اريد علاج لرمد رضيعتي
 

السلام عليكم
طفلتي تبلغ من العمر شهرين ونصف تعاني منذ شهرين من الرمد عينها على طول مدمعة واذا قامت من النوم ماتقدر تفتح عينها (للعلم عين واحدة فقط) تكون عينها فيها وسخ اصفر بعد النوم رحت لاستشاري عين ورحت لطبيب اطفال واستخدمت اللعلاجات اللي ادونياها بس الى الان مازال الرمد
قرأت عن العسل تنصحوني اجربه لها
ياحليلها عينها مرة حلوة والبنوتة صغنونه قمر تخيلوها بنتكم اش راح تسوو
ارجوكم ردوا
الله يحفظ ابنائكم من كل مكروه

وعليكم السلام والرحمة

عزيزتي

ابنتك صغيرة والعيون حساسةلذلك لاتحاولي تجربي اشياء ممكن تضرها زيادة

العسل ممكن يكون حار على عينها لذلك لا انصحك ابدا باستعماله ولا استعمال غيره من الوصفات
بنتك عندها جرثومة في العين (الرموش) مسببة لها هالمشكلة والجرثومة لايكمكن ان يزيلها وصفات وخلطات من اللي ممكن تسمعين عنه من الناس
فقط اتبعي كلام الطبيب وهو اكيد صرف لك مضاد حيوي لذلك المفروض تستخدميه بالساعة اللي قالك عليها
اقصد بالوقت المحدد بالضبط

وايضا انصحك اهم شي لما تشوفين الافرازات تنضفينها (تمسحينها) بقطن او منديل مبلل بمويا دافية لانها تكون تحتوي على نفس الجرثومة اللي مسببة لها الرمد فكلما تتخلصين منها اول باول يكون افضل عشان ماتستمر العدوى لعينها

انا عندي بنت اختي لها الان سنة وشهر لما انولدت كانت تعاني من نفس مشكلة بنتك بالضبط

وكنت اقول لاختي تنظف عيونها باستمرار ..واختي ماتحب المضادات الحيوية والادوية ما اعتقد انها استعملته لها وصحيح طولت المشكلة معها بس الحمدلله راح من كيفه والحمدلله الحين مافيها اي شي..


اهم شي زي ماقلت لك نظفيها بالماء الدافيء واتبعي المضاد بدقة مدة معينه فقط اللي يقول لك الدكتور اذا اسبوع بس اسبوع لاتطولين عشان مايضرها كثرة المضادات وهي صغيرة


ولاتخافين ماراح تطول وتروح باذن الله

ربي يشفي لك بنتك ويحرسها لك يااارب

د. المتفائلة

جزاك الله خير دكتورة المتفائلة سعدت بردك
بس لو طول معاها الالتهاب مايأثر بعينها ؟؟
قريت ان الرمد اذا طول بالعين ممكن يسبب العمى؟
وانا استعملت معاها مضادات وادوية قطرات لمدة 20 يوم واتحسنت اسبوع بعدين رجع لها زي اول وقال الدكتور ارجعو استخدمو القطرات بس مااستخدمتها خفت اكثر عليها
يعني بس تنصحيني امسح عينها بقطن مبلل دافي وبس بدون قطرات وادوية
شكرا جزيلا
بانتظارك

اختي دحومي
لو كنت ترضعينها طبيعي قطري بعينها من حليبك
مره ممتاز لعيونها واسالي مجرب

لا
ان شاءالله مايضر

طيب هو ماحدد لك مدة معينة ؟؟

الصراحة انصحك باستخدامهن كلهن الادوية والقطن

عشان مايطول ويروح ان شاءالله والقطرة جداا مفيدة في تعقيم العين عشان مايصير من مضاعفات الرمد لاقدر الله بعدين التهاب في العين من داخل (الغشاء الداخلي للجفون )
لذلك استعمليه زي ماقال لك الدكتور والمدة اللي قال لك حتى لو تحسنت لانه ممكن تتحسن بس يبقى بقايا للجرثومة المضاد يقضي على البقايا
ولاتخافين ان شاءالله بسيط والدكتور اكيد مراعي انها صغيرة لذلك لاتخافين

معافاة باذن المولى

!!!!!!!!!!!!!!!!!!!!!!!!!!!!!!!!!!!!



غريييييييييييييييب جدا احس خطأ
جربتي بنفسك؟؟

جزاكم الله خير عالرد
مشكلتها مازالت مستمرة
مااعتقد بغامر بالحليب
لكن بجرب العسل المخفف بالماء
وامسحها بقطن
اما الادوية والقطرات خايفه منها

أعتقد المغامرة بالحليب أفضل من المغامرة بالعسل

عالأقل الحليب الطبيعي ناس كثير مجربينه للأطفال

والعسل محد ينكر فوائده لكن ما أدري كيف بتكون نتيجة مع الصغيرة

وأيضا لاندري هل العسل مضمون وطبيعي 100 % أم لا

والقرار الأخير بيدك