|
مشكلتي مع اخي والخوف الدائم
السلام عليكم ورحمة الله وبركاته اخواني واخواتي كثر ماضاقتي بي الدنيا الا عندي امل بطرح لكم مشكلتي واتمنى بكل امانه الاقي الحل والله مدري من وين ابتدي في كل يوم اتمنى اموت اتمنى اني ماخلقت على وجه الآرض صايره ما انام الليل مثل العالم والناس انام في رعب وخوف من المجهول اللي زرعه اخوي فيني ترتيبي من الاسره الثالثه واحنا عددنا خمسه .. بداية مشكلتي اخوي انسان شكاك لدرجه الجنون كان قبل اربع سنوات يسافر خار ج السعودية لآجل اللعب .. سئلني مره .. قال .. اللي يلعب ببنات الناس وش عقابه قلت كماتدين تدان << يعني من طق باب الناس طقو بابه قلتها وياليتني مت وماقلت هالكلمه اللي أثارت المشاكل بالبيت بدا يشك فيني ويخاف علي لدرجة سحب الجوال ماصرت اطلع للجامعه عشنا بجحيم معه كل همه مايبي يجيني شي من كلمة كماتدين تدان مره كنت سهرانه على الاب توب بس بدون ما ادخل النت المهم جلس يحقق معي في كل صغيره وكبيره جلست اتكلم معه واناقشه وهو عصب لنو انا قلت ليش وش فيها كما تدين تدان اللي عاقبتني فيها قال انا لازم اخلص منك كوني انا البنت الوحيده بالبت واختي الكبيره متزوجه قلت ليش تذبحني انا ماسويت شي .. قال البنت عار في وقتها كنت مرره خايفه وامي واخوي اللي عمره 22 نايم وانا بسويتي وكون بيتنا كبير مره لو اصارخ ماراح احد يسمعني المهم قال يالله قومي صلي ركعتين انا راح اخلص عليك اليوم مدري كيف تغافلته وهربت اركض عند اخوي الصغير اللي قام من النوم مفزوع ... وجلس يتهاوشو بالبيت والصغير كون له عضلات قدر يطلعه من البيت بالقوه انهارات اعصابي انا وامي جلست اتصل على خالي اللي ساكن بالشرقيه واقوله السالفه جاء الفجر وجلس مع اخوي وتفاهم الوضع ودخل اخوي مستشفى نفسي عشان يتعالج من الوسواس المهم هالكلام له اربع سنين ومن الفتره اللي فاتت كان كويس واسلوبه معنا حلو بس الحين له اسبوعين ورجعتله نفس الحاله وهو تزوج من سنه ويقول نفس الكلام لزوجته يقول انا دائما اتخيل اني اذبحك ويخوفها يحط السكاكين لها بكل مكان ويجي عندها بالمطبخ وياخذ السكين ويجلس يلعب فيها قدامها وهي صابره حتى ماقالت لهلها .. الحين اكتب هالموضوع وانا ميته خوف كل شوي اخاف من خياله يدخل علي .. هو طيب مررره وحنون وحساس .. بس ساعات يقلب انسان ثثاني لدرجة مايفرق بيننا او امي يهاوش ويزعق ودايما تقل زوجته انو يتحلم بالليل ويصارخ راح عند طبيب نفسي وقال معك اكتئاب وصرف له دواء بس سالفه القتل دائما براسه وبالنت يتصفح المواقع اللي فيها قتل وجرائم انا خايفه مادري وش فيه خايفه على نفسي وخايفه على زوجته ابي ارتاح ابي اعيش زي الناس بأمان في البيت للعلم بيتنا مو مرتاحين فيه لدرجة انو نسمع اصوات وحركات غريبه لدرجه يقشعر منها الجسم انا مادري وين اروح احس انو مررره يئست وكرهت كل شي حتى نفسي كرهتا بليز اللي عنده مشوره لايبخل علي ودعولي انو الله يهديه ويريح بالي انا محتاجه دعائكم |
غاليتي حزن ابعد الله عنك الحزن وابدله بالفرح والسرور
واضح جدا تصرفات اخيكِ غير طبيعية ... وواضح انه اصبح خطر عليكم وعلى زوجته ايضا اشك انه يعاني من انفصام في الشخصية ... وهذا المرض خطير جدا يعني من الممكن جدا ان يأذي احد من عائلته ... يحتاج الى تدخل سريع قبل ان تتفاقم المشكلة عنده ... ويصبح هناك ضحايا ... بكل صدق اشعر بالخوف عليكِ وعلى عائلتك ... حفظكم الله ورعاكم من كل مكروه |
اقتباس:
