|
ما رايك بالاقتران بمتزوج ذو خلق
السلام عليكم
طبعا هذا المنتدى احب المنتديات الي والحمدالله فيه افكار واستشارات احس فيه رقي وذوق مع من تتحدث سؤالي : طبعا في هذا المنتدى فيه جميع الاصناف متزوجات ومطلقات ومتأخرات وارامل وصغار وكبار لكن سؤالي : هل توافقين على رجل متزوج ذو خلق ودين وهل تؤيدين ذلك ارجوا توجيه هذا السؤال خاصه للمجربا ت وهل تنصحون بذلك لان الكثير من يتخوف من هذا ارجوا وضع آرائكم وتجاربكم القيمه وشكرا اسباب التأيد أسباب الرفض أرجو ذكرها |
عفوا ..تم نقله لقسمه الأنسب ..المقبلين |
اوافق .. في حاله وحده .. طبعا اذا صارت اخلاقه كويسه والتزامه بعد كذا اذا فيه ميزه تخليني اوافق عليه واتـرك الغير متزوج .. سواء بوظيفه او مركز او شي اوافق .. لأنه على الأقل يكون مقتدر .. امـا اخذ متزوج وانـا عارفه ان وراها مصروف بيتين واولاد وعائلتين وحوووسه .! ماتوقع اذا مافيه شي يغطي على شي .. |
والله ياأختي العزيزة في وقتنا الحالي صاروا أغلب المتزوجين غير موثوقين !!
ويخوفون بصراحة !! يأخذ الثانية مجرد تسلية وعبث !! ماأقول كلهم لكن الأغلب !! وكما تعرفين وأعرف ويعرف الجميع أن الرجال حالياً صاروا يتخلون عن المسؤولية وانتشر عندنا أن الأم صارت ( أم وأب بنفس الوقت ) !! فما بالك بالزوجة الثانية ؟!! لو رجعنا للوراء قبل كم سنة تلاقين في البيت زوجتين الى اربع وماشيه حياتهم زي الحلاوة ! تدرين ليه ؟؟ لأن الرجال قدّ المسؤولية ويعرف وش دوره في البيت مهب تارك الحبل على الغارب زي الرجال حالياً وتبينه يتزوج ثنتين !! طبعاً فيه نوادر وحالات استثنائية يكون المتزوج فيها جديّ في طلبه وقدّ المسؤولية !! أما غيره فعليهم السلالالالالالالام !! ! |
لا طبعا ما اوافق ولا حتى افكر بالموضوع الا اذا وصلت عمر محدد او اظطريت
والأ من الصعب تشتيت العوائل ومشاركة زوج بزوجته واكيد اذا عنده اولاد راح اكون ممقوته عدهم وتبدي حروب وحياه مالهه طعم انا ما اقبل احد يشاركني بزوجي فكيف ارضاها لغيري؟!! او ممكن اقبل اذا ما كان عنده اطفال هذا السبب الي يقنعني بالزواج من رجل متزوج ومع ذلك يكون بموافقة زوجته ومشكوره على السؤاااال تحياتي |
البنت بس توصل لعمر معين وتحس انها خلاص مراح تتزوج شخص أعزب كفئ
طبيعي راح تتنازل وتقبل بمتزوج و بإطفال على أمل أن يوفر لها الاستقرار على الأقل لأنها بتشوف ان احلامها وآمالها تبخرت تحت وطأة عوامل كثير وما بقى إلا أمل الاستقرار مع نصف رجل على مضض طبعاً والا مو ذيك الفرحه والبهجة .. بس شي يمشي الحال واضطرار يقضي الحاجة .. مثل الدواء .. ماحد ياخذ دواء إلا مريض مضطر |
أنا الصراحة أويد التعدد لأن البيوت متروس بنات عوانس اسألو عن الاحصائيات لدى الجمعيات الخيرية قسم التوفيق والسعي وشوفو عدد طلبات الزواج وسألو عن عدد العوانس بالبيوت كم ياناس البنات صارت احصائياتهم ضعف احصاية الشباب يعني البنات اكثر من تعداد العيال بكثير شي يخوف والله يوفق الجميع
|
السلام عليكم انا ايضا من مؤيدي تعدد الزوجات او قبول الفتاة برجل متزوج والسبب طبعا ارتفاع عدد الفتيات التي اعمارهم كبيره وغير متزوجات اؤيد ذلك لانه شرع الله ولان فيه مصلحه للمجتمعات المسلمه ودرءا للفتن والمفاسد وربنا يستر على جميع شباب وبنات المسلمين اللهم آمين.. ملاحظه :- كلمة "عانس" كلمه قاسيه على الفتاة اتمنى ان ننتقي الفاظنا بشكل افضل لانهن اخواتنا في الله وما اكرمهن الا كريم وما اهانهن الا لئيم .. |
عليكم السـلام أمر حاليـاً بهذا الوضع وأكاد أن أكون قــاب قوسين من القبول ،، سأظل بالقرب .. مــــتابعة |
السلام عليكم اختي الكريمه "fOosh!a" استخيري الله انت لا تعرفين اين هو الخير ربما يكون في هذا الزواج من متزوج وربنا ييسر لك اللي فيه الخير ويسعدك. ملاحظه :- انا شاب ولست فتاة ولكن اسمي في المنتدى قديم ويدل على فتاة سوف احاول تغيرره اذا وافقت ادارة المنتدى.. |
| الساعة الآن 11:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©