|
ما هي أفضل مناطق دبي ؟
السلام عليكم
حبايبي ياأهل دبي ومن زارها الغالين ابي اسأل ماهي افضل منطقة في (((دار الحي)))دبي هل هي: 1-الديرة 2-بردبي 3-البرشا ارجوكم ساعدوني لاني نويت اروح لدبي وانا اول مره اشوفها ولا ادري ايهم افضل ؟؟؟ |
السلام عليكم حياج الله اختي في دبي واتمنالج رحله سعيده واقامه ممتعه
ما اعرف انتي حددتي 3 اماكن من اي ناحيه بس دبي كلها حلوه واحسن مكان من اللى ذكرتيهم البرشا منطقه راقيه وبر دبي منطقه فيها فنادق كثيره ومزدحمه بس احلى المناطق في دبي برأيي الشخصي جميرا فيها مركز ميركاتو وجميرا بيتش وبرج العرب وجميرا ووك ممشى جميرا والبرشا فيها امارات مول ولاتنسين دبي مول اكبر مول في العالم هذا تم افتتاحه قريب ومرسى دبي وابن بطوطه مول بر دبي فيها مركز وافي حياة روتانا مركز برجمان وديره فيها سيتي سنتر دبي وحمر عين وغيرها الكثير الكثير من المراكز احلى فنادق برأيي فندق اتلانتس فندق قصر السلام في جميرا جميرا بيتش شانغريلا على شارع الشيخ زايد ودوست دبي فندق على طابع تايلندي عجيب ولاتنسين قرية التراث فيها مطعم البوم مطعم سفينه يمشي على الخور وفيها الباص المائي ومتحف دبي في الخور اذا انتي من محبين التراث. بالنسبه للحدائق المائيه العجيبه حديقة وايلد وادي ووندر لاند بالاضافه الى الحدائق العاديه الكبرى مثل حديقة الصفا في ام سقيم وحديقة الممزر بس هذي اكثر الاماكن الحلوه في دبي اكثر شي جديد جميرا ووك ومرسى دبي ودبي مول ولاتنسين ابتاون مردف مركز مفتوح على الجو وستايله اسباني جي فيه مطاعم ومحلات ونتمنالكم اقامه ممتعه في صيف دبي واذا عندج سؤال حاضرين تحياتي |
اخوي ضاحي الف شكر لك على معلوماتك اللي اكيد باستفيد منها
|
اهلاً بحبيبتي فراوله وانا كمان اعتز وافتخر بصداقتك ولي الشرف بخدمتك
لايفوتك الجلوس في الليل على شاطئ الجميرا نظافه وجلسه بحر ترد الروح احنا لازم بعد الساعه 12 نروح عالبحر الى الفجر انصحك روحي هاليومين لان في شهر 8 تزيد الرطوبه مره لي عوده |
السلام عليكم
حبيبتي حرم المعلم شاكرة لك من اعماقي يالغالية وانتظر عودتك علشان تثريننا انا والاخوة والاخوات بالجديد تسلمي ياقمر واقول لك لاعدمناك |
السلام عليكم ورحمة الله وبركاته
اتمنى من اختي الغالية فراوله تسمح لي المشاركة او بالاحرى اللقافــــــــــــه ههههههه الاخت اذكرت ثلاث مناطق ( 1-الديرة 2-بردبي 3-البرشا احنا اتفقنا ان نسكن في مول الامارات ... لانه فيه مجمع تجاري وانا (اعتقدت) انه في الوسط ووقريب من اغلب المجمعات التجارية ... وفي خاطري اسكن الجميرا بيتش ا1_لسؤال هو هل الجميرا بيتش يعتبر قريب من مول الامارات ودبي مول ؟ 2- ماهي الاماكن الترفيهية في هذه المنطقة؟ |
ولايهمك
"]اولا المناطق المذكوره ديرة والمعني بها بر ديرة بها المراكز التجارية ( ستي سنتر ، مركز البستان وبه فندق راقي وبسعر معقول ، سوق الذهب ، سوق نايف ، مركز حمر عين ، مركز وربة ، مطار دبي ، مركز الريف والكثير الكثي )اما منطقة بر دبي ويحتوي ( شارع الشيخ زايد وبه مجموعه من الفنادق الراقية مثل ابراج الامارات ودبي مول ومركز الواحه ومركز برجمان والمرسى وفندق برج العرب ومركز موركاتو )والكثير الكثير اهلا وسهلا بكم بدار زايد ودار بوراشد
|
بصراحه انا افضل اسكن بالمطقة اللي فيها امارات مول والجميرا عن الزحمة بس يا ريت من عنده خبرة والا من اهل الامارات ودبي يقولي عن مول دبي فيه فندق والا لاء؟ احنا اول نزولنا راح يكون في فندق اتلنتس لكن بعدين نبي انغير يعني ابي مجمع وفيه فندق واول الخيارات كان امارات مول بس سمعت انه مافيه العاب حق اليهال؟؟ فياليت لو حد يفيدنااا ؟ واكون شاكرة |
بالعكس
:21::21:اولا اتلنتس بعيد عن امارات مول ، ثانيا امارات مول بجواره شقق فندقيه راقيه واسعارها افضل عن اتلنتس وثالثا امارات مول به المدينه الثلجيه يعني اليهال بيستانسون اخر وناسه والشقق الفندقيه في ظهر امارات مول وشكرا:21:
|
| الساعة الآن 12:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©