|
معاناتي مع سلفتي
السلام عليكم ...
كيف الحال جميعا أخوة وأخوات ... أبدأ على طول حتى لا تضيع الأفكار... مشكلتي في سلفتي،،شخصيتها(شديدة الألتزام،، طيبة جدا،،بسيطة جد،،تربية قروية بحته،،نفسية نظيفة جدا،،نكدية إلى حد ما،،غير محبة للمشاكل،،متفهمة إلى حد ما) مشكلتي أنها تعتبرني الصديقة الوحيدة لفضفضة الهموم والنكد(بدل زوجها!)لان زوجها بيرتفع ضغطه مع مشاكل العمل ونكدها يعني يرتفع ضغطي أنا عادي! يا جماعة هل هناك أحد يتحمل أن يكون هناك شخص كل ما اتصل فيك يكون بحاجة للكلام والفضفضة في أغلب مكالماته معك؟؟ يا كرام .. الواحد يا لله يتحمل مشاكل بيته مو علشان يجيه اللي يزيد عليه ... لدرجة صرت أتهرب من مكالماتها وأكره صوت التلفون لما يرن وتكون هي... يا جماعة أغلب فضفضاتها طبعا عن أم أزواجنا وأخوته وزوجاتهم اللي وحدة فيهم أشد نكد منها ومشكلجية جدا وما يعجبها العجب ... طيب ليه ما تصارحيها؟؟. لأني من يوم عرفتها بحكم عدد سنوات زواجي الأربعة وهي أما حامل أو ترضع(والأم تعرف ضرر حيب الأم على الطفل أذا الأم متضايقة أو نفسيتها تعبانة)لان كلامي راح يزعلها جدا وهي حساسة طيب يا ناس وين أروح في نفسي .!!! وأخر ولادة لها طبعا هي ما لها أحد في البلد قريب لها غيري بحكم ان هي مغتربة من يوم زواجها فأنا اللي لازم(انسانيا)تمسك بناتها لين تولد وبعدين يجي أبوهم ياخذهم عنده(وهذي لحالها طامة)بناتها ثقال دم جدا وثقيلين على قلبي لان شخصيتي ما تتحمل أطفال صغار(طبعا أولادي شي ثاني)وبسبب بديت أكره الأطفال أكثر... أسوي هالشي علشان زوجي اللي خايف تأثر علاقته بأخوه بسببي(بالله وين أرو في نفسي؟؟) المهم ان ثاني يوم من ولادتها من شدة نفسيتي التعبانة ارتفع ضغطي وطول اليوم ممدة على الكنبة جنب أولادي لاني كاتمة في صدري همي من كثر هموم سلفتي اللي ما هي حاسة انها قاعدة تستغل نفسيتي بشكل جدا مؤذي... أنا بعد كل مكالمة منها أنفر من أهل زوجي كلهم وهي أولهم يعني ما لحقت أعرف أهل زوجي(مع ان معاملتهم طيبة معي بالمقانة في معاملتهم لها)الا وانا ماخذة لنظرة السلبية تماما منها وانا شخصيتي تتأثر بالكلام اللي حولي. المشكلة الثانية انها بحكم تربيتها القروية المعروف عندهم ان الأهل لما يكونون جيران فهذا معناه دق الباب استأذن وادخل بدون ما تسأل أهل البيت فاضيين أو مشغولين أو ممكن تستقبلون عيالنا عنكم شوي لعبون؟؟(انا ممكن ما يكون عندي عذر غير اني ما أبي أستقبلهم بالذات بناتهم للأسباب اللي ذكرتها...ألقى نفسي بحكم الجيرة مضطرة أجامل وأسوي شي غصب عني علشان ما يقولون طردتهم من بيتي... طولت عليكم ... لكن متفاءلة القى عندكم الخبرة في التعامل مع هالجيران على فكرة كتبت مشكلتي في موقع (مستشار نفسي)بعد ما تأزمت نفسيتي وإلى الأن ما ردوا خبر أتمنى ما تردوني ... أختكم ... أم حمزة |
اعانك الله اختي ام حمزه
المفروض بداية وضعتي لها خطوط حمراء لاتتعداها من ناحية ارسال اولاده ومكالمتها بان تحدد بوقت معين وبعدها لااستطيع ان ارد عليك اما من ناية اهل زوجك فالحاصل الان انك تتحملين اوزار غيبه ونميمه وانتي فقط مستمعه مالذي يجبرك على ذلك صارحيها باني لااحب الغيبه وانها لاتجوز ومابي اسمع سيرة احد اثناء مكالمتنا بتزعل بدايه لكن بتحترمك بالاخر |
السلام عليكم ...
