمحكمه و يحصل على الطلاق ..

الله يعينها ..

Flower1985 01-07-2009 04:04 PM

لا حول ولا قوة الا بالله زمن صعب الرجال صارو فية قلة الله يكون بعون اختك ويصبرها اكيدمو ضوع الطلاق مو سهل بس صدقيني الحياة مابتوقف عند شخص خاصة اذا كان مابيستاهل اذا اختك بتقدر ترجع توقف على ارجلها تكمل دراسة او تشتغل وتبدا حياتهلمن جديد الحياة ماشية ومابتزقف عن حد اما اذا حاسيتو ممكن يتغير وفية حسنات وايجابيات تحاول تدخل حد محايد ويكون صلح بينهم هم شي كل واحد يحكي شو شروطة علشان كل شي يكون واضح وبالتوفيق

dant!L ~} 01-07-2009 04:06 PM



بكـر الشايب ..


الله يجزاك خير ياااااارب ... على هالمعلومه كانت غايبه عننا ..

ان شاءالله يعقل ويكبر راسه ويصير رجال ........ الله يهديه ..


اميرات ,,

هذا الي خايفين منه .. اخاف يطيح في ناس يقوونه على الطلاق وخراب البيوت ..

الله يسستر يااااااااااااااارب


الله يعيطكم العافيه ياااااااارب

dant!L ~} 01-07-2009 04:11 PM

اقتباس:

المشاركة الأصلية كتبت بواسطة Flower1985 (المشاركة 2184677)
لا حول ولا قوة الا بالله زمن صعب الرجال صارو فية قلة الله يكون بعون اختك ويصبرها اكيدمو ضوع الطلاق مو سهل بس صدقيني الحياة مابتوقف عند شخص خاصة اذا كان مابيستاهل اذا اختك بتقدر ترجع توقف على ارجلها تكمل دراسة او تشتغل وتبدا حياتهلمن جديد الحياة ماشية ومابتزقف عن حد اما اذا حاسيتو ممكن يتغير وفية حسنات وايجابيات تحاول تدخل حد محايد ويكون صلح بينهم هم شي كل واحد يحكي شو شروطة علشان كل شي يكون واضح وبالتوفيق




المششششششكله الشششكله ونسيت اقول ان اختي طاحت على محادثه راسلينها لزوجها بالأيميل

كانت بين حرمتين من اقربائهم .. وهم ارسلوا المحادثه لزوجها مادري وش السبب في ذلك ؟!


وفهمت منها انه بيبي يخطب بنت خالته الي كان يحبها من قبل وهي تحبه

بس ماتزوجوا عشان ابوها وابوه ماكانوا راضين

بس الحين الي فهمته كنهم رضوا او شي زي كذا

يمكن عشان كذا هو استغنى ويبي يرجع لحبيبة القلب ..

احس انهم ناس مايخافون الله بس خربوا بيتها وبسس ؟!


حسبي الله ونعم الوكيل

صقر الشرقية 01-07-2009 04:44 PM

يعتمد على القاضي .. في قضاة يطلق على طول و بدون جلسة صلح او محاولة تقريب وجهات النظر ..
و في قضاة يسعون للصلح و الاجر و ما يطلقون الى بعد ما يطلعون عيون الزوجين !!

عموماً .. فهمت من كلامك ان اختك عصبية و زودتها حبتين في فترة الحمل و هذا اللي خلى زوجها يطلقها ..
طيب ليه ما تحاول تفهم زوجها بهالشي و انها متمسكة فيه و ان اللي صار كان بسبب الحمل و تعب الحمل ؟

اصغراخواني 02-07-2009 06:41 AM

لاحول ولا قوة الابالله ...


اللهم لا تؤاخذنا بمافعل السفهاء منــــــا ..


اختي لا اعلم ماذا اقووووول ..


الى هذا الحد استخفاف ..


الطلاق اصبح كشربة ماء ..


اين العقلاء اين الحكمـــاء ...


اين والده ,, اخوته ..


ليس بهم رجل رشيد ..


اعتقد انه ليس برجل بل ذكــــر ..


لو كانت اختك سيئة العشرة ,,


ماالمانع ان يحاول معها ,, يقوم سلوكها يصبر عليها ..


وبعد ذلك امساك بمعروف او تسريح باحسان ,,


اعان الله اختك ووفقها .. وربط على قلبها ..

dant!L ~} 02-07-2009 07:20 AM



الله يعطيكم العافيـه ..


اليوم احتمال تجينا عمتها ام زوجهـا .. تبي تشوف حفيدتهم يعني يعني .!! الله يستر من هالجيـه


بنشـوووف .. ابوي مسـافر وجاي هاليومين .. وبيكلم ابو الرجال ..

عسى الله بس يكبر عقله ويصير رجال ..

حبيبي دوما 02-07-2009 11:07 AM

حسبي الله ونعم الوكيل


الساعة الآن 11:36 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©