|
فاتورة جوال خطيبتي طلب النصيحه العاجله
بسم الله الرحمن الرحيم السلام عليكم ورحمة الله وبركاته : اخوكم جايكم في طلب النصيحة العاجلة ورجاءً من له الخبرة والحكمة يسعفني بما عنده ، ادخل في الموضوع الا وهو انا مملك من سنة وستة شهور يعني اقرب ما إلي أني احط طلب في قسم المتزوجين المهم من قبل شهر ونص تقريباً حصل بيني وبين زوجتي مشكلة ودائماً ما تتكرر لكن اتغاظا عنها واحياً ألمح لها عن طلبي على شان ابي احاول انه ما تصير بيني وبينها مشكلة لكن مع ذلك تستمر في الخطاً إلى ان اجتمعت فوق راسي كم من مطلب واكيد انه ضروري ألا وهو الأسراف في مكالمات ما لي نصيب فيها وفي الأخير اكون انا المتضرر بدفع الفاتورة أللي تطلع قبل ما يجي نص الشهر بعض الأحين وتتجاوز 400 ريال وثاني ما اشوف انها تعبر أهلي وأحس فيها شوفت نفس المهم اللي كلمتها قبل شهر ونص وقلت لها الموضح أعلاه وقلت لها ابي شوية احترام لأهلي وسألتها وقلت لها أنت تحبيني قالت لا هذا سؤال إلحين ينقال ثم قلت لها شي واضح لأن اللي يحب يحافظ على مال وروح ومتطلبات حبيبه صح وانتي ما سويتي شي من هذي والفاتورة قبل نص الشهر تطلع ب 400 ريال وانا ما كلمتيني في المدة هذي يمكن ولا مره المهم زعلت وقامت تتكلم وترفع في الصوت وانا بقيت هادي وحاولت انها تقصر صوتها وتوزن كلامها لأنها قالت على نفسها ان ليه اهلي مربيني وانا وانا المهم انا في كل اللي صار ما طريت اهلها ابداً في الأخير انهيت المكالمة وكلنا زعلانين من بعض بعدها بيوم حاولت اني اتصل بها لكن ما ترد وتقفل الجوال وارسل لها رسايل ابيها ترد علي يمكن لمدة ثلاث ايام في الأخير تركتها والحين بعد شهر ونص ارسلت لي رساله تقول فيها : أحب إللي تجاهلني وما خلاني على باله وما فكر يراسلني ورقمي وسط جواله إكنت ناسيني وهالرساله ذكرتك فيني أرجوك إمسح الرسالة وأرجع إنساني وآسف لو اني أخطيت وأقبل إعتذاري (سامحني أذا أخطيت عليك لأني ما اضمن اذا باقي اعيش او لا وإبغى أذا رحلت ما يكون احد زعلان علي) مع تحيات محبتك دوماً وليس يوم وش اسوي الحين انا كنت قبل كم يوم بأتصل بها واقولها قرارات فكرة فيها كثير واهمها : =اني راح احول الجوال اللي معها من فاتورة إلى شحن واشحن جوالها شهرين ب 100 ريال فقط وما هوب مطلوب منها انها تدق علي بعد ما احوله على شان ارتاح من التكاليف من قولة ليش ما تدقين علي . وش تنصحوني عاجل |
:eek: أخي عابر سبيل
صحيح شو بتحكي... كاررررررررررررثة..... الله معاك...... الله معاك...... الله معاك...... |
الله يعينك ياااااارب .. دلع بنات وبسس .. وش هالحركات الي تسويها زوجتـك ؟.! الله يصلحها بس تدري اخوي؟! ريح بالك وحط لها حد ائتماني بـ 300 ريال ؟ واذا انقطع جوالها بسبب تجاوز الحد الأئتماني لاتسدده الا بعد ماتطلع الفاتوره واذا هي تبغى تكلم احد تشحن جوالها من فلوسها او مصروفها لأن العام اذا انقطع عادي تقدر تشحنه ببطاقة سوا وياااااااااادار مادخلك شر .. |
كلام الاخت dant!l سليم .... وهذا اللي انا مسويه .. حط لك حد اائتماني ولا تسدد الا اذا طلعت الفاتورة ... واذا بغت هي تكلمك خلها ترسل لك مسج call me please وانت دق عليها .... هذا اللي انا مسويه
|
فعلا انت حط لها حد ائتماني وريح راسك دام انها لاتتقبل التفاهم...