اختي الغالية أشكرك على ردك ... لكنها للأسف حين تبدأ بالشكوى تنتقل إلي عدوى نفسيتها المشحونة وتكرهني في اهل زوجي بحجة ما عندها أحد تشكي له .. ومن ثم تطب مني الأستماع لها وعدم الدفاع عن أي طرف آخر(يعني غصب أسمع وأشاركها النفسية التعبانة وأثبتلها انها الصح وهم الغلط!)معادلة غير متساوية وفيها ظلم لي حتى لو كان الطرف اللي تتحدث عنه غلطان فعلا... صحيح اني أزعل عليها (لا يؤمن أحدكم حتى يحب لأخيه ما يحب لنفسه)لكن لماذا انا مجبرة أوافقها بكل شيء؟ اختي انا لا اريد أن أخسرها لأنها طيبة لكن ليس ها معناه أن تستغل نفسيتي دون الأحساس بما تفعل فيما لو وضعت نفسها مكاني ,,,أنا أستحق ان تكون هي صديقتي لكن ليس بطريقة فضفضة الهموم فقط... وعلى فكرة بناتها يدقون الباب وأول ما افتح يدخلون لا احم ولا دستور ولا لو سمحت لدرجة أضع رجلي أكرمكم الله عند الباب علشان ما يدخلون حين أكون مشغولة بالفعل. وهناك شي مهم نست أضيفه ... أن احدى سلفاتي الأخريات كانت تتعامل معها سابقا بنفس طريقة تعاملها معي الأن وكنت حين أزورها أجدها تبكي منها لان نفسيتها تعبت.!!!.. يعني لم تضع نفسها مكاني أطلاقا...وكأني ما انفع إلا أكون جليسة بناتها أو حمل همومها فوق صدري.. ثم اذا ما اتصلت فيها بين فترة والثانية(من كثر مشاكلها ونكدها)تتصل وتاتب ليه ما تتصلين علي وانا أقعد أتعذر بأي عذر.. ملاحظة مهمة:وجدت نفسي من شدة تعب نفسيتي وزني يتناقص كثيرا وعري يتساقط بشكل مخيف زيادة على اني ارضع بنتي وانا ما ادري ليش. سافرت من شهر تقريبا وخلاله بدأت أسترجع صحتي وحيويتي وقرأت كتاب مهم أنصح الجميع بقراءته الا وهو كتاب(السر) الأن هي عادت من عند أهلها وانا زوجي مسافر وجالسة عند أهلي وما ودي أبدأ اروح أزوها ونفسي مو متقبلة رجعتها بهالسرعة وناوية أعتذر ع زيارتي لها إلى حين عودة زوجي من السفر. آسفة على الأطالة لكن تذكرت بعض الجوانب الأخرى حتى تكمل الصورة... (جميع من حولي ينصحني بوضع الحدود بيني وبينها) |
السلام عليكم ..........كنت مستنية اراء الاعضاء الكرام .............لكن .........
اختي في الله ما دام فيه 140 مشاهدة ولا رد سارد انا بعد اذنك لا تسالي فيها ولا تدوري على حل معها الحل بسيط ابتعدي عنها بحجج بنتي مريضة زوجي عايز ياكل وكدا.......... نصيحتي ابتعدي عنها اللي فينا يكفينا يعني ناقصين هم ناس ثانية فوق همومنا ما تحكي لاختها ولا حد من عائلتها وتسيبك في حالك انت لك اسرة ومسؤولية كبيرة بيت واولاد وزوج يعني ليه لحتى تتعبي نفسيتك معاها كل ما اتصلت بيك اعتذري لها ولو شفتي رقم التلفون لها لا تردي وراح تفهم لوحدها احتجي دايما بانك تعبانة وراسك يوجعك وراح تتعوض انت عوضتيها على الاسغاء الان ادعي لها ربنا يهديها ويفرج عنها في ضهر الغيب وعوضيها على عدم وجودك لتفرغ شحنة الهم والغم على راسك هو دا الكلام ولا يهمك اعتني ببيتك وزوجك واولادك دول الاهم مش سلفتك ...... ربنا معاك وادعيلي اختي جزاك الله خيرا |
عذرا..تم نقله لقسمه الأنسب |
الحل الامثل يا اختي في المواجهه بهذا راح تختصرين الطريق على نفسك ها انت الان بدأتي تتعبي و حالتك النفسيه والجسديه في تدهور .. انا متأكده مليون في الميه انها راح تتصرف يوما ما تصرف راح يخليك تنفجري فيها .. فقد يكون هذا اليوم قريبا او قد يكون بعيدا .. احسن لك تقولي لها يا فلانه انا تعبت من اسلوبك و من طريقتك و ما ابغى اخسرك يوم من الايام .. انا نفسيتي يعبانه من كلامك .. اما مو ملزومه اسمع كلام عن الناس .. انا طبعي كذا اتعب لما اسمع كلام عن الناس .. انا وحده في حالي ما لي شغل فلانه عملت كذا او علانه فعلت كذا .. انا وحده ما احب انكد على حالي باخبار غيري .. عندك كلام يفرفش و حلو هاتي غير كذا انا اصبحت مريضه من كلامك .. وبالمره قولي لها بناتك يا ليت ما يجون الا في اوقات محدده عشان انا احيانا اكون مشغوله و ما احب احد يقاطعني عن شغلي .. هي في البدايه صعبه .. لكن الاصعب انك تعيش هذا الوضع لسنوات و في النهايه راح تنفجري فيها و تواجهيها .. انهي المهمه هذه في اسرع وقت و ارتااااحي .... لكن انت في نفس الوقت قولي لها ان هذا الكلام في مصلحتها هي ايضا .. هي راح تزعل او تتفاجأ لكنها راح تستوعب كلامك في النهايه .. قوي قلبك خيتووو هذا النوعيه من الناس ما ينفع معها الا الكلام المباااشر اللف والدوران ما ينفع معها.. |
على فكره انا مررت في موقف شبيه لموقفك و تعبت نفسيا .. لكن في النهايه صار موقف انفجرت و قلت كل اللي نفسي فيه و في النهاااايه ارتحت و هذه المرأه عرفت حدودها لكن الحمد لله العلاقه ما انقطعت لكنها صارت بحدود بحكم انها قريبه لي و ما اقدر اقاطعها .. |
الله يعييينك يا اختي والله اني حاسة فيك
لكن المشكلة اني اعاني من هالمشكلة مع ضرتي تخيلي يااا كثر كلامها وقصصها اللي ما تنتهي وانا بدأت تأثر فيني وبنفسيتي .. والمشكله طيبة كثير وانا صرت اتضايق من كلامها وشكاويها ولا عرفت احط لها حد وخايفة اقول لزوجي وافقد ثقتها فيني من ناحية واسبب مشكله بينهم من ناحية ثانية ! لكن نصيحة اختي اميرات سأخذ بها باذن الله وسأواجهها واقول لها اني اتعب من الكلام هذا كله وبشوف شيصير |
كلام خاله اميراات عين العقل .. مالك الا انك تواجهينها .. و ممكن تجيبيها بضحك ..
اذا اتصلت عليك .. على طول قولي لها شوفي اذا بتبتدي بالشكوى و الهم الله يخليك لا تكملي فيني الي مكفيني .. مانبي نتكلم على الناس و ناخذ ذنوبهم .. مرة على مرة لحالها بتمل ... بناتها اذا دقوا الباب .. مرة لا تفتحي .. و اتعذري انك ماسمعتي و كنتي نايمة و مرة ثانية افتحي و قولي لهم عمو نااايم و مايبغى حد ارجعوا بيتكم و اول ما يصحى بناديكم و طنشي .. و مرة ثالثة قولي لهم طالعين الحين .. او عيالي عندهم امتحان و برضو مرة على مرة بتفهم على نفسها و بتبطل تبعثهم ... الله يعينك ولو تقدري تنقلي شقة ثانية بعيد يكون احسن |
يوووة كأنك تتكلمي عني مع سلفتي
تصدقي انا ما ازور اهل زوجي الا مررة في السنة يعني علااقتي فيهم ممتااازة جدااا ولله الحمد بس ارووح عندهم تجي سلفتي وهااتك ياااحش وانااا خلااص تبدء عندي مشااعر الكرررة تخيلي وربي ما كنت ادري وين ربي حاااطني بس احد يحط بأذني كلمتين خلاااص اتأثرر مرررررة واغلب فضفضتهااا من زووجهااا وام زوجهاااا الى ان جااابتلي العصبي بعدهااا بدأت من نفسي لما تتكلم في خصوصيااتها اقوولها لا تقوولي كذااا هذاا زوجك ابوو عياللك والا المفرووض ماحد يعرف عن مشاكلك معااااة ولله الحمد صاارت علااقتي فيهااا سطحية جداااااا كيف الحااال والعيااال وبـــــــــــــــــــــــــس وارتحت ولله الحمد حتى صرت احب انزل عند اهل زووجي لكن قبل كنت اشيل همهااااا حاااولي تسكتيهاااا بأسلووب طيب وعيااالها هي الي جاابتهم هي الي تهتم فيهم الله لا يهينهاااا زيااارااات قوليلهاا في وجهها ياليت لو تعطيني خبرررر قبل ما تجي والله ما فية احسن من الصراااحة ولا تجي على نفسك كذاااا الى ان تنهاااري وهي مبررردتهاا في الفضفضة الله يعينك ياااااااارب |
| الساعة الآن 06:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©