ابني اضرب عن الطعام وعن الحليب
 

السلام عليكم ورحمة الله وبركاته

يا امهات شوفو ايش حاصل معايا
عبودي ما شاء الله صار عمره 9 شهور ومن يوم الاحد مضرب عن الحليب بشكل تاااااااااااااااااااام
وبياكل قليل جدا جدا يعني ممكن تعدي 14 ساعه من دون ما يحط في فمه شي

اذا اجبرته على الاكل بيستفرغ واحيانا بالاحظ انه فيه الاكل اللي اكله اليوم وامس بالليل!!

ولما ينام احنا متعودين على طقوس بغيرله والبسه البيجامه واحطه بسريره وفي فمه المصاصه يمصها شويه وبعدين بيرميها وينام من احلى ما يكون من دون صياح ولا بكاء..الان صار يقعد يبكييي ومو راضي ينام مع انه تكون وصلت 3 الفجر !! وما بينام الا بعد معركه طويله ..


وديته على الدكتور فحصه قالي ما شاء الله تبارك الله مافيه شي الحمدلله لكن في 4 اسنان بتشق طريقها في الفك العلوي كلهم مع بعض..
اعطاني مسكن للالم وبدات اعطيه اياه ما بلاحظ اي فرق في تصرفاته فبطلت اعطيه ..


الولد الان بياكل مره قليل ما تتصورو قد ايش والحليب من يوم الاحد ما حطه بفمه فاضطريت اني اخلط مع الاكل القلييل اللي بياكله طول اليوم شوبة حليب على الاقل شيء ارحم من لا شيء..

انا كثير مضايقه من الوضع لاني ما شاء الله محافظه على الولد ومهتمه بنظام اكله ونومه ونظافته والدكتور حتى لاحظ وقالي باين انه فيه اهتمام ممتاز بالولد وبعد كل جهدي يروح وتتعب صحته ويضعف وقلبي يتقطع عليه :(

هل حيستمر الوضع كذا لانه الاحظ فيه سنّه وحده طلع راسها لكني ال3 الباقيين لسه مورمين كثير لكنهم ما شقو لسه ..
بس فيدوني الى متى حيستمر الوضع ؟؟ وهل حيرجع ابني ياكل زي اول وينام زي اول؟؟
ولا خلاص حنستمر على هذا الموال وحتصير عاده عنده؟
والغريب انه الاسنان اللي تحت لما طلعت من قبل كم شهر ما بهدلته زي الان.

ياليت الامهات يفيدوني واسفه لاني طولت عليكم..

اربع اسنان يا قلبي عليه

نحن سن واحد ولا نستطيع ان ننام او نأكل


ما تخافي ان شاء الله يعوض الاكل كله وقت تظهر اسنانه


وثم ايضا الانياب اقوى والاضراس انتبهي



حاوولي اعطيه بندول او ادهني له البنجلو على النيره


ناطرين السنينيه

هههههههه ايه والله يا قرين
ال 4 اللي فوق عرفتيهم
الاثنين الكبار اللي بالوسط مع اللي جمبهم


الله يعينه .. يعني تنصحي استمر على مسكن الالم حتى لو ما لاحظت فيه تحسن بمزاجه؟

فددديتتتو حبيبي ..

كله من التسنيين لا تقلقي ..

تدري في مثل عندنا يقول في مامعناه .. لو امي عرفت الم تسنيني لا قتلتني بيدها عشان تريحني ...

شفي لاي مدى !! ... سبحان الله يالمهم بس مايقدروا يعبرو .. تلاقيهم هكذا بكاء بدون سبب و ضيق

لا اكل ولا شي ...

ابني كان كدا .. مايرضى ياكل اي شي الا صدري بس ... و برضو مسكين يرضع و شوي يبكي و شوي يرضع

لانه اللثة تكون مررة متورمة و ايش شي يألمه ولو كان خفيف ...

حاولي تركزي على المرق و الشوربات اكثر من الاكل الصلب ..

اشتري له المرهم الي ينمل اللثة عشان يخف الالم ... جيبي له العضاضه

بس حطيها بالثلاجة قبل عشان تبرد لثته ..

