|
كيس على المبيض
بسم الله الرحمن الرحيم
طرحت في موضوع سابق اني اعاني من كيس حجمه 3,5 ومسبب لي لخبطه في الدوره والان صارت عندي ثلاث دورات والكيس الى الان موجود رغم اني استخدم حبوب بريموليت ان بعد عشره ايام من الطهر واستخدمها عشرة ايام يعني المفترض على كلام الدكتوره تكون الهرمونات عندي انتظمت وينزل الكيس مع الدوره المهم ابي نصايحكم فكرت اشرب شي وقت الدوره يساعد على التخلص من هالكيس بشنو تنصحوني اشرب ..........الي اعرفه ان الرشااد كويس بس ابي استفسر اكثر هل يسوي لي نزيف مع العلم ان دورتي غزيره... انتظركم ..لاتخيبوني تم تعديل العنوان..الاشراف |
ماعندي رد ولكن .. حبيت ادعي لك يخلص همك عن قريب
الله يوفقك |
الله يعينك
عن تجربه أستخدمي الرقيه الشرعيه يومياً وزيت زيتون مقري فيه أدهني في أسفل البطن والظهر ــــــــــــــــــــــــــــــــــــــــــــــــــ ـــــــــــــــــــــــــــــــــــــ ممكن تأكلي رشاد .. حلبه .. عنزروت ..حبه سوداء هذي إذا مانفعتك بإذن الله ماراح تضرك الله يشفيك يارب ويخلي لك عصافيرك |
أضم صوتي لصوتك يا زهور
الله يفكنا منه .. انا الكيس اللي عندي 2 سم وصارله 3 شهور من يوم عرفت عنه وهالشهر ما رحت لطبيبتي أتأكد اذا نزل مع الدورة أو لأ .. قلت ليش أخوف وأقلق نفسي .. بس انا ما أحسه لخبطلي الدورة .. عادي وجوده مثل عدمه ..بس يألمني المبيض اللي عليه الكيس خصوصا الحين انا في فترة تبويض .. الله لا يرويك الألم اللي يجيني منه حاسه انه لسه ما نزل بس ما أبغا أروح لطبيبة واللي أسويه حاليا اني أشرب (عسل الشفاء) على الريق وقبل النوم .. أقرا على كوب ماي (الفاتحه+الكرسي+ المعوذات+الصمد) وبعدين أشربه ,, أحط يدي اليمين على أسفل بطني وأقرأ نفس السور .. بعدين أنفث في يدي وأرجع أمسح على بطني .. وأحيان زوجي يقرا علي .. وبصراحة لاحظت الألم وايد وايد خف الحمدلله .. الله يفكنا منه .. واذا ما صار حمل هالشهر ان شاء الله رح أشرب قرفه أول 3 أيام من الدورة .. بعدين أشرب حلبه .. بس دايما أقرأ الحلبة تكثر حليب المرضع .. واخاف ترفع هرمون الحليب ؟؟ شو رايكم بنات ؟؟ محتارة لأني قريت بعد فيه وصفه للحمل .. وهي بشرب الحلبة مع عدة مكونات .. |
السلام عليكم ورحمه الله وبركاته
حقيقتا انا بالاعشاب ليس لي علم ايا منها ينفعكي ولكن حبيت ادعيلكي ياربي يامشافي يامعافي اشفي زميلتي زهور البساتين وفرج عليها كربتها يارحم الراحمين وخلصها من همها واارزقها الصحه والعافيه انك على كل شي قدير |
حلمي اشكرك والله يحفظ لك ابنك ويرزقك له اخوان واخوات
حرم المعلم الله يعطيك العافيه ويشافي ابنك يارب فلافل الله يرزقك الذريه في القريب العاجل ام سنو الله يعطيك العافيه ويرزقك كل ما تتمنين |
اختي الكريمة
ليس عندي فكرة عن اشياء ممكن تشربيها لكن نصيحة لك لازم تراجعين دكتورتك وتلتزمين بكلامها لازم تنزلين الكيس بشكل طبي لانه ممكن يسبب لك اضرار اخرى لاقدر الله الرشاد اتوقع ولست متاكدة اتوقع انه يزيد غزارة الدم الحلبة تزيد من غزارة الدم لانها تحتوي على مادة مسيلة للدم مثل اللي تستخدم في علاج الجلطات المهم في الموضوع لازم تتبعين ارشادات الطبيبة ولاتعبثي بنفسك لكي لايزداد الامر سوءا عندك ماتشوفين شر عزيزتي .. طمنينا عنك |
اشكرك اختي المتفائله
صحيح اني قررت اشرب شي هالمره لكن لم اجرب صرت اخاف اجرب اشياء بسبب ذكرى اليمه مررت بها لكن ابشركم بعد الانتهاء من الدوره ذهبت الى الطبيبه واذا هي سافرت واضطررت ان اذهب الى طبيبه اخرى لكي اتحقق من الكيس وحجمه ولكي تصرف لي علاج منظم للدوره وبعد الكشف والتصوير قالت الطبيبه انها لا ترى كيس واستغرق التصوير مده طويله على غير المعتاد والمعتاد ان الطبيبه مجرد وضع الجهاز تراه واضح وتجعلني انظر انا ايضا واراه الا ان الطبيبه هذه لم تراه وتقول انه احتمال انه نزل مع الدوره الي محيرني ان الدوره هذي المره خفيفه وخلصت قبل موعدها بيوم يعني معقوله انه يكون نزل مع الدوره؟او ان هذي الطبيبه ماهي شاطره وماعرفت حالتي المهم في النهايه اعطتني حبوب لتنظيم الدوره استخدمه كمان شهرين اقول لها ان الكيس هو الي مسبب لي اظطراب في الدوره واذا الكيس راح يعني ما احتاج حبوب لتنظيم الدوره تقول لا لازم استخدمه شهرين ؟؟؟؟ واللحين انا استخدم هالمنظم والله يستر انا اتمنى تكون شاطره بجد ويكون الكيس عن جد راح وارتحت منه |
باذن الله ان الكيس نزل مع الدورة
لكن مثل ما قالت لك الدورة ماراح ترجع تنتظم بعد ماراح الكيس على طول يعني يبي لها وقت شوي عشان كذا استخدميها شهرين زي ما قالت لك وراجعي مرة ثانية للتأكد من انه لايوجد كيس اهم مافي الموضوع انك تتاكدين ولاتهملين نفسك لازم الوحدة تراجع دكتورة واثنين لحد ماتتطمن انه راح نهائي وان شاءالله ما عليك الا العافية حبيبتي |
ابشركم
راجعت الدكتوره مره ثانيه وعملت سونار ولا شافت شي معناه انه الكيس رااااااااااااااااااااااااااااح:14::14: الحمد لله الحمد لله بس لازم انتظم على المنظم كذا كم شهر الى ان تنتظم الهرمونات |
| الساعة الآن 05:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©