|
زوجي زعلان كيف اتصرف معه؟
السلام عليكم
ودي افض فض من القهر الي فيني البارح تزاعلت انا وزوجي كان يبي يودي ثوبه للمغسله ولقاها مقفله قلتله انا اغسلك اياه واكويه مع كم كلمه حلوه هو انبسط وجلسة الى الفجر ع بال ماخلص الثوب غسيل وانا داييييييييييخه نوم وهو كان جالس معاي المكوى كان بارد وماسخن رحت اصلي وهو لسى بارد حاولت فيه بكل الطرق مافاد قلتله قال تعالي شوفي كيف تغيرين الحراره حاولت فيه واظن انه كان من الكهرب خربان وانا رايحه اصلي هو دفني بيده الثنتين مع يدي على باله يمزح وجعني بطني وانا حامل قلتله بنرفزه ترا وجعتني بعد صليت وهو منسدح ع السرير قلتله ضبطته قال لا قلت ليش هو قام يصارخ ليش تصارخين سكت عنه قلتله ماصارخت المهم ماضبطلي اياه وراح ينام قلتله تعال شوف لك معاه صرفه قالي خلاص لا تكوينه وماتسوى علي ومن هالكلام جلست احاول فيه الين ما غيرت الفيش وضبط معاي:14: كويته وعلقته له ورحت انام وانا مقهوره ع الصراخ لاني فيني النوم ودايخه وجالسه احاول فيه الين ضبط جا من الدوام وعلى طول لانام ولا تكلم معاي ولا بكلمه قمت طبخت له وسويت له اكل طولت وانا واقفه بالمطبخ ساعتين وتعب علي لاني تعبانه من الحمل رحت صحيته وقلتله انو مغرب يلا اصحى وانا مسويتلك اكل وكنت عادي مابينت له اني زعلانه او في قلبي شي دخلت غرفة الملابس الااشوف الثوب الي كويته ماالبسه مره انقهرت ولا قلتله ليش مالبسته او شي جاني المطبخ قالي خلاص عاد ابتسمت انو مافي شي بس كنت سااااااااااااااااااااااااااكته ولا تكلمت بكلمه جلسنا ع الطاوله وهو جالس يتكلم بموضوع الفجر قلت عادي مافي شي وابتسمت عصب و قلت انسى خلاص كنت بروووووود مره لان قلبي من داخل يغلي خصوصا بعد ماشفت الثوب بس مابي ابين له اني مقهوره ولا زعلانه تخيلو امدله القمه قال ما ابي قلت مني لا تردني نزل يدي وجلس يقول انو لازم تغيرين اسلوبك ومعرف ايش جلست اطالع فيه وانا ساكته قام ولا اكل يعني جالسه ساعتين اطبخ واصحيه من النوم واقوله مسويت لك اكل ويسوي كذا جلست ابكي من القهر وهو ولا على باله من شوي طلع مشوار صغير مايطول فيه 10 دقايق ربع ساعه بالكثير صارله طالع 45 دقيقه تقريبا انا حاسه انو راح ياكل مع مشواره ودي اقوله بالعافيه شكل الاكل احلى من اكلي بس ابي ابين له اني عارفه انك رحت تسد جوعك ابي اعرف كيف اتصرف معه >>> اكتب وانا ابكي اسفه ع الاسلوب |
فديت قلبك والله اني اضحك على مشكلتكم
الله يخليكم لبعض ويخلي لكم هالمناوشات الحلوة هذه الحين اذا وصل البيت لا تسئليه وين رحت ولا اكلت ولا لا تصرفي عادي.. انتي الظاهر هرمونات الحمل مخليتك شوي عصبية وهو الظاهر بعد ملاحظ هالشي ومو عاجبه الوضع قومي فديتك غسلي وجهك وتوضي وصلي لك ركعتين وروووقي والله مافي شي يستاهل زعلك وبكاك |
في هاشغلات بالذااااااااااااااااات