شوفي يوسف لما كانت تجيه كانت تجيه و تضل يومين او 3 .. اقصاااها 4 .. و تروح و يرجع طبيعي ياكل و يشرب

بس بدون ما تطلع الاسنان .. و بعد فترة ترجع الحاله و برضو يضرب فترة و بعدين يرجع ... لغاية ما طلعو له

4 اسنان .. وقعد فترة اوكي ماشاء الله عليه ما يتعبني .. و الحين من يومين رجعت له الحاله يمكن بتطلع اسنان جديدة ..

المهم لا تقلقي و اتعودي .. لانها بتصير له اكثر من مرة .

مابيدنا الا الصبر عليهم .. ربي يحميه و يحفظه من كل شر يااارب و تفرحي فيه و ب اخوته

يووه المثل يكسر الخاطر :( الله يعينهم بجد ما بيدي شي اسويله اياه..
الله يخليلك يوسف وتفرحي فيه ان شاء الله ..

كل يوم اصحى الصباح واكون متفائله خير واقول اليوم بيشرب الحليب واجرب معاه وبرضه لسه رافض اليوم رابع يوم ..
الاكل على حاله اول كان ما شاء الله يفطر في ربع ساعه الان ياليل ماطولك يمكن ناخذ ساعه وبالبكا والمضاربه الين ما يرضه ياكل.. بس عالاقل الحمدلله بيدخل بطنه اكل ارحم من اول يوم ما ذاق شي بس يستفرغ..

شكرا كثييير على مشاركتك وطمنتيني انه الحال تقريبا من بعضه :)

ايه ودينه الدكتور اول يوم اضرب فيه لانه ما كان باين انه فيه اسنان بتطلع وكان بس يستفرغ فخفت يكون مريض..

حاولت اعطيه العضاضه مو راضي يعضها او حتى يقربها من فمه واذا حاولت بالمنديل احكله لثته يبكي ..الظاهر توجعه وما يبغى شي يلمسها..

فعلا كلام دكتورك صحيح،، الشهيه صفر هذي الايام الله يعينه ويعديها بسرعه ..

شكرا كولورز على افادتك..

ياحبيبي الله يعينه يارب
فعلا الاسنان العلويه صعبه محمد طلع الي تحت وانامو حاسه بعدين طلع اثنين فوق يعني ماشي الحال بس اللحين بيطلع الجانبين وهو مايرضع كويس ولا ياكل زي الناس بيحزن
حتى لمااطعميه بيستفرغ اكيد اللثه توجعهم وابنك الاربعه مع بعض عنجد صعبه شوفي لازم تجيبيله الجل واستمري على المسكن
وان شاالله مافيه الاالعافيه او ل مايبداوايبرزوا راح يبدا يرتاح
وهو كيف ياخد الحليب بالرضعه او الكاسه لاني احس الرضعه احسنلهم

انتم كمان بتعانو؟؟ الله يعينهم بجد

بالنسبه للحليب متعود ياخذها بالرضاعه لكن الان بعد الاضراب بيشفط شفطه بس يذوق انها حليب بيرمي الرضاعه.. الغريب بحطله مويه كمان بالرضاعه بيشربها تمام من دون شكوى!!

الان بحاول اشربه الحليب بالكاسه ( مش كاسة الاطفال لالالا اقصد الكاسه حقت الكبار ) لانه بلاحظه انه بيشرب شويه لما تكون بالكاسه هو ماخذها لعب لما اقرب الكاسه من فمه بيقعد يصرخ والكاسه بفمه عشان يسمع صوته غريب ويقعد يضحك عليها وبياخذله كم (مل) حليب بالطريقه هذي احسن من بلاش..

الحال من بعضه يا كريستالا

لا تشكيلي لأبكيلك

إضراب تاااام يمتد ليومين أو ثلاثة

بنتي طلعت الإثنين يلي تحت بس يلي فوق لسه ولا واحد و متل ما قلتي بتيجي فترة أكلها ولا أحلى من هيك و اياام ما بتشرب حتى الحليب

الله بعين