|
ما قدرت أنسى الجرح
أمسي بالخير على أحلى منتدى
راح أشارككم سر تصدقون ماقدرت أقوله لأحد الا أنتم وحبيت اخذ رايكم ومشورتكم في البدايه انا انسانه متزوجه من 6سنوات وأحب زوجي وهو يحبني لكن الشغله الي مضايقتني في حياتي وماقدرت انساها هي ليلة الدخله انا وزوجي ايام الملكه نكلم بعض وكانت فيه زيارات ولاتخلى من الرومانسيه وزياده شوي وجا يوم الزواج المنتظر بعد سنه ملكه وحب واشتياق بان نكون مع بعض طبعا في هذا اليوم تكون العروس مرهقه ولا نمت وخوف من ليلة الدخله وحزن على فراق الاهل يعني مشاعر مختلطه بعد الزواج وحوسته رحنا للفندق ماكملنا نصف ساعه زوجي ارغمني على الممارسه بالرغم من رفضي وخوفي مع شوي صراخ وانتهت العمليه من دون ان يكون هناك اي علامه لفض الغشاءوالي صار انه ابدى استغرابه مع شوية شك وشوية نرفزه وصار يسألني ليش ماصار فيه .....يعني يشك فيني على الرغم من معرفته بأهلي وتربيتي طبعا أسلوبه كان سيء قال امنتي أحد اعتدى عليك وأنتي صغيره او في شي انا ماأعرفه وصرت ابكي من الخوف وهو نام ولا همه وضليت الا الصباح مانمت يعني كملت 72 من دون نوم قام الصباح ولا هو معبرني ولا شايفني صرت ابكي وأقوله خلينا نروح الدكتوره تكشف علي بعد كذا ودني لأهلي من الي شفته من قساوته طبعا رفض ومشت الأيام ونظرات الشك ماخلته وكانت نفسي مكسوره ولا قدرت استمتع بايامي معه في أول أشهر الزواج وانا متندمه ليتني جبرته يوديني لدكتوره عشان من ثاني يوم عشان أرتاح ويرتاح وجلست ثلاث ايام اصر يوديني وهورافض وبعد 4 شهور من زواجنا انفض الغشاء يعني كان من النوع المطاطي الي ماينفض بسهوله وماناقشته بعد الي صار حاولت انسى ولا قدرت الان اي زواج أحضره واشوف عروس اتذكر الي صار لي واتعب باني انحرمت من أحلى ليله في العمر ولما اسمع مغامرات خواتي اوصديقاتي في يوم زواجهم اضيق ماقدرت كيف انسى وأعوض الي راح |
تبين الصراحه ..
موقف ما ينسى ... او على الاقل اذا جت ذكرى زواجك تتذكرينه ... وانا اعرف وحده صار لها ازود من اللي صار لك ... بس الان ما شالله عليها ناسيه السالفه ... لان العيال ينسون .. وخلاص شيء ما ينذكر .. وهو لو موواثق فيك كان ما قعدتي 4 شهور وهو ساكت ... يعني واثق بتربيتك واهلك |
أختي حاولي تناسين الموضوع
طيب كيف كان شعوره وطريقة تعامله معاك طوال الأشهر الأربعة ؟؟؟؟ وكيف كان ردة فعله بعد فض البكارة ؟؟؟؟؟ هل اعتذر منك ؟؟ لأن هو السبب في تعب نفسيتك لو كان عنده ثقافة في هذه الأمور كان ماستعجل في الكلام عليك .... ولا كان نكد عليك ليلة العمر الحمد لله على كل حال |
[SIZE="6"]احاول انسى لكن أنا من النوع الحساس بالنسبه لمعاملته كانت لا بأس بها وقد تكون في نفسه هذا الامر لكنه ماحاول يظهر ولم يعتذر ولا حاولت افتحه خفت أتعب أكثر ومشكوره على المداخله
|
أختي بندورة
أنتي سكتي عن ألمك الذي تسبب به زوجك لك ومع السنين كبر هذا الألم لتكتمك وعدم إفصاحك ومناقشة زوجك فيما حصل لو أنك قمتي بسؤاله ومناقشته في تصرفه ليتضح لك نيته وسبب تصرفه لكي ترتاحي أنتي وتزيحي عن صدرك هذا الهم الثقيل نصيحتي لك في لحظة صفاء وهدوء تكلمي معه وأظهري له انزعاجك من تصرفه وكيف أنه تأكد بعدها من صلاحك وحسن تربيتك أخرجي مابقلبك مع اختيار أحسن الألفاظ لكي لاينقلب إلى شجار تأكدي أنك بذلك سترتاحي من هم لازمك 6 سنوات وستقولين ليتني ناقشته لحظة وقوعها دعواتي لك بالتوفيق وأن يسخر لك زوجك |
يا ختي لو الواحد ماينسى اللي يسوو فينا الرجال كان من زمان نفسياتنا سيئة..
بس من جد النسيان نعمة من الله.. عيشي حياتك .. وانسي اللي راح.. وخليك في اللي جاي.. الله يهنيكي.. |
انسي انسي وعيشي يومك
اهم شي كيف زوجك معاك الحييييييييييييين والي راح راح |
بتمر الأيام ويروح عمرك ويشيب شعرك وأنتي باقي تقولين ياليت وياليت
اللي صار لك شي طبيعي لاأنتي ولاهو غلط بسبب قلة الثقافه في مثل هالأمور منك ومنه صار اللي صار يمكن أنتي تزوجتي وعمرك قريب من الثلاثين لأن كل ماتأخرت البنت في الزواج كلما صار غشاء البكاره اسمك وبصعوبه ينفض عيشي حياتك وانسي اللي صار لاتفكرين في الماضي كل ماتذكرتي هالموقف خذيه بشيء من الطرافه |
| الساعة الآن 06:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©