![]() |
مكالمات زوجي برى البيت !
السلام عليكم ورحمة الله وبركاته .. والله انا في حيره من امري ومالي الا انتم يااخواني واخواتي اعضاء المنتدى .. بصراحه انا في حركه يسويها زوجي وتضايقني مرره .. زوجي العزيز لما يجيه اي اتصال على الجوال او يبغى يكلم احد من اصدقاءه اول حتى اهله لازم يطلع برى البيت يكلم في السياره ولا بالشارع .. (( طبعا الحمدلله زوجي ماااشفت عليه شي ابداا وواثقه فيه )) هو عذره لانه يدخن عشان كذا يطلع يدخن و يكلم مره وحده .. بس انا الشي هذا احسه مرره يضايق يعني مو حلوه صراحه كل شوي طالعي برى يكلم انا مو شاكه فيه ابدا .. بس احس الشي هذا ينرفزني غصب .. طبعا كلمته في الشي هذا وقلتله انه يضايقني مرره .. قال انا متعود على كذا مو عشان شي بس خلاص من يوم انا عزوبي وانا كذا وعشان ما ادخن في البيت .. طبعا مرر الوقت وانا ما حبيت اضغط عليه تمنيت يترك الطبع هذا من نفسه بس مافيه فاايده .. طبعا يمكن اطلعتوا على موضوعي اللي كتبته من فتره عن جارتي وسالفتها .. ومن ظمن كلامها وكلام جاره ثانيه انه انتبهي زوجك يكلم برى بالساعات وانتي ماتدرين عنه !!!!! انا وااثقه في زوجي ومستحييييل اشك فيه بس الموضوع رجع وانفتح مره ثانيه واللي كنت خايفه منه صار يعني فعلا صارت طلعته برى الشقه للمكالمه وااضحه قدام الجيران ولاحظوا الشي هذا .. رجعت وتكلمت معاه في الموضوع هذا واني اتمنى انه يبطل طبعه هذا .. بس اللي صار انه زعل مني وقال انتي تاثرتي بكلام الجيران ومنتي واثقه فيني ومن ذا الكلام .. يعني بالعربي زعل مني مررره .. طيب اخواني الرجال السؤال لكم : هل اللي طلبته من زوجي يزعل ؟؟؟ وانا مكبره الموضوع ؟؟ وهل الرجل يعتبر الشي هذا عدم ثقه فيه ؟؟ ووش رايكم في تصرف زوجي ومكالماته برى البيت ؟؟؟ وكيف اتصرف في الموقف هذا ؟؟ |
السلام عليكم . . . بجد بجد ضحكت من قلبي وأنا أقرأ المشكلة تذكرت نفسي بس يوصلني تلفون أقوم من مكاني وأسير مكان فاضي وأتكلم ومره من المرات طولت المكالمة ... اكتشفت إللي ما يقعد أثناء الإتصال لازم أضل اتحرك وألفلف وشرط ما يكون أحد جنبي عادي اختي الكريمة لا تاخدي في بالك هاد شي بالتعود أنا رأيي تتركي الموضوع ولا تراجعيه فيه أبدا المسألة عادية جدا الله يوفقك ويسعدك . . . أسأل الله العفو والعافية والله المستعان |
أخي فلسطيني .. شكرا لمرورك الكريم .. انا اساسا من طبعي ما اعرف اتكلم واحد معايه يعني اروح لغرفه فاضيه افضل .. بس مو لدرجه يطلع برى البيت في اي وقت حتى لو الساعه 2 الليل !!! احسها مو حلوه حتى قدام الجيران .. |
يمكن زوجك لديه معاملات تجارية ولا يريد أحد يعرف عنها لأنه ربما أنك من النوع الذي ينقل الاخبار
فالرجال مايثقون في المرأة التي تنقل الأخبار -ايضا بعض الناس مايحب ان يتكلم إلا في مكان بعيد كما هو الحاصل معي الآن إذا أردت أن أكلم أحد أو تأتيني مكالمة أنقز من الصالة واروح للمجلس ، ولو جاءتني في المجلس أخرج من المجلس الى مكان أخر وهكذا لكل شخص اسلوبه ولا تدمري نفسك وتهدمي بيتك بوساوس الشيطان فأحب اعيال الشيطان هو الشيطان الذي يفكك أسرة عليك بالدعاء وكثر الاستغفار:26::) |
يعني اني اكلم لوحدي هذا امر طبيعي لكن اني اطلع برى البيت في اخر الليل عشان اكلم هذي غريبة شوي لكن خلي عندك حسن ظن يمكن الرجال متزوج الثانية ومايبيك تسمعين انا اقول يمكن مو اكيد احتمال يعني بسيط ماتتجاوز نسبته 90% خليك متفائلة على طول |
اخوي الكسائي .. شكرا لمرورك .. وانا الحمدلله مو من النوع اللي ينقل الاسرار خصوصا من زوجي .. بس صحيح هو يمكن طبع وخلاص تعود عليه .. وهو فعلا عنده مكالمات بخصوص العمل يمكن مايحب اني اطلع عليها .. بس الى الان احس ان التصرف هذا يضايق !!!!!!!!!!! |
اخوي MANET .. اخوي خلك محظر خير الله يهديك .. انا ماصار لي سنه متزوجه تقولي متزوج الثانيه !!!!!!!!!!!!!! وانا مكالماته كلها اشوفها يعني اعرف اللي يتصل عليه وهو يقولي من كان يكلم .. |
أختي تفائلي خيرا ومادام أنه يحبك ويغليك فلا تتابعين حركاته ومن ثم يزهد فيك
بل كوني وكأن شيئا لم يكن وتغافلي مكالماته فمما ورد عن أحد السلف قوله ثلاثة أعشار العافية في التغافل أو كما ورد والحمد الله أنك لست من النوع النمام لان أكره شيء عند الزوج أن تكون زوجته وكالة أبناء لأهلها وصديقاتها في كل مايحصل في البيت من أمور زوجية وفقك الله وسدد خطاك |
الكسائي .. الله يجزاك كل خير يااارب .. كلامك جدا ريحني ... |
أختي الفاضلة وفقك الله / ربما إنتي تأثرتي بكلام جاراتك وركزتي أكثر على تصرفات زوجك الطبيعية وبدأتي تكبريها لاإرادياً أنا أشوف تصرفه طبيعي جداً خاصة أن عمر زواجكم عام تقريبا وأكيد متعود على هذا التصرف والجارات شئ طبيعي ينظرون له بمنظار الشك أنتي لو كنتي مكانهم لشكيتي في تصرفاته بمنتصف الليل ويخرج يكلم !! عموما أنا قلت لك شئ طبيعي لأنني مثله تماما وقت المكالمات أصول وأجول في مكان خالي وأحيانا أنحرج وقت الزيارات لأني تعودت على هذا الشئ هي تعتبر عادة مثيرة للشك وإن شاءالله أتجاوزها وأغير هذه الطبيعة.. غاليتي لاتنكدي على زوجك وتشكي فيه مدام إنتي تعرفي كل اللي يتصلون عليه ثقي فيه وإقطعي علاقتك بالناس اللي تحاول تدمر حياتك .. والله يوفقك ويسعدك ويسخر لك زوجك ويهديه ويترك التدخين المضر.. |
الساعة الآن 10:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©