|
أخي الفاضل عابر سبيل ***
هذا دلع بنات *** أصبر عليها وخليك دبلوماسي في معاملتك معها *** لا تتساهل ولا تشد *** خلك وسط *** ولا تاخذ بعض الأمور بمحمل الجد *** لأنها لس صغيره ولم تدخل معترك الحياة *** وليس لها خبره بالحياة الزوجية *** وبالنسبة للجوال حط له حد أئتماني 300 ريال *** ولا تحوله شحن علشان لا تخلق لك مشاكل خاصة في الوقت الحاضر *** وبالنسبة لأهلك لا تستعجل عليها *** أكل العنب حبه حبه *** إذا تزوجتوا إن شاء الله تقدر تأثر عليها وتزين الأمور *** أهم شي لا تكبر أي موضوع يحصل بينكما *** وإذا زعلت منك لأي موضوع تافه أتركها ولا تتصل عليها ولا حتى ترسل لها رسائل *** علشان تحس بغلطتها *** وصدقني زوجتك صغيره وتحتاج نصح وارشاد لكن بلطف وبدون رفع صوت *** أخي البنات بهذا العمر يحتاجون الكلام الرومانسي أكثر من أي شي غيره *** وتستطيع التأثير عليها بهذا الكلام الرقيق الناعم *** بالتوفيق إن شاء الله 0 |
ليه كمان يحط لها حد 300 والله مرررة كثير.. وبعدين هي فترة الملكة يعني مو ملزوم حتى الجوال يسدده.. يعني مصروف رمزي كل آخر شهر وإنتهينا.. والله إذا مرة زي ما قلت أخوي حولة شحن وأعطيها بطاقة ابو 100 كل شهر ولا شهرين.. إذا هذه بدايتها الله يستر أخوي.. أخوي قبل تتورط في الزواج معليش باين عليها مدلعة شوية.. لذلك يجب في هذه الفترة ترسم الحدود بينكم وأهم شئ الإحترااام أخوي.. وبعد كذا تعرفها بواجباتها وحقوقها.. وقبل كل شئ تفهمها إن أهلك فوق أي شئ ورضاهم من رضاك.. يعني الفترة هذة لازم من الحزم في بعض الأمور وتمسك العصى من النص يعني لا تشد مرررة ولا ترخي مرررة يعني حاول تفهمها وتعلمها بأسلوب حلو.. أسأل الله لك التوفيق أخوي |
ما شاء الاعضاء ما قصروا في النصح .. و هذا انت عرفت علاج زوجتك اذا غلطت عليك .. و هو التطنيش .. فأكثر ما يؤلم المرأه هو التطنيش .. و ربي يسعدك .. |
يا أخي والله كثير عليك..
أنا والله مع خطيبي السابق كنت بشحن من مصروفي... وكنت أخجل و ما أطلب منو يدق علي.. حاجة غريبة والله.. إنتو ما ملاحظين إنو ما بدق عليه, والفاتورة 400 ريال !!!!! :eek: يا أخي شد عليها شوي, إنت داخل على زواج....يعني مصاريف.. الله يهديها و يصلحها...... |
ان كيدهن عظيم اقطع عنها كل شي وانا اختك ولما تجى ببيتك عطها عيونك لانك تفسدها من قبل الزواج
وربي يتمم لك على خير ............ |
| الساعة الآن 12:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©