ياهلا وغلا بك خيتي يالغلا يمكن نجهل بعض امور هالمرض بس اخوي مو دائمآ كذا .. تجيه زي النوبات وتمسك معه اسبوعين او اكثر وبعد فتره يرجع طبيعي الحين بهاللحظه جاء لعندي ويتكلم معي طبيعي جدا ويسئلني ناقصني شي انا مادري وش فيه ووش هالحاله اللي تنتابه كل فتره لو تشوفينه بتقولين هذا اصح انسان بالعالم ويجب الناس ويمزح ومو مقصر معنا بشي بس احيانا يقلب انسان ثاني ويصير قاسي واسلوبه جاف ومايكلمنا كل وقته جالس بالظلام ويقلم اظافره بأسنانه واحيانا يبكي هذا اذا مامسكت معه الحاله للقتل او السكين الله يسعدك ياقلبي ماقصرتي بس ابي منكم الدعاء لآخوي انو الله يشفيه من اللي هو فيه |
اول شيء حبيبتي اطلبي من الاداره الكريمه تغير اسمك من
حزن الى انتظر الفرح او انتظر الفرج لان الرسول صلى الله عليه وسلم نهانا عن الاسماء القبيحه وانا سسمعت عن قصة شخص اسمه حزن لا لعلم مدى صحتها القصه تقول بما معناه ان الرسول صلى الله عليه وسلم طلب من الرجل اللي اسمه حزن ان يغير اسمه ولكنه رفض وقال : من وقتها ولم يدخل الفرح بيتنا اعود للموضوع حبيبتي دائما حصني نفسك بآية الكرسي وسورة البقره والصلاة على النبي والله يشفي اخوكي يا رب ضعي الرقيه الشرعيه ايضا مهما كان اخوكي مريض نفسي او انفصام او اي مسمايات القرآن الكريم شفاء لما في الصدور والصدقه داووو مرضاكم بالصدقه |
الله يستر تكون بدايات انفصام الشخصية
ماودي أخرعك لكن لازم يتعالج لو هو المرض فعلا قبل لا يتطور شوفي أحد ممكن يأثر على أخوك وله كلمه عليه ويآخذه على المستشفى ويقول لهم كل الأشياء اللي قلتيها لنا ومو لازم أحد يدري وبهدوء وكل شيء ينحل إن شاء الله لكن لا تخلونه لأن هذا اللي يصير مو طبيعي كان الله بعونكم والله يفرج همكم |
وعليكم السلام اختي
انت كمان الله يهديكي علطول اقتباس:
كان قلتيله انه يطلب المغفره والله يتوب عليه عن معنى التوبة والمغفرة في الإسلام، فعن أنس رضي الله عنه أن رسول الله صلى الله عليه وسلم قال والذي نفسي بيده لو أخطأتم حتى تملأ خطاياكم ما بين السماء والأرض ثم استغفرتم الله لغفر الله لكم، والذي نفسي بيده لو لم تخطئوا لجاء الله بقوم يخطئون ثم يستغفرون الله فيغفر لهم.) صدق رسول الله صلى الله عليه وسلم، وكذلك تذكر أن "كل بني آدم خطاء وخير الخطاءين التوابون" صدق رسول الله صلى الله عليه وسلم. كما أن الشعورَ بالذنب في العقيدة الإسلامية لا منشأَ لهُ إلا بعصيان الله عزَّ وجلَّ أي أنهُ حادثٌ "أي ليسَ موجودًا من الأصل ولكن بعد الوقوع في الذنب" ، وباب التوبة مفتوحٌ مباشرةً أمامَ العبد دونَ الحاجة حتى إلى إفشاء سره أي أن الشعورَ بالذنب حسب العقيدة الإسلامية حادثٌ وعارضٌ أيضًا "لأنهُ ينتهي بمجرد التوبة"، والتوبة كما يقول حجة الإسلام الإمام الغزالي والذي يعتبر من رواد مؤسسي علم النفس الإسلامي (في إحياء علوم الدين) لها أركان ثلاثة: علم وحال وفعل. فالعلم هو معرفة ضرر الذنب المخالف لأمر الله، والحال هو الشعور بالذنب، والفعل هو ترك الذنب والنزوع نحو فعل الخير. ويقول عز وجل:{قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ} صدقَ اللهُ العظيم (الزمر:53)، ويقول رسول الله صلى الله عليه وسلم :"التائب حبيب الرحمن والتائب من الذنب كمن لا ذنب له" صدق رسول الله صلى الله عليه وسلم منقول حاولي توصليله ايميلات بهلمعنى من ايميل ثاني تعمليه مخصوص اشغلوه دايما بالاشياء المفيده انت وزوجته هو كيف التزامه الديني الان |
| الساعة الآن 11:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©