ماارجح السكوت من حقك تقولين ليش ماقدرتني ولبست الثوب ولا أكلت؟؟؟؟؟؟؟ واغير اسلوبي ؟؟؟؟؟؟؟؟؟ وانت هد من مراهقتك اذا سكتي راااااااااااااح يزودها حبتيـــــــــــن |
ياحبيلك مشكلتكم عاديه جدا وماتستاهل تزعلين نفسك
انا زوجي اذا زعل مني ماياكل من طبخي ولايكلمني كاني مني موجوده طبعا شي يقهر ,,لا وانا الي اراضيه ..واتحايل عليه عشان يرضى والحياه تستمر.. وانت لاتزعلين ولاشي الحياة الزوجية لابد من الملح والبهارات زي مايقولون,,, والله يوفقك |
موب فاهمة من اللي زعلان انتي او هو يعني يتكلم من اي اسلوب زعل!! هل انتي صرخت عليه؟ او طلبتي يضبطه بعصبية شوي! تحياتي |
وعليكم السلام ورحمة الله وبركاته يااختي الكريمة لازم تفهمين زوجك بكلام طيب وتعتذرين له وتقولين له : أن عصبيتك سببها الحمل وان له تأثير على مزاج الحامل وقولي له بدلع ك معليش اتحملني هذه الأيام وبإذن الله برجع لك مثل أول وبعدين بصراحة أنت المخطئة ليش عصبتي لما مزح معك بما أنك عارفة انه مزح المفروض ماتزعلي قولي له بدلع عورتني او انتبه على ولدك وبعدين انا ملاحظة أن زوجك فرح انك غسلتي ثوبه وجلس معاك للفجر من الفرحة وبعدها من كلامك واضح انك تتتمنني عليه انك قمتي تسوين غداء وأنت حامل وهذا يدل على انك مقصرة ومهملة أموره وهو صابر علشانك وهذا دليل على حبه لك لا ياحبيبتي عادي كثير يحملوا ويغسلوا ويطبخوا وإذا هو جزاه الله خير متحمل وراضي عن التقصير من حبه لك فأعتقد أقل شيء تعمليه له انك تقابليه بدلع وحب وتشكريه دائماً وتمدحي وقفته بجانبك مو تعصبين من مزحه أحس زوجك محتاج منك رومانسية وإهتمام ومدح وانك تحسسيه انه كل شيء في حياتك وأعتقد هذا مايطلبه كل الرجال فلا تحرمي زوجك الطيب منه. |
السلام عليكم ورحمه الله وبركاته
اختي العزيزة ترة هاي المشاكل طبيعيه جدا في الحياة الزوجيه وكل المتزوجين يمرون بيها وانا مع راي اختي الكريمه ام جمانه اوافقها على رايها وان شاء الله الهادئة والسعيده |
اقتباس:
كلام اختي من جمانه الله يحفظها سليم .. واضح ان زوجك مدللك بدليل ان ياخذ ملابسه المغسله و انك تفضلتي عليه و ظليتي سهرانه عشن تغسلي الثوب و تكوينه .. و ايضا رجع من الدوام و بعدين انت قمتي طبختي الاكل .. يعني زوجك يرجع من الدوام و ما يلاقي اكله جاهز .. ليش انت تنامي طوول اليوم ؟؟ اذا كنت تنامي طووول اليوم فهذا الخمول هو اللي تاعبك .. يا محلا الحامل و هي تقوم بابسط واجباتها من طبخ و غسيل و تنظيف . فالحركه للحامل مفيده .. ربي يقومك بالسلامه .. |
الى اختي اميرات اسال الله ان يسعدك ويخليك لزوجك وعيالك الله يرزقك الجنه ووالديك وكل مسلم،
دائما تعجبني ردودك تدل على رجاحة عقلك واتزانك الله يوفقك ، |
اقتباس:
:22::22: |
| الساعة الآن 05:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©