|
بقاء زوجتي عند أهلها طوال فترة النفاس أتعبني
السلام عليكم ورحمة الله وبركاته انا رزقت بمولودة ولله الحمد سميتها تالين .. http://forum-static.hawaaworld.com/i...ilies/love.gif زوجتي سفرتها عند اهلها بعد خمسة ايام من الولادة لان ما عندنا خدامه وامي الله يطول بعمرها طالعه شقتي نازله بالاكل والشرب عشان كذا سفرت المخلوقة . فالمهم : زوجتي الله يهديها بتجلس النفاس كلها هناك انا بصراحة اعجبتني الاجواء هناك اخذت اجازة خمسة ايام وجلست اسبوع خلال الفترة هاذي تعلقت بالبنوته الله احفظها هي وامها ..تعلق بشكل غير طبيعي.http://forum-static.hawaaworld.com/i...ies/icon36.gif خلصت اجازتي فرجعت علشان الدوام ومأمن عمل صديق لي لانه بيتزوج كلفني المدير بهالشي والا كان قعدت معاه فترة النفاس كلها .http://forum-static.hawaaworld.com/i...milies/dry.gif اللحين انا سفرتها عند اهلها علشان امي ترتاح وارتاح انا : اشوف ان امي ما ارتاحت وانا ما ارتحت امي : تجهز الغداء العشاء الفطور وتناديني انزل اكل وتقوم بدري علشان تصحيني اروح للدوام يعني شايله همي . لدرجة يا اخوات اني والله احيانا اقول لامي اني تعشيت او تغديت او افطرت واساساً ما تعشيت اروح اجيب من برى ولما اقول لامي اجيب من برى تقول لا انا بسوي وتحلف ! المشكلة الثانية والاساسية : انا والله طفشت جالس بالبيت ولا له نفس اطالع من اخوياي متعود طول وقتي عند التلفزيون وعند النت ومع زوجتي مو متعود اخرج كثير من البيت ولا احب الطلعات ولا الروحات ومتعلق في بنتي ومشتاقله بشكل كبير لدرجة اني لما اكلم زوجتي ما ابغى اسمع صوتها احس ان قلبي بيطلع من صدري . لما افكر اخواتي كلهم 6 ما شاء الله متزوجات ما عمري شفت وحده من اخواتي جت عندنا وجلست اكثر من اسبوع في فترة النفاس !http://forum-static.hawaaworld.com/i...s1/smile27.gif اللحين تقترحون علي اني اكلمها ترجع لاني والله مشتاق لزوجتي ولبتي بشكل كبير واحس بوحدة شديدة وفراغ كبير ، كل ما ادق عليها ابغى اصرخ عليها ما اقدر لاني مدلعها بشكل جنوني بس شكلي بغير هالاسلوب فقلت استشير ما خاب من استشار ... وبعد الاستشارة نرسى على رأي .. http://forum-static.hawaaworld.com/i...s1/smile37.gif واسف على الاطاله عذراً تم تعديل العنوان ليناسب المضمون/الإشراف |
مبروك ع البنوته
وبالنسبه للوالده قالوها [جزاء الوالدين على الله] اما بالنسبه لزوجتك خلها تتم عشرين يوم وبعدين شاورها انها تجي ان وافقت ولا الشكوآ على الله |
وعليكم السلام ورحمة الله وبركاته
حالة طبيعية مع أول ولادة لكن نصيحتي ونا أختك إن تصبر وتترك لزوجتك فرصة ترتاح فيها بعد الولادة ومافيه أحلى من عودة الزوجة بعد ما ترتاح وتستعد لاحق خير |
الحمدلله على سلامة زوجتك والبنوته والله يخليهم لك يارب
من رأي عادي كلم زوجتك وعبرلها عن شوقك لها وللبنوته .. انا بنات عمي اثنين .. وحده زوجها جا خذها من بيت أهلها بعد 10 أيام من ولادتها .. والثانيه .. بعد أسبوعين .. طبعا صار كلام وايد في بيت عمي على أزواج بناتهم ... مع ان البنات راضيات يعني حط في بالك ان لو زوجتك وافقت يمكن أمها ما بتوافق ... بس بالنهايه هذي زوجتك .. مو محتاج اذن احد عشان تاخذها .. أهم شي تكون هي راضيه .,, وأتوقع أكيد هي مشتاقه لك ولبيتها بعدين حط في بالك .. انها لازم تكون مرتاحه لو رجعت بيتها .. يعني ما في شغل وطبيخ وتنظيف لأن حركتها بتكون صعبه شوي .. ضروري على الأقل حد يكون وياها يساعدها غير كذا النفساء ما تتحمل برودة .. لازم طول الوقت تقعد بمكان دافي .. بالإضافه للزيارات اللي ما رح تنتهي .. قصدي زيارات الحريم اللي يباركون .. تناقش وياها بكل صراحة الله يخليكم لبعض و لا يفرقكم |
والله ياأخوي نصيحتي لك تخليها عند أمها عشان تساعدها وهي اعرف بهالشغلات ..
بصراحة تلقاها تعبانة ومالها خلق شيء !! خلها ترتاح والأيام تركض .. وبتجيك إن شاء الله متضبطة ومستعدة ونفسيتها كويسه .. لأن للنفاس كآبة تسمى ( كآبة النفاس ) حرام تخليها عندك محجوره خلها عند أهلها ع الأقل يزورها أحد وتتحسن نفسيتها .. وأنت استغل الفرصة واشغل نفسك بدورة وإلا ادخل نادي رياضي خلال هالفترة ! الله يخليكم لبعض ! ! |
والله اطرح الموضوع بشكل ودي على زوجتك وناقشها بهدوء وهي براحتها لكن حرام تغير اسلوب الدلع لانها ماغلطت
|
نسيت أهنيك بالمولودة الله يحفظها لكم ويصلحها ويخلي لك أمها
ويحفظ لك الوالدة ويرزقك برها |
كنك زوجي بالضبط :)
الله يهنيكم ويبارك لك بالمولودة الجديدة انا في اجازة صارلي اسبوع عند اهلي وباقي لي اسبوع وكل ساعة يتصل فيني تعالي اقطعي اجازتك وارجعي اخي الكريم زوجتك بحاجة ماسة لأن تكون مع امها في فترة النفاس وخاصة انها بكريه تساعدها وتعلمها كل شيء يتعلق بالبنت والعناية بها كما أنها ستحتاج الى الوقت للعودة الى طبيعتها واستعادة ثقتها بنفسها كإمرأة والاستعداد نفسيا وجسديا لتكون معك كما كانت من قبل سلي نفسك بأي شيء اطلع وغير جو البيت .. روح المجالس كلها كم يوم يمرون بسرعة بإذن الله |
بيض الله وجيهكم والله يبارك فيكم يا اخوات اشهد بالله ما قصرتكم واستفدت اشياء ما كنت اعرفها
اشك ان العضوة فلافل من قاريب زوجته ههههههه ...لانها عارفه اجواء المنطقة اللي انا فيها ... وعارفه ان زوجتي في مكان دافي يعطيكم العافية |
انا للان اعاني من الام بالظهر بسبب تعنتي بعدم الراحة خلال فترة النفاس والحمد لله على كل حالخليها ترجع عظامها في مكانها (في عظمة تكسر اثنا الولادة والله اعلم) ..لو ماتعافت الان ماتتعافى بعدينهذا غير النفسية الي بتتعببلييييييييييييييييييز لاتحسسها انك تبغاها ترجع ولاتضغط عليها باي شكل بس قلها مشتاق وبنتظر يكفي
|
| الساعة الآن 02:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©