|
أضحك بوجه زوجي لما يعصب علي
السلام عليكم ورحمة الله وبركاته
كيف حال الجميع00 من زمان عنكم الله يذكركم بالخير عندي موضوع وحابه تساعدوني فيه الله يجزاكم خير من لما اتزوجت واي نقاش حاد بيني وبين زوجي يتم عادي زي اي زوجين لكن من شهر تقريبا او اكثر وانا لما اشوف زوجي يرفع صوته مثلا ومعصب طبعا في هالحال اكون برضو معصبة على طول اضحك مرات اتحمل واصد عنه واضحك ومرات ماقدر بوجهه اضحك!!! سبب الضحكة انه لما اشوف وجهه وهو يرفع صوته اتخيله ( حطو ع الكلمة 20 خط) انه مسوي فيها قوي ورجال البيت وراح يسكتني - وفيه سبب ثاني انه لما يتحمس يخربط بالكلام والله امس صارت مشكلة وكنت ابكي بقووووة جا يناقشني بس شفت وجهه ضحكت بقوة!! هو تفاجأ راح المرايه يشوف نفسه يقول فيه شي بوجهي يضحك!! تخيلو دموع وفجأة ضحك!! احس راح يحتقر زعلي بعد كذا صح؟ ساعدوني كيف اكون جدية بوقت الزعل والله غصب عني اضحك موبيدي ماكنت كذا ابدااا ومشكورين |
فعلا موقف غررررررررررررريب مين له نفس يضحك ذيك الوقت انا لما يرمي علي كلمه احس ان البيت مو اخذني وقلبي يدق بسرعه عموما ما تمرين به نعمه
تحسدين عليها |
ههههههههههه .. سبحان الله .. تصدقين اني نفس مشكلتك .. ما ادري ليش اتيني الضحكه .. مع اني من داخلي متضايقه واحس قلبي مقموت من كلامه .. المشكله من اضحك زوجي يعصب زياده ويقول تستهينين بكلامي .. مع اني لا استهين ولا شي .. بس ما ادري ليش اتيني الضحكه لدررجه ما اقدر امسك نفسي .. آخر شي توقعته اني اشوف احد عنده نفس هالمشكله الغريبه .. بانتظار حلول الأعضاء
والله يهديك ويهديني |
والله يكون شكلهم يموت ضحك وانا مثلك
والله امسك دموعي في عيوني عشان ما يشوف ضعفي ولكن ضحكتي ما اقدر امسكها مره عمره رح يوقف العصبيه ويقول ما تعمل معها مفعول خليكي هيك افضل كووووول يعني واحد بارد وواحد حامي احسن ما يكونو الاثنين حاميييين وينقلب بزعل |
معناه ياشوشو ان شخصيتك اقوى منه وان هواشه مايهمك انا زوجي لمايعصب ويكون بايبدي شئ يطيح مني من الخوف ومافيه امل اتا مل بوجهه وكلماته كانها خطبه ماشالله عليه مايخطئ ويقول شئ يحرقك من جوا الله يحفظه لك |
ماحد فاهمني غير جوري يمكن لانها تمر بللي مريت فيه
زوجي شخصيته قوية جدا وعصبي وعلى فكرة لما يعصب مررة اخاف منه لدرجة احيانا مارد عليه من الخوف واحاسبه لما اشوفه مرووق اما الوضع الان تغير 00 لما نتناقش ويحاول يسمع مني الكلام يبدا كل واحد يدافع عن نفسه فجأة لما اشوف وجهه اضحك!! والله ماكنت كذا اول ابداااا بالعكس كنت اناقشه بكل جديه!! والمشكلة اضحك وانا محروقة من جوا ابغى اناقشه ابغى اعاتبه لكن شكلي ماله داعي اضحك واعاتب!! ع فكرة لما اضحك اكون اضحك وانا معصبة!! مادري فاهمين علي او لا بعدين احاول اتماسك واكمل النقاش 0 بس اكيد راح يحتقر زعلي مادري والله وش حاصل لي!! الف شكر للي ردو علي |
أهلين شوبارد عودا حميدا ..
كيف( كتكوتك) أتمنى يكون بخير.. حقيقة ضحكتك ما لها داعي ,, ويحق لك تتضايقي من تصرفك !! وأتوقع كل ما حاولت تتفاعلين مع موقف زوجك وتتفهمين سبب ودواعي غضبه بيكون عندك دافع للجم تلك الضحكة !! ويكفي شعورك يا شوبارد أنها ما لها داعي ! |
شيهانه
الحمدالله كتكوتي بخير ع فكرة لما اضحك اكون برضو زعلانه واحيانا هو يكون غلطان علي يارب ياكريم تبعد عني هالضحكة بوقت الزعل |
لا ما تبعدبها
لانها تطفي حدة الوضع قليلا |
اهلين اختي شوبارد .. وين هالغيبه يا عزيزتي ؟؟ بصراحه انا مت من الضحك وانا اقرا موضوعك .. لان اختك مثلك .. و حتى زوج اختك كمان مثلك ..خخخخ شوفي انا نادر ما تصير مشكله بيني و بين زوجي .. لكن احيانا تصير اختلاف في وجهات النظر و كل واحد يرمي كلمه على الثاني وكل واحد يمثل ان ماد بوزه. ونظل ساكتين ما نكلم بعض لكن يا شيخه من اطالع في وجهه و هو ماد بوز امسك ضحكتي بقوه واذا هو يبغى يطلب مني شي مثلا كاسة شاي او اي شي يبان عليه ان ماااسك ضحكته بقوه لان كل واحد فينا يعرف انه يمثل على الثااااني ... خخخخخ مدري فهمتي شي من اللي كتبته واذا ما فهمتي قولي لي عشان اشرح لك اكثر .. لا تشيلي هم ياقلبي حمليها خفيف على قولة حبيبة قلبي قرين .. |
| الساعة الآن 08